Цахилгаан авто машины ОАТ-ыг тэглэх санал хүргүүллээ | News.MN

Цахилгаан авто машины ОАТ-ыг тэглэх санал хүргүүллээ

Хуучирсан мэдээ: 2018.03.20-нд нийтлэгдсэн

Цахилгаан авто машины ОАТ-ыг тэглэх санал хүргүүллээ

Цахилгаан авто машины ОАТ-ыг тэглэх санал хүргүүллээ

Улаанбаатар хотын агаарын бохирдлын 10 хувийг автомашинаас ялгарч байгаа утаа бий болгодог бөгөөд энэхүү ялгарч буй хорт бодис нь этилт хар тугалга, нүүрстөрөгчийн дутуу болон давхар исэл, хүхэрлэг хий, хөө тортог, кадми, альдегид бензопирен диоксин зэрэг хорт бодис агаарт ялгаруулдаг гэсэн судалгаа бий. Тиймээс автомашины яндангаас ялгарч байгаа хорт утааг багасгаж, байгаль орчинд үзүүлэх сөрөг нөлөөллийг бууруулах, эдийн засгийн хэмнэлттэй цахилгаан машины хэрэглээг нэмэгдүүлэхэд дэмжлэг үзүүлэх зорилгоор Нийслэлийн Засаг дарга бөгөөд Улаанбаатар хотын Захирагч С.Батболд 2017 оны А/613 дугаар захирамжийн дагуу цахилгаан тэжээлт автомашиныг 2017 оны есдүгээр сарын 1-ний өдрөөс эхлэн замын хөдөлгөөнд дугаарын хязгаарлалтгүй оролцуулж эхэлсэн. Мөн хотын даргын 2017 оны А/614 дүгээр захирамжийн дагуу цахилгаан тэжээлт автомашиныг авто зам ашигласны төлбөрөөс 2017 оны есдүгээр сарын 1-ний өдрөөс эхлэн чөлөөлсөн билээ.

Цахилгаан авто машины хэрэглээг эрчимтэй нэмэгдүүлэх замаар нийслэлийн агаарын бохирдлын 10 хувийг эзэлж буй авто машинаас ялгарах хорт утаатай тэмцэхэд татварын бодитой хөнгөлөлт, чөлөөлөлт зайлшгүй шаардлагатай байгаа талаар өнгөрсөн хугацаанд Нийслэлийн Засаг дарга мэдэгдэж байсан юм.

Харин өнөөдөр Нийслэлийн Засаг дарга С.Батболд “Цахилгаан тэжээлт автомашины онцгой албан татварыг 2019 оны нэгдүгээр сарын 1-ний өдрөөс эхлэн “тэг” /0/-лэх саналыг Монгол Улсын Засгийн газарт хүргүүллээ. Хотын дарга “Энэхүү тогтоолын төсөл батлагдсанаар импортоор орж ирж буй цахилгаан тэжээлт автомашин онцгой албан татвараас чөлөөлөгдөн, байгаль орчинд ээлтэй, эдийн засгийн хэмнэлттэй, газрын тосноос хараат бус хэрэглээ нэмэгдэх чухал ач холбогдолтой” гэж үзэж байгаагаа дурдаад нийслэлийн зүгээс цаашид цахилгаан тэжээлт автомашины цэнэглэгч станц суурилуулах, аюулгүй ажиллагааны дүрэм стандарт боловсруулж батлуулах, цахилгаан тэжээлт автомашины улсын дугаарыг ялгах тэмдэгтэй болгох зэрэг ажлыг холбогдох төрийн захиргааны байгууллагуудтай хамтран хэрэгжүүлэх болно гэдгээ хэлж байсан юм.

Нийслэлийн зүгээс цахилгаан авто машины хэрэглээг нэмэгдүүлэх олон талт ажлын хүрээнд “Нийтийн эзэмшлийн зам талбайд төлбөртэй зогсоол ажиллуулах зөвшөөрөл”-д тухайн зогсоолын багтаамжаас хамааран нэгээс доошгүй зогсоолыг бүрэн цахилгаан автомашинд зориулан тохижуулж, үнэ төлбөргүй ашиглуулах нөхцөлийг бүрдүүлэхээр ажиллаж байгаа юм байна.

Улсын Их Хурлаас 2017 оны 06 дугаар сарын 08-ны өдөр баталсан Онцгой албан татварын тухай хуульд нэмэлт, өөрчлөлт оруулах тухай хуулиар цахилгаан тэжээлт автомашинд ногдуулах онцгой албан татварын хувь, хэмжээг уг хуулийн 6.3-т заасан хэмжээний 0-50 хувиар Засгийн газар тогтоохоор хуульчилсны дагуу Засгийн газрын 2017 оны 164 дүгээр тогтоолоор цахилгаан тэжээлт автомашинд ногдуулах онцгой албан татварын хувь, хэмжээг 50 хувиар тогтоосон байдаг. Энэ нь цахилгаан тэжээлт авто машины хэрэглээг нэмэгдүүлэхэд тодорхой хэмжээний хүндрэл учруулж байгаа талаар Монголын автомашины дистрибьютерүүдийн ассоциаци, авто машин импортлогч иргэд, аж ахуйн нэгжүүдийн зүгээс энэ оны эхээр Нийслэлийн Байгаль орчны газрын удирдлагатай хийсэн уулзалтын үеэр илэрхийлж байсан юм.

Өнөөдрийн байдлаар Монгол Улсын нийт тээврийн хэрэгслийн 60,9% нь нийслэл хотод бүртгэлтэй бөгөөд 2016 онд 432,661 автомашин техникийн оношилгоонд орсноос 6367 автомашин утааны үзүүлэлтээр тэнцээгүй байна. Техникийн хяналтын улсын үзлэгийн дүнг үндэслэн тооцоход сүүлийн 3 жилд нийслэлийн автомашины жилийн дундаж өсөлт 13.1 хувьтай байгаа нь хорт утааны ялгарал багатай тээврийн хэрэгслийн хэрэглээг дэмжих шаардлага бий болоод байгааг харуулж байна. 2017 оны 4 дүгээр сарын 11-ний өдрийн байдлаар улсын хэмжээнд нийт 74 бүрэн цахилгаан (цэнэглэдэг) авто тээврийн хэрэгсэл бүртгэлтэй байгаа нь туйлын хангалтгүй үзүүлэлт юм. Үүнээс 61 нь төрийн болон хувийн өмчит троллейбус, 13 нь бага оврын ачааны болон суудлын автомашин байна.

Дэлхийн томоохон автомашин үйлдвэрлэгчид бүгд цахилгаан автомашин үйлдвэрлэж байгаа бөгөөд 15-20 жилийн дараа нийт үйлдвэрлэх автомашины 90%-ийг цахилгаан автомашин эзлэх судалгаа гарсан байдаг гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-20 103.9.90.130

Мундаг байнаа. 2014 оны цахилгаан Ниссан 12-14 сая, шинэ нь бусад суудлын автомашинтай яг адилхан үнэтэй байгаа. Гол нь утаа гаргахгүй. Байгальд ээлтэй. Шатахуунгүй боловч эрчим хүчний нүүрсээр баян орон шүү дээ бид чинь. Стратегийн зөв тоглолт хийж байна.

Avatar

зочин 2018-03-20 202.9.43.160

Лаг санаачлага байнаа. Өөр хэнч ингэж сэтгээгүй байхад инээдтэйч юмдоо . Харин хийгээр ажилладаг машигныг ч адилхан 100% татвараас хөнгөлөх хэрэгтэй шүү. Манайх бусад орнуудтай зүйрлэшгүй их утаатай хот суринтайшдээ. даргаа.

Avatar

төлөөлөгч 2018-03-20 202.9.41.51

Урьд хөршөөс орж ирэх юм Энэ даргад унац сайн байна даа

Avatar

Буруу рультэй машины жолооч 2018-03-20 202.9.41.51

Бүх ослын 90 хувь нь буруу рультэй машинаас гардгий би бүрэн судалсан. Япон машин чанар сайн боловч ослын эх үүсвэр болдог Жолооч хүн бүрэн дундаас дээш боловсролтой. Хар ухаантай ,ёс суртхуунтай, гэмт хэрэгт холбогдож байгаагүй иргэн байх ёстой.

Avatar

Зочин 2018-03-20 202.21.106.137

Харин гибрид Приусны татварыг сайн нэмэх хэрэгтэй

Avatar

Зочин 2018-03-20 66.181.185.212

Больз үз.Түрүүчийнхийг нь яая гэж байхад Дахиад буруу талдаа жолоотой буман машина орж ирнэ.Одоо ер нь машина оруулж ирэхээ зогсоомоор байна Энэ шавааралдсан хотод машина нь багтахаа болиод байна шүү. Бас тэгээд цахилгаан машины аккумлятор гэдэг их хорт хаягдлыг хаана яаж шингээх юм!!!

Avatar

Зочин 2018-03-20 49.195.36.203

Tsahilgaan mashin unetei bga. Tesla bol 200000$-s deesh. Hend zoriulj bgaan bol

Avatar

Зочин 2018-03-20 183.81.171.3

Сайн байна.

Avatar

Зочин 2018-03-20 43.228.131.110

Энэ үнэн тэнэг ОРК шүү. 100 хувь цахилгаан машин гарч амжаагүй байна МАЛЫН ЭМЧЭЭ.

Avatar

Зочин 2018-03-20 183.81.171.3

Орчин цагаас нилээн хоцрогдсон нөхөр байна даа. Цахилгаан тэжээлт автомашиныг дэлхий даяар үйлдвэрлэж байна.

Avatar

Bt 2018-03-20 66.181.176.227

Pruis дээр нэмээд баахан батарей

NewsMN Гар утасны хувилбар Татах
NEWS.mn

Мэдээллийн эх сурвалж