Таксины жолооч залуу нэгэн танилаа Далан давхарт аваачин хүчиндэхийг завджээ. Хохирогч энэ үйлдлийг эсэргүүцэж, зугтахыг оролдсон ч гэмт этгээд бүсгүйн амь насыг хөнөөсөн байна. Хохирогчийн цогцсыг цагдаагийнхан өчигдөр олсон бөгөөд хэрэгтэн өөрөө хэргээ хүлээсэн аж.

Хохирогчийн цогцсыг Далан давхарын ойролцоох жалганаас олжээ. Хохирогч долдугаар сарын 18-ны өдөр ажлаасаа харихаар явснаас хойш өчигдрийг хүртэл сураггүй байсан юм. Хэргийг шалгах явцад, удаан уулзаагүй байсан найзууд баярлаж, наргицгаасныг тогтоожээ. Хохирогч найзуудтайгаа наргисаар 05 цагийн үед гэртээ харихаар болсон гэнэ. Энэ үед түүнтэй хамт байсан таксины жолооч хүргэж өгөхөөр болсон бөгөөд замдаа бүсгүйн амийг хөнөөсөн нь энэ аж. Хэргийг БЗД-ийн Цагдаагийн хэлтэс шалгаж байна.