Хотын дарга “Наурыз 2018” хүндэтгэлийн арга хэмжээнд оролцлоо | News.MN

Хотын дарга “Наурыз 2018” хүндэтгэлийн арга хэмжээнд оролцлоо

Хуучирсан мэдээ: 2018.03.21-нд нийтлэгдсэн

Хотын дарга “Наурыз 2018” хүндэтгэлийн арга хэмжээнд оролцлоо

Хотын дарга “Наурыз 2018” хүндэтгэлийн арга хэмжээнд оролцлоо

Казахстан Монгол Улсын хооронд дипломат харилцаа тогтоосны 26 жилийн ой болон «Наурыз»-ын баярыг тохиолдуулан “Наурыз 2018” хүндэтгэлийн арга хэмжээг өнөөдөр зохион байгууллаа.

Хүндэтгэлийн арга хэмжээнд Нийслэлийн Засаг дарга бөгөөд Улаанбаатар хотын Захирагч С.Батболд болон УИХ-ын гишүүн асан, Аж үйлдвэрийн гавьяат ажилтан, Эрчим хүчний зохицуулах хорооны дарга А.Тлейхан, УИХ-ын гишүүн асан, академич А.Бакей, ХХААХҮ-ийн дэд сайд Ж.Сауле, МУИС-ийн Сэтгүүл зүй, олон нийтийн харилцааны тэнхимийн профессор, шинжлэх ухааны доктор (Sc.D), Соёлын гавьяат зүтгэлтэн М.Зулькафиль, Соёлын гавьяат зүтгэлтэн, МЗЭ-ийн шагналт зохиолч, орчуулагч, доктор, профессор (Sc.D) Т.Султан нар  оролцсон юм.

Уг арга хэмжээг нээж Нийслэлийн Засаг дарга бөгөөд Улаанбаатар хотын Захирагч С.Батболд “Эрхэм хүндэт аксакалууд, настан буурлууд, хүүхэд залуустаа, нийт казах иргэддээ Наурызын баярыг тохиолдуулан нийслэлчүүдийн нэрийн өмнөөс болон хувиасаа чин сэтгэлийн мэндчилгээ дэвшүүлж, хамгийн сайн сайхныг хүсэн ерөөе. Урин цаг наашилж, ургамал төлжих цагийг угтан золгодог Наурызын баяр бол манай казах түмний шашин соёл, уламжлал, ёс заншил, ураг төрлийн өргөн дэлгэр баяр билээ. Баярын энэ өдөр айл гэр, аймаг хотлоороо настан буурлууддаа хүндэтгэл үзүүлж, залуустаа сургаал элбэрлээ хайрлаж, улиран одож буй оныхоо амжил бүтээлээр бахархан, алдаа оноог шүүн тунгааж, ирэх жилийнхээ өнгийг шинжиж, өөдрөг бүхнийг бэлгэдэн ерөөдөг сайхан уламжлал манай казах түмэнд бий.

Нарны баяр буюу Наурызын  баяр нь  дэлхий нойрноос сэрж, өдөр шөнө тэнцэн, хүн төрөлхтөн уламжлалаа дээдлэн, байгаль дэлхийгээ шүтэн  билэгшээдгийг илтгэхийн зэрэгцээ   залуу, хойч үедээ өв соёл, хүндлэл бахархлыг өвлүүлэн үлдээдгээрээ  онцлог юм.  Тиймээс ч  Нийслэлийн удирдлагын  зүгээс  Казах түмний өв соёлтой салшгүй холбоотой “Бүргэдийн баяр”-ыг  Улаанбаатар хотноо зохион байгуулдаг уламжлал тогтоож  байна.  Баян өлгий аймгаас  шилдэг бүргэдчид ирж, энэхүү  наадамд оролцохын зэрэгцээ  6000 жилийн түүхтэй бүргэдээр ан хийх  үйлийг  олон улсад сурталчилж, аялал жуулчлалыг хөгжүүлэхэд чухал ач холбогдолтой. Цаашдаа ч энэ наадам улам өргөжинө гэдэгт хотын даргын хувьд итгэлтэй  байна. Улаанбаатар хотын бүтээн байгуулалт, хөгжил дэвшил, шинэчлэлт өөрчлөлтийн бүхий л цаг үед  ажилч хичээнгүй, авьяас билэгт, зорьсондоо тууштай  казах иргэдийн маань оруулсан хувь нэмэр их.  Өнөөдөр ч   нийслэл хотын маань  9 дүүрэгт,   салбар бүрт  казах түмэн маань үр бүтээл арвинтай ажиллаж, амьдарч байна.  Тэр дундаа  Налайх дүүрэгт  казах иргэд илүү олноор суурьшин амьдарч  байдгийг та бүхэн мэднэ.

Иймд нийслэлийн удирдлагын зүгээс Налайх дүүрэгт хөрөнгө оруулалт, бүтээн байгуулалтыг нэмэгдүүлж, уурхайтай аж амьдралаа холбосон, түүхийг бүтээлцсэн казах иргэдээ дэмжсэн бодлого баримтлан ажилладаг гэдгийг дуулгая. Эх орныхоо өнцөг булан бүрт аж төрж, улс орныхоо хөгжил дэвшилд өөрсдийн бүтээл хувь нэмрээ оруулж байгаа нийт казах иргэддээ золгон ирж буй Наурызын хаврын баярааа элгээрээ энх амгалан, төрлөөрөө түвшин амгалан угтаж байхын өлзийтэй ерөөлийг өргөн дэвшүүлье.

Ургах нарыг угтан тосч, аялгуут домбороо хөглөж, айлчин гийчнээ баясган, дастархан дүүрэн идээ будаагаа дэлгэн, ураг төрлөөрөө баясан суугаа казах түмний маань золбоо хийморь, хүсэл эрмэлзэл зоригт бүргэдийн дэвэлт адил дээшилж байхыг хүсье” хэмээлээ.

2010 оны хоёрдугаар сарын 19-нд НҮБ-ын Ерөнхий Ассамблейн шийдвэрийн дагуу, «Наурыз»-ыг олон улсын баяр болгон зарласани гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-21 202.70.34.70

Ene kazahuudyg doromjildog humuus yamar zorilgoor bichij baina ve? Zoriud udeed baina uu, ali esvel uneheer iim hotsrogdson yum uu? alivaa ard tumen, olon tumniig doromjilj boldoggui yum daa. Uuniig meddeggui l yum baih daa.

Avatar

Зочин 2018-03-21 174.204.10.254

Хасагуудыг даврааж болохгуй 1990 онд Хасагууд НУБд биднийг тусгаар улс болгоно уу гэж орогдол огч байсныг санах тун. Бас Казастаны хасагууд оорсдийгоо Чингис Хааны Монголчууд одоогийн Халх Монголчууд манж гаралтай хумуус Чингисийн Монголчууд биш гэж ЗГын дэмжлэгтэй маш хучтэй сурталчилгааг хуучин ЗХУын орнуудад явуулаад 10 гаруй жил болж байна. Одоо тэд нар Монголын Нууц Товчоо хасагуудын бутээл гэдэгт бур мосон итэгсэн байгаа. Энэ лаларуудыг даврааж хэзээ ч болохгуй тэр Кахастанруу нь зайлуулах хэрэгтэй

Avatar

Зочин 2018-03-21 66.181.177.128

Kazak tumendee bayariin mend hurgie

Avatar

Зочин 2018-03-21 66.181.177.128

Kazak tumendee bayariin mend hurgie

Avatar

Зочин 2018-03-21 66.181.177.128

Kazak tumendee bayariin mend hurgie

Avatar

Зочин 2018-03-21 66.181.166.66

batbold ajlaa hiigeechee

Avatar

ХАРАМ 2018-03-21 94.248.79.73

Энэ баяр чинь исламын эсрэг л баяр шиг байгаа юм. Нар шүтэх чинь исламд ХОРИОТОЙ

NewsMN Гар утасны хувилбар Татах
NEWS.mn

Мэдээллийн эх сурвалж