Ерөнхий сайд Наурызын баярын мэндчилгээ дэвшүүлэв | News.MN

Ерөнхий сайд Наурызын баярын мэндчилгээ дэвшүүлэв

Хуучирсан мэдээ: 2018.03.22-нд нийтлэгдсэн

Ерөнхий сайд Наурызын баярын мэндчилгээ дэвшүүлэв

Ерөнхий сайд Наурызын баярын мэндчилгээ дэвшүүлэв

Монгол Улсын нийт казах иргэд ээ,

Эрхэм хүндэт Баян-Өлгийчүүд ээ!

Өвлийг өнтэй давж, урин хавартай учран золгож буйг билэгшээн өдөр шөнө тэнцсэн тэгш сайхан өдөр улс хотлоороо өргөн дэлгэр тэмдэглэдэг олон зуун жилийн түүхтэй дорно дахины ард түмний уламжлат шинэ жил-Наурыз баярын сайхан өдөр тохиож байна.

Энэ өдрийг тохиолдуулан эх орныхоо дөрвөн зүг, найман зовхист аж төрж, суралцаж, нийгмийн бүх салбарт ажиллаж байгаа нийт казах иргэд Та бүхэндээ Монгол Улсын Засгийн газар болон хувиасаа чин сэтгэлийн халуун мэндийг хүргэж, түмэн олноороо эрүүл энх, эгэл хотлоороо амар амгалан, дүүрэн билэгтэй, түвшин жаргалтай байхын өлзийтэй ерөөлийг өргөн дэвшүүлье.

Наурызын баяраар “Наурызын өдөр дайснаа хүртэл уучил”, “Мууг сайнаар дайл” гэсэн өвөг дээдсийн сургаалыг ёсчлон биелүүлж, эв эеийг эрхэмлэн, ахас дээдсээ хүндлэн дээдэлдэг сайхан уламжлалтай.

Амьдралын үндсийн үндэс болсон байгаль орчноо хайрлан хамгаалах үйлст томоохон ач холбогдол өгдөг гүн гүзгий утга агуулгатай. Тиймээс 7000 жилийн тэртээгээс уламжлагдан ирсэн, дэлхий дахины дөч гаруй орны 300 сая хүн өргөн хүрээнд, ёс төгөлдөр тэмдэглэж байна.

Тийм ч учраас энэхүү баярыг НҮБ-ын Соёл, шинжлэх ухаан, боловсролын асуудал хариуцсан байгууллага (ЮНЕСКО) биет бус соёлын үнэт өвд бүртгэж, жил бүрийн гуравдугаар сарын 22-ыг Олон улсын Наурызын баяр болгон тэмдэглэхийг тунхаглан зарласан билээ.

Манай орны төр засаг болон төрийн бус байгууллагууд ч томоохон ач холбогдол өгч, энэ өдрийг Баян-Өлгий аймагт амралтын өдөр болгохыг Хөдөлмөрийн хуулиар зохицуулж, Наурыз баярыг жилээс жилд уламжлал шинэчлэлийг оновчтой хослуулан үр өгөөжтэй тэмдэглэх болсныг баярын энэ өдөр онцлон тэмдэглэхийг хүсч байна.

Улиран өнгөрч буй “Алтан унжлагат” тахиа жил бидэнд үр өгөөжөө өгсөн, бас ухаарал үлдээсэн жил байлаа. Улсын эдийн засаг 5 хувиар өсөж, амьдрал ахуй сайжрах эхлэл тавигдлаа.

Буянт мал сүрэг 66 саяд хүрч, гадаад валютын нөөц 3.2 тэрбум долларт хүрч өслөө. Монгол Улсын экспорт, гадаадын шууд хөрөнгө оруулалт, төсвийн орлого өмнөх жилүүдээс эрс нэмэгдэж, олон улсын хөрөнгө оруулагчдын итгэл нь сэргэж эхэлсэн нь та бидний хичээл зүтгэлийн үр дүн юм.

Айлчлан ирж буй нохой жилд энэхүү ололтоо бататгаж, улам ихийг бүтээж, улс орны эрчим хүчний хэрэгцээг бүрэн хангах, газрын тосыг дотооддоо боловсруулах үйлдвэрийн ажлыг эхлүүлж, агаар орчны бохирдлыг бууруулах, тэтгэвэр тэтгэмжийг өсгөх, ажлын байр нэмэгдүүлэх зэрэг дэд бүтэц, бүтээн байгуулалтын томоохон ажлуудыг хийж хэрэгжүүлэх болно.

Үүнд ажилч хичээнгүй, хөдөлмөрч казах түмэн Та бүхэн багагүй хувь нэмэр оруулна гэдэгт итгэлтэй байна.

Эртний уламжлал, удам судраа түшин, буурал дээдсийн үеэс өнөөг хүртэл зузаан түүхийг бүтээж яваа ажилч хичээнгүй, авьяаслаг, хөдөлмөрч казах түмэн, эх орон төрөлх аймаг, орон нутгаа хөгжүүлэхийн төлөө, ихийг бүтээх хүсэл эрмэлзэл дүүрэн байдгийг Наурыз баярын энэхүү билэгт сайн өдөр тэмдэглэн хэлэхэд таатай байна.

Цаашид Засгийн газар, МАН казах иргэдийн талаарх бодлогыг анхаарлынхаа төвд байлгаж ажиллах болно.

Уламжлалт Наурыз баяраа тэмдэглэж буй нийт казах иргэддээ шинэ ондоо элгээрээ энх амгалан, төрлөөрөө түвшин амгалан, Ахтаан найрагчийн Агига бүргэд шиг эр зоригтой, домборын аялгуу шиг цог золбоотой, домогт Толбо нуур шигээ арвин тансаг дастархантай, идээ цагаа элбэг дэлбэг байж, амьдрал ахуй тань дэвжин дээшлэхийн ерөөл дэвшүүлье.

Та бүхний ажил, амьдрал ямагт өөдрөг байж, санасан бүхэн чинь сэтгэлчлэн бүтэж, буян заяа тань зүйл бүрээр дэлгэрэх болтугай.

Эх сурвалж: zasag.mn

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-22 182.160.37.93

Казах түмэндээ Наурызын баярын мэндийг хүргье!

Avatar

Зочин 2018-03-22 64.119.18.10

МАНАНГ УСТГАЖ ШИНЭ ЗГ ХЭРЭГТЭЙ

Avatar

Зочин 2018-03-22 64.119.18.10

манан д ялтанууд их шүү үнэн

Avatar

Зочин 2018-03-22 64.119.18.10

шоу хүрэлсүх ялтан

Avatar

Зочин 2018-03-22 64.119.18.10

ХУДЛАА ШААЖ СУРСАН ХУЛГААЧ ХҮРЭЛСҮХ ИЧ АРД ТҮМЭН ЧИНИЙ ЭСРЭГ ГЭДЭГИЙГ ХАТУУ САНЖ ЯВ ХУЛГААЧ ХУЛГААЧИДАА ЯАГААД [Хориотой Үг] ХИЙХГҮЙ БАЙНА ЭНХБОЛД ШЭЭСИЙН ҮГЭЭР ЯВЖ БАЙГАА [Хориотой Үг] ЧИ ТӨРӨӨС [Хориотой Үг]

Avatar

Зочин 2018-03-22 122.201.19.99

Хасагууд Чингэс манайх гэж хэнэг ч үгүй ярдаг бүгд тэгж боддог

Avatar

Зочин 2018-03-22 122.201.19.99

Балай ядчих юм аа казак хувцас өмсөж яах нь вэ

Avatar

Зочин 2018-03-22 103.229.122.163

kazah mongoliin dund yas hayahaa bolio mongol ulsiin erenhii saidad deed zergiin hundetgel uzuulsen oor uls baihguishuu kazah naiz nartaa bayariin mend devshuulie

Avatar

Зочин 2018-03-22 64.119.17.115

САЙХАН АЛИАЛАГЧ БАЙНА

Avatar

Зочин 2018-03-22 50.204.62.58

Хасагуудыг даврааж болохгуй 1990 онд Хасагууд НУБд биднийг тусгаар улс болгоно уу гэж орогдол огч байсныг санах тун. Бас Казастаны хасагууд оорсдийгоо Чингис Хааны Монголчууд одоогийн Халх Монголчууд манж гаралтай хумуус Чингисийн Монголчууд биш гэж ЗГын дэмжлэгтэй маш хучтэй сурталчилгааг хуучин ЗХУын орнуудад явуулаад 10 гаруй жил болж байна. Одоо тэд нар Монголын Нууц Товчоо хасагуудын бутээл гэдэгт бур мосон итэгсэн байгаа. Энэ лаларуудыг даврааж хэзээ ч болохгуй тэр Кахастанруу нь зайлуулах хэрэгтэй

Avatar

Зочин 2018-03-22 27.123.214.107

Хүрэлсүх сайдад хятадууд 4 тэрбум дойлуур бэлдсэн мань хүн хавханд орж зээлээд ирэх вий дээ тэр мөнгийг нь…оронд нь тэд юу нэхнэ гээч…

Avatar

ЗОЧИН 2018-03-22 103.57.95.140

БАЯНӨЛГИЙГЭЭС КАЗАКСТАНРУУ ХАР АЖИЛЧИН ГАРГАХЫГ АСУУДАЛГҮЙ АМЛАЖ ЧӨЛӨӨТЭЙ НЭВТРЭХ БОЛОМЖИЙГ НЬ ХАНГАХ ЮМ ГЭСЭН

Avatar

хүрэлсүх 2018-03-22 202.9.40.162

казах хувцсан др нүдний шилтэй тэ-нэг харагджийна kkk

Avatar

зочин 2018-03-22 202.131.225.150

бид чинь социолист системдээ дахин орчихжээ. цэдэнбал, брежнев хоёр л хаана очно тэр газрынхаа хувцас өмссөн харагддаг байгаа. одоо бол путин, мадуро 2 нэг иймэрхүү ааш гаргадаг байх. ажлаа л сэтгэлээсээ сайн хийж байвал ийм хөгийн юм ч хэрэггүй л байгаа юм.их зохиж хөөрхий. магадгүй энэ чинь казах цусны нөхөр юм биш үү

Avatar

Зочин 2018-03-22 202.131.243.162

энэ урвагч дүлзэн ухна яг юу шийдсэн юм вэ? микрофон, камер харахаараа эзэн болох жанхугаа дууриаж тагтуу пооз авч ганц нэг хүн загнах, ард түмний мөнгийг онгирч сагсуурч цацахаа асуудал шийдвэрлэнэ гэж ойлгоод байгаа юм биш биз дээ?

Avatar

Зочин 2018-03-22 213.143.48.248

Наад баяр чинь нар шүтдэг баяр билүү.исламтай харш л баяр байгаа юм даа

Avatar

Зочин 2018-03-22 202.55.180.182

БОЛЖ БАЙНА

NewsMN Гар утасны хувилбар Татах
NEWS.mn

Мэдээллийн эх сурвалж