“Universe Best Songs 2009′ наадмын шилдэг оролцогчоор шалгарч байсан Б.Хулан Монгол телевизийн “The Voice of Mongolia” шоугаар тайзнаа эргэн ирээд байна. АНУ-д кино найруулагч мэргэжлээр суралцаж төгссөн түүнээс үзэгчид тэсрэлттэй бүтээлүүд төрнө гэж найдлага тавьж буй юм. Одоо тэрбээр IFI продакшинд туслах найруулагч хийж байгаа аж. Мөн Соёл урлагийн их сургуулийн Радио телевиз, медиа урлагийн сургуульдаа мэргэжлээрээ уран чадварын багшаар давхар  багшилдаг юм байна.  

Эвлэгхэн хоолойгоороо олны хайрыг татаж явсан дуучин бүсгүй өнгөрсөн хугацаанд өөрийн ковер дуунуудыг ч гаргаж амжсан байдаг. 

Одоо харин ямар чансаатай бүтээлийг үзэгчиддээ хүргэх вэ гэдгийг “The Voice of Mongolia” шоунаас харах л үлдлээ. 

                                                                                                                      Э.Бурам