Зүүн хүрээ Дашчойлон хийдийн хамба Ч.Дамбажав санаачлан тус хийдэд 80 тохой өндөр Майдар бурхныг дуганы хамт сэргээн бүтээх ажлыг эхлүүлээд байгаа юм. 80 тохой гэдэг нь 16 орчим метртэй тэнцэнэ. Майдар бурхны эх загварыг Өндөр гэгээн Занабазарын тигээр барималч Н.Оргил урлаж, дуганы загварыг архитектор Д.Балдан гаргасан байна. Бурхныг цутгаж, бүтээх ажлыг Түвдэд хийж байгаа нь дуусах шатандаа ороод байгаа бол сүмийг Дашчойлон хийдийн хашаанд барьж байгаа юм.

Майдар бурхан болоод түүний дуганыг сэргээн бүтээхдээ уламжлалт хэв маягийг хадгалж, орчин үеийн дэвшлийг тусгасан, шашин, соёлын үйл ажиллагаа эрхэлж болохуйц хэлбэр хийцтэй барихаар төлөвлөөд байгаа юм.