Говь-Алтай аймгийн Тонхил сумын  төвөөсөө 100 км-ийн зайд хаднаас өөрсдийгөө боож нас барсан хоёр хүн байна гэх дуудлага гуравдугаар сарын 8-ны өдөр тус аймгийн цагдаагийн газарт иржээ.

Дуудлагын дагуу цагдаагийн алба хаагчид хэргийн газар очиход эрэгтэй эмэгтэй хоёр хүн байсан ба халааснаас нь гэрээслэл олдсон байна. Уг гэрээслэлд гэр бүлийн хүмүүс гэдгээ бичээд сум алдсанаас болж гурван настай хүүгийнхээ аминд хүрсэн талаар бичжээ. Тэд гэр бүлийн хүмүүс байсан ба гэрээслэлдээ амиа хорлосон учир шалтгааныг дэлгэрэнгүй бичсэн байжээ.

Мөн хүүгээ оршуулсан газрыг бичээд хүүгээ алдсанаас хойш амьдрал нь утга учиргүй болсон талаар дурдсан аж. Одоогоор эл хэргийг тус аймгийн цагдаагийн газраас үргэлжлүүлэн шалгаж байна.

Э.Ариун