"Ухах газар, ухахгүй газар гэж тусдаа байгаа" | News.MN

"Ухах газар, ухахгүй газар гэж тусдаа байгаа"

Хуучирсан мэдээ: 2018.03.21-нд нийтлэгдсэн

"Ухах газар, ухахгүй газар гэж тусдаа байгаа"

"Ухах газар, ухахгүй газар гэж тусдаа байгаа"

Хан-Уул дүүргийн арваннэгдүгээр хорооны нутаг дэвсгэр Зайсан толгойн зүүн талд тусгай хамгаалалттай газар нутагт иргэн О.Одсүрэн нь ямар ч зөвшөөрөлгүйгээр барилгын суурийн газар шорооны ажил явуулж байна гэсэн иргэний өгсөн мэдээллийн дагуу тус газарт Байгаль орчин, аялал жуулчлалын яам /БОАЖЯ/ болон Богдхан уулын дархан цаазат газрын хамгаалалтын алба, Цагдаагийн ерөнхий газрын /ЦЕГ/ албан хаагчид ажиллажээ. 

  Биднийг Зайсан толгойн зүүн талд 12.00 цагийн үед очиход ганц экскаватор,ухсан том хар нүх л торойн харагдаж байлаа.

Хэдийгээр Нийслэлийн прокурорын газраас өнөөдөр /2018.03.21/ дээрх газрын үйл ажиллагаа, ашиглалтыг түр зогсоох тухай тогтоол гаргасан ч иргэн О.Одсүрэн нь тус тогтоолыг зөрчин үйл ажиллагаагаа хэвийн үргэлжлүүлж байсан юм. Иймээс ЦЕГ-ын зүгээс зөвшөөрөлгүй газар шорооны ажил хийж буй иргэн О.Одсүрэнгийн багаж, хэрэгслийг хураан авчээ. 

Бодит байдал дээрээ суурьшлын бүс болсон байгаа биз дээ

Нөхцөл байдалтай танилцсан БОАЖЯ-ны тусгай хамгаалалтай нутгийн удирдлагын газрын ахлах мэргэжилтэн Ч.Гал хэлэхдээ,

“Өнөөдөр прокурорын дүгнэлт хүртэл гарсан байхад дээрх газар үйл ажиллагаагаа үргэлжлүүлээд  явуулж л  байсан. Одоогоор БОАЖ-ын сайд Н.Цэрэнбат Ерөнхий сайд У.Хүрэлсүхтэй хамт баруун аймагт ажиллаж байгаа. БОАЖ-ын сайдыг ирэхээр бид энэ асуудлыг сайдын түвшинд авч ярилцана.

Хэн ч байсан хууль биелүүлэх ёстой. Мэдээж бүтээн байгуулалтыг зураг төслийнх нь дагуу хийж бололгүй л яах вэ. Гэхдээ ухах газар, ухахгүй газар гэж тусдаа байгаа.Чингистэй уул, Зайсан толгой, Соёмбо уулыг яагаад ухаад байгаа юм. Өнгөрсөн жил Соёмбо уулыг ухаж байхад бид шууд газар ашиглах эрхийг цуцлуулсан. Одоо энэ Зайсан толгойн зүүн талыг ч мөн адил цуцлуулна. Албан байгууллагууд болон  хувь хүмүүс анх төслөө өгөхдөө гоё тохижуулна, нийслэлийн иргэдийг амарч зугаацуулах орчныг бүрдүүлнэ гэж газар ашиглах эрхээ авдаг. Гэтэл барилгаа барьсан хойно барилгын зориулалтаа өөрчлөөд орон сууц барьж байгаа тохиолдол олон байгаа. Бид хууль зөрчсөн хүмүүсийн газар ашиглах эрхийг цуцлаад  Нийслэлийн засаг даргын тамгын газарт хандаж, дээрх газруудад тохижилтын  ажлыг хийлгүүлнэ. Зайсан толгойг тусгай хамгаалалтай газар гэж байгаа боловч бодит байдал дээрээ суурьшлын бүс болсон байгаа биз дээ” гэв.

Зөрчлийн тухай хуулиар торгуулийн арга хэмжээ авна

Энэ асуудлыг Богдхан уулын дархан цаазат газрын хамгаалалтын мэргэжилтэн Н.Эрдэнэбилэгээс тодрууллаа. 

-Нөхцөл байдлын талаар мэдээлэл өгөөч?

– 2018 оны гуравдугаар сарын 20-ны өдөр иргэдийн зүгээс Зайсан толгойн зүүн талд  зөвшөөрөлгүй барилгын газар шорооны ажил явуулж байна гэх гомдол ирсэн. Нийслэлийн прокурорын газрын тогтоолоор дээрх газрын үйл ажиллагааг түр хугацаагаар зогсоолоо. Зөрчлийн хэрэг нээж шалгаж байна. Зөрчлийн тухай хуулиараа зөрчлийг арилгуулаад, торгуулийн арга хэмжээ авч, газрыг нөхөн сэргээлгэнэ.

-Албан шаардлага хэзээ хүргүүлсэн бэ?

-Өчигдөр /2018.03.20/ иргэдээс гомдол ирүүлсний дагуу бид газар дээр очиж, танилцсан. Харин өнөөдөр дахиад бичгээр албан шаардлага хүргүүлж байгаа. Биднийг ирэхэд барилгын ажил үргэлжилж байсан.

Албаны эх сурвалжийн мэдээлснээр, О.Одсүрэн нь УИХ-ын асан Л.Гүндалайгийн хамаатан бөгөөд О.Одсүрэнгийн шүүх хурал дээр Л.Гүндалай суусныг хэлж байлаа.

Энэ асуудалтай холбоотойгоор “2014 онд Зайсангийн аманд барилга барих нь хэрээс хэтэрлээ хэмээн тус хэсэгт амьдарч байсан гэр хорооллын 500 гаруй иргэдийн төлөөлөл сэтгүүлчдэд хандан мэдээлэл хийж байсан юм. Энэ үеэр Л.Гүндалайгийн эгч Л.Оюундалайгийн хүү О.Одсүрэн нь иргэдийн орон гэрийг хүч хэрэглэн буулгаж, газрын дээрмийг хийж байгаа” гэх мэдээллийг өгч байсныг эргэн сануулъя.

 

 

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2018-03-21 103.57.93.238

Chingistei uuliin zuun taliig bas uhsan bgaa shuu nuhun sergeelt hiilgeerei.
Gundalaigiin huuli busaar gazar zarj baigaa orlogiig ni yagaad hen ch yaridaggui yum boloo?

Avatar

Зочин 2018-03-21 103.26.194.124

чадахгүй юмнууд чацга царайлаад харицгаа л даа

Avatar

N 2018-03-21 202.9.42.64

Marshaliin guurnii hajuud goliin ereg deer barilga barigdaj baigaag boliulay

Avatar

Зочин 2018-03-21 27.123.212.136

Зайсан толгой биш Яран толгой гэж нэрлий

Avatar

Shunalt kundalai 2018-03-21 27.123.212.142

Kundalai budda hushuunii derged bas 2davhar ambaar barichihsan bnle olon davharyg barih gj bhad ni araihiij tsutsalsan bh

Avatar

zochin 2018-03-21 59.153.87.15

bugdiin adilhan zogsoo barisan , barih gej ,barigdaj bga geh met bugdiih ni gazariig cholooluul zovhon z Zaisan tolgoin hoshoot dursgaliig l uldee

Avatar

z 2018-03-21 59.153.115.223

битгий сүржигнэцгээ худлаа тэртэй тэргүй хойд энгэрийг нь ухаад барилга бариад яранд идүүлсэн юм шиг болчхоо биз дээ ямарт нь болохоор зөвшөөрөл өгөөд ямарт нь болохоор өгдөггүй юм бэ авилга бага өглөө гэж тэр үү тойруулаад нэг мөсөн яран толгой болгооч битгий дутуу орхи лал…даа

Avatar

Зочин 2018-03-21 202.170.72.3

Бүр цагаандаа гарчээ. Зайсан толгой бол монголын түүхтэй салшгүй холбоотой шүү дээ. Төрийн харалган бодлогоос болж 1500000 км хавтгай дөрвөлжин нутагтай монголчууд 4 уулын хооронд жигнэсэн будаа аятай бараг бие биен дээрээ дэрлэх нь холгүй, би цаашаа чи цаашаа болж, лизингээр авсан машинаа ч унах, зогсоох газаргүй болж амьдрах ч гэж дээ.

NewsMN Гар утасны хувилбар Татах
NEWS.mn

Мэдээллийн эх сурвалж