Ирэх сард бие даасан тоглолтоо хийхээр амлаад байсан “Мотив” хамтлагийн тоглолтын тов хойшилжээ. Учир нь тус хамтлагийнхан 10 гаруй дуутай хоёр дахь цомгоо гаргахаар ажиллаж байгаа бөгөөд шинэ цомгийн дуунууд үзэгчдэд хүрсний дараа тоглолтоо хийхээр болсон байна. Шинэ цомогт хуучин дуунуудаас нь ганцхан “Цасан бороо” хэмээх хит дуу нь багтсан бөгөөд энэ дуугаараа хоёр дахь цомгоо нэрлэж магадгүй гэнэ. Дан ганц хайрын сэдэвтэй, уянгын дуунууд бус залуучуудад зориулсан орчин үеийн хэмнэлтэй уг цомогт нь “Чи минь ганцхан”, “Өөрийгөө өөрчил” зэрэг уран бүтээлүүд нь багтжээ. Тэд шинэ цомгийнхоо дуунуудаас түрүүчийг нь клипжүүлэхээр ажилдаа орсон гэнэ.