БНСВУ-тай Онцгой байдлын салбарт хамтран ажиллана | News.MN

БНСВУ-тай Онцгой байдлын салбарт хамтран ажиллана

Хуучирсан мэдээ: 2018.03.20-нд нийтлэгдсэн

БНСВУ-тай Онцгой байдлын салбарт хамтран ажиллана

БНСВУ-тай Онцгой байдлын салбарт хамтран ажиллана

Бүгд Найрамдах Социалист Вьетнам Улсын нийслэл Ханой хотноо 2018 оны 03-р сарын 15-16-ны өдрүүдэд зохион байгуулагдсан “Гамшгийн эрсдэлийг бууруулах Сендайн үйл ажиллагааны хүрээ баримт бичгийг Ази, Номхон далайн бүсийн хөдөө аж ахуйн салбарт хэрэгжүүлэх нь: Гамшигт тэсвэртэй хүнс, хөдөө аж ахуйн тогтолцоог сайжруулах нь” сэдэвт бүсийн бага хуралд ОБЕГ-ын дэд дарга, хурандаа Ц.Ганзориг оролцоод ирлээ.

Тэрбээр хурлын үеэр Бүгд Найрамдах Социалист Вьетнам Улсын Байгалийн гамшгийн эрсдэлийг удирдах төвийн орлогч дарга ноён Тран Чуан Хоай тэргүүтэй удирдлагуудтай уулзаж, Монгол Улсын Онцгой байдлын ерөнхий газар, Бүгд Найрамдах Социалист Вьетнам Улсын Хөдөө аж ахуй, хөдөөгийн хөгжлийн яам хооронд нягт, бүтээлч хамтын ажиллагааг хөхиүлэн дэмжих, гамшгийн удирдлага, менежментийн салбарт хэрэглэгдэж буй тэргүүн туршлагыг солилцох, онцгой байдлын албаны боловсон хүчний чадавхыг бэхжүүлэх, холбогдох хууль тогтоомж, дүрэм журам, бодлого, дадлага, дүрэм журамд техникийн туслалцаа үзүүлэх зорилготойгоор хамтран ажиллах санамж бичгийг байгуулахаар тохиролцов.

Санамж бичгийг 2018 оны 07-р сарын 03-06-ны өдрүүдэд Улаанбаатар хотноо зохион байгуулагдах “Гамшгийн эрсдэлийг бууруулах Азийн сайд нарын бага хурал”-ын үеэр үзэглэхээр талууд санал нэгдсэн байна гэж Онцгой байдлын ерөнхий газраас мэдээллээ.

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж