NBA-ын “Даллас Маверикс” болон Испанийн шигшээ багийн хамгаалагч Руди Фернандез төрөлх нутгийнхаа сагсан бөмбөгийн “Реал Мадрид” багт тоглохоор боллоо. Эзэн хааны баг түүний төлөө гурван сая евро төлж, дөрвөн жилийн гэрээ байгуулжээ. Даллас хотын сагсан бөмбөгийн баг түүнийг драфтын 26-гаар сонгогдсон Жордан Хэмилтоноор сольж, “Портлэнд” багаас авсан юм. Тэрбээр 2001 онд Испанийн “Ховентут” мэргэжлийн сагсан бөмбөгийн карьераа эхлүүлж, 2006 оны “Европын шилдэг залуу тоглогч”-оор шалгарчээ. 2007 оны NBA-ын  драфтын 24-өөр шалгарч “Финикс Санс” багт ирсэн ч Жеймс Жонесоор солигдон, “Портленд Трэйл Блэйзерс” багт хүчин зүтгэж байсан юм.