Гүүрэн гарц барих ажлыг дэмжлээ | News.MN

Гүүрэн гарц барих ажлыг дэмжлээ

Хуучирсан мэдээ: 2018.03.23-нд нийтлэгдсэн

Гүүрэн гарц барих ажлыг дэмжлээ

Гүүрэн гарц барих ажлыг дэмжлээ

НИТХ-ын Тэргүүлэгчдийн хурлын дарга С.Амарсайхан тэргүүлэгчдийн хурлын ирцийг мэдээлж, хэлэлцэх асуудлын дарааллыг танилцууллаа. Хуралдаанд 9 тэргүүлэгч оролцох ёстойгоос 8 тэргүүлэгч оролцов. Өнөөдрийн хуралдаанаар:

  1. ‘Улаанбаатар хотын хөгжлийн корпораци’ ХК-ийн талаарх мэдээлэл сонсох

  2. ‘ЗЦГ-ын ойролцоо гүүрэн гарц барих’ төслийн ажлыг эрчимжүүлэх талаар авах зарим арга хэмжээний тухай

  3. Авто худалдааны цогцолбор’ ОНӨААТҮГ-ийн өөрчлөн байгуулах тухай

  4. Хотын дүрмийн төслийг боловсруулах ажлын хэсэг байгуулах тухай

  5. Нийслэл Улаанбаатар хотын 380 жилийн ойг тэмдэглэн өнгөрүүлэх тухай

  6. Ойг тэмдэглэн өнгөрүүлэх зөвшөөрөл олгох тухай /Өргөө амаржих газар/

  7. СБД-ийн нутаг дэвсгэр дэх /100 айл орчим/ барилгын материалын зах, худалдааны төвийг үе шаттай нүүлгэн шилжүүлэх асуудлыг судлах, ажлын хэсгийн танилцуулга

  8. Хурлын ажлын албаны хөдөлмөрийн дотоод журам шинэчлэн батлах тухай

  9. НИТХ-ын хуралдаан зарлах тухай гэсэн дарааллаар 9 асуудлыг хэлэлцэхээр төлөвлөсөн бол НИТХ-ын тэргүүлэгч П.Баярхүү эдгээр 9 асуудал дээр нэмж Нийслэл хотын захиргааг Яармаг руу нүүлгэх асуудлыг нэмж хэлэлцэх горимын санал оруул, уг асуудлаар санал хураахад тэргүүлэгчдийн олонхи нь дэмжсэн тул уг асуудлын хуралдааны хэлэлцэх асуудлын дараалалд нэмж оруулж, нийт 10 асуудлыг өнөөдрийн хуралдаанаар хэлэлцэхээр боллоо.

Хэлэлцэх асуудлын дарааллын дагуу ‘Улаанбаатар хотын хөгжлийн корпораци’ ХК-ийн талаар тайлан мэдээллийг Гүйцэтгэх захирал С.Сод-Эрдэнэ танилцууллаа.

Танилцуулгатай холбогдуулан Хурлын тэргүүлэгчид ‘Улаанбаатар хотын хөгжлийн корпораци’-ийн Гүйцэтгэх захирал С.Сод-Эрдэнээс асуулт асууж, хариулт авлаа. Тухайлбал, Тэргүүлэгч Н.Бат-Сүмбэрэл ‘Улаанбаатар хотын хөгжлийн корпораци’ ХК-ийн оффисийн түрээс, цалингийн зардал жилийн ямар хэмжээтэй байдаг вэ гэсэн асуултанд С.Сод-Эрдэнэ ‘Тус компанийн жилийн түрээс 96 сая, ажилчдын жилийн цалингийн зардал 220 сая төгрөг’ байдаг гэж хариуллаа.

Асуултын хариултын дараагаар тэргүүлэгчид санал хэллээ. Тэргүүлэгч П.Баярхүү ‘Улаанбаатар хотын хөгжлийн корпораци’ ХК нь төрийн нэрийг барьж ажиллаж байгаа юм бол аж ахуйн нэгжүүдтэй уралдан аль ашигтай төслүүд рүү ханддагаа болих хэрэгтэй. Харин ч эсрэгээрээ аж ахуйн нэгжүүдийн хийхгүй байгаа төслийг барьж авч хийхийг зорих хэрэгтэй. Мөн үйл ажиллагаагаа хотын бодлоготой уялдуулах ёстой. Та нарын танилцуулсан танилцуулгыг харахад танай үйл ажиллагааны төлөвлөгөө системгүй, эмх замбараагүй, юм юм руу үсчсэн хэлбэртэй байна. Үүнийг системтэй, төрөлжүүлсэн хэлбэрээр явуулах хэрэгтэй’ гэсэн саналыг хэлэв.

Үүний дараагаар ‘ЗЦГ-ын ойролцоо гүүрэн гарц барих’ төслийн ажлыг эрчимжүүлэх талаар авах зарим арга хэмжээний тухай асуудлаар хэлэлцлээ. Нийслэлийн Авто замын хөгжлийн газрын дэд дарга Б.Индра төслийн танилцуулгыг хүргэлээ.

Гүүрэн гарц барихтай холбогдуулан авто замын хөдөлгөөнийг хязгаарлах, хязгаарлагдсан замын хөдөлгөөний урсгалыг туслах зам болон шинээр түр зам барих байдлаар шийдвэрлэх төслийн танилцуулгатай холбогдуулан Хурлын тэргүүлэгчдийн зүгээс төслийг хэрэгжүүлэх байгууллага болох НГА, НӨХГ, НАЗХГ-ын удирдлагуудад хандан асуулт, хариулт авлаа. Холбогдох албан тушаалтнууд тэргүүлэгчдийн асуултанд хариулахдаа ‘…нийгмийн сүлжээгээр яваад байгаа шиг авто замын хөдөлгөөний түгжрэлийг бууруулах гүүрэн гарц баригдах 1.6 жилийн хугацаанд бид замын хөдөлгөөнийг хаачихна гэсэн үг биш, ЗЦГ-ын уулзвараар нэвтэрч байсан авто машины хөдөлгөөнийг хэд хэдэн чиглэлээр түр зам барих байдлаар шийдвэрлэж байгаа. Гүүрэн гарцын бүтээн байгуулалт эхлэхээс өмнө төсөлд дурьдагдсан түр замуудыг барих, үүнтэй холбоотой газар чөлөөлүүлэх асуудалтай холбоотой тодорхой хэмжээний зардлыг шийдэж өгвөл бид 14 хоногт багтааж Нарны замаас урагш Дүнжингарав зэрэг хэд хэдэн чиглэлээр түр замуудыг нээж, гүүрэн гарцын ажил эхлэхэд эдгээр замуудыг нээх боломжтой гэдгээ илэрхийлэв’.

Тэргүүлэгчдийн хурлаар Гүүрэн гарц барихтай холбоотой тогтоолыг төслийг дэмжиж, ингэхдээ холбогдох дүрэм журмын хүрээнд нийцүүлэн шийдвэрлэхээр тогтлоо.

Үдээс өмнөх хуралдаан завсарлаж 14:00 цагаас үргэлжлүүлэн хуралдахаар боллоо.

Эх сурвалж: НИТХ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-23 27.123.214.103

Хотын захиргааг ханын материалд барина гэсэн яасан бэээ утаа түгжрэл ядуурал бүх юмнаасаа л зугатаагаад байх юмаа богд уулын ар энгэрт очиж амарцгаах гэж байгаан байна даа Новичокдчмоор гарууд уу гүй юу

Avatar

Зочин 2018-03-23 66.181.161.40

yasan yrij bolovsruulj tuluvluj duusdaggui yum be? odoo ajil bolgoochee.Tsag hugatsaa yvaad bna.Neg olon yum yriad l bh yum.Naad ajluudad chini des daraalal gej bdaggui yumuu?

Avatar

Зочин 2018-03-23 66.181.161.40

nuguu tureesiin oron suuts hutulbur heregjuulne unuu margaashgui buteen bguulaltin ajlaa ehlene zaluu ger buluudiig demjine geed bsa yagaad ter talaar yrihgui bnaa.dulaan bolchihloo yriad l bh yum ajlaa hiiheechee

Avatar

Зочин 2018-03-23 182.160.5.205

Заавал хятадаар бариулах албатай юм уу,Япон,Солонгос улсуудаар бариулж болдоггүй юм уу? Хятад хүн илүү авлига өгч байна уу,өөр даалгавар байна уу

NewsMN Гар утасны хувилбар Татах
NEWS.mn

Мэдээллийн эх сурвалж