Дэлхийн банкны хөрөнгө буцаах санаачилгын төлөөлөгчидтэй уулзав | News.MN

Дэлхийн банкны хөрөнгө буцаах санаачилгын төлөөлөгчидтэй уулзав

Хуучирсан мэдээ: 2018.03.21-нд нийтлэгдсэн

Дэлхийн банкны хөрөнгө буцаах санаачилгын төлөөлөгчидтэй уулзав

Дэлхийн банкны хөрөнгө буцаах санаачилгын төлөөлөгчидтэй уулзав

Авлигатай тэмцэх газрын дарга, тэргүүн комиссар Х.Энхжаргал тэргүүтэй төлөөлөгчид АНУ-д хийсэн туршлага судлах айлчлалынхаа хүрээнд 2018 оны 3 дугаар сарын 6-ны өдөр Дэлхийн банкинд зочилж,  Дэлхийн банк болон Мансууруулах бодис, гэмт хэрэгтэй тэмцэх НҮБ-ын албаны хамтарсан Хулгайлагдсан хөрөнгийг буцаах “СтАР” санаачилгын мэргэжилтэн төлөөлөгчидтэй уулзаж, хоёр байгууллагын хоорондын хамтын ажиллагааны талаар санал солилцлоо.

Уулзалтын эхэнд Дэлхийн банкны Нийтийн албаны салбарын асуудал хариуцсан нэгжийн ахлагч Жоел Туркевитз өнгөрсөн хугацаанд Монгол Улсын Авлигатай тэмцэх газартай хамтран хэрэгжүүлсэн төслийн хүрээнд манай улсын хууль сахиулах байгууллагуудын албан хаагчдын санхүүгийн болон авлигын гэмт хэргийг илрүүлж, шалгах чадавхийг нэмэгдүүлэхэд чиглэсэн сургалт, зөвлөгөөн, Авлигатай тэмцэх газрын хөрөнгө, орлогын бүрдүүлэлт, хяналт шалгалтын цахим системийг хөгжүүлэх төслүүдийг амжилттай зохион байгуулж ирснийг онцлоод шинээр хэрэгжиж буй төсөлд тусгах саналуудын харилцан ярилцав.

Авлигатай тэмцэх газрын дарга, тэргүүн комиссар Х.Энхжаргал сургалт, зөвлөгөөн зохион байгуулах, хөрөнгө, орлогын бүрдүүлэлт, хяналт шалгалтын цахим системийг хөгжүүлэх, гарын авлага боловсруулах зэргээр дэмжлэг, туслалцаа үзүүлж ирсэнд Дэлхийн банк болон Хулгайлагдсан хөрөнгийг буцаах СтАР санаачилгын мэргэжилтнүүдэд талархаж, цаашид шинээр хэрэгжүүлэх төсөлдөө авлига, санхүүгийн гэмт хэргийг олон улсын хэмжээнд мөрдөн шалгах чиглэлд мэргэшүүлэх сургалтуудыг тусган оруулж, хамтын ажиллагааныхаа хүрээг өргөжүүлэх сонирхолтой байгаагаа илэрхийлжээ.

Уулзалтын төгсгөлд хоёр тал үргэлжлэн санал солилцож, нэмэлт ажлуудыг тусгахаар тохиролцсон байна.   

Эх сурвалж: АВИЛГАГҮЙ НИЙГМИЙН ТӨЛӨӨ ХАМТДАА

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-21 103.26.194.40

Хүсэл байхгүй бол бүр илрүүлэхгүй гэсэн хатуу зорилготой хүн юу ч сонсоод хэрэггүй. Харин ч авилгалыг улам ч сайн хамгаалах биз. М.Энхболд энэ хоёр ямар зүйл ярихаар гадаадад болзов ?????

NewsMN Гар утасны хувилбар Татах
NEWS.mn

Мэдээллийн эх сурвалж