Хүлээн зөвшөөрөгдсөн лидерүүд | News.MN

Хүлээн зөвшөөрөгдсөн лидерүүд

Хуучирсан мэдээ: 2018.03.19-нд нийтлэгдсэн

Хүлээн зөвшөөрөгдсөн лидерүүд

Хүлээн зөвшөөрөгдсөн лидерүүд

Монгол Улсын байнгын хөрш орнууд болох Хятад, ОХУ-ын төрийн тэргүүнүүд бүрэн эрхийн хугацаагаа амжилттай сунгалаа. Бээжин хотноо Ши Жиньпин парламентын олон мянган гишүүдийн нижигнэсэн алга ташилт дунд Хятад улсын төрийн зөвлөлийн даргаар улиран сонгогдсон. Нөгөө талд Кремлийн талбайд ОХУ-ын ерөнхийлөгч Владимир Путин дөрөв дэх удаагаа улиран сонгогдсон баяраа нулимс цийлэгнүүлэн мэдэгдэв.

Хятадын дарга Ши Жиньпин парламентын их хурлаар дамжуулан үндсэн хуульдаа өөрчлөлт оруулснаар бүх насаараа төрийн эрх барих мандатыг олгох хууль, эрх зүйн өөрчлөлтийг бий болгосон юм. Түүний эрх мэдэл таван жилийн хугацаатай хоёр удаагийн бүрэн эрхээр хязгаарлагдахгүй болсноор Ши Жиньпин насан туршдаа Коммунист намын дарга, зэвсэгт хүчний коммандлагч байх нөхцөл бүрджээ. Ингэснээр тэрбээр Мао Зедунаас хойш цэргийн хүчийг нэмэгдүүлж, эдийн засгийн хүчирхэгжүүлэн, бүх Хятадыг нэг гарын дор зангидаж чадсан хүчирхэг удирдагч болж байна.

Нөгөө талд ЗХУ задарсанаар Орос улс хүн амынхаа талыг, газар нутгийнхаа гуравны нэгийг алдсан. Харин Владимир Путин ОХУ-ыг дахин аугаа гүрэн болгох амлалт өгч анх 2000 онд сонгогдсон. Үүнээс хойш 20 шахам жилийн хугацаанд Владимир Путин ОХУ-ын төрийн эрхийг барьсаар өнгөрсөн ням гаригт болсон ерөнхийлөгчийн сонгуульд 76.67 хувийн саналаар дөрөв дэх удаагаа бүрэн эрхийн хугацаагаа сунгалаа. Ийнхүү Владимир Путин Йосиф Сталинаас хойш хамгийн удаан төр барьсан удирдагч болжээ.

Ши Жиньпин, Владимир Путин хоёул улс орноо дэлхийн тэргүүлэх улс болгох зорилттой.

Путинаас ялгаатай нь Ши Жиньпин Хятадын нийгэм, улс төр, цэргийн эрх мэдлийг нэг дор зангидсан хүчирхэг бүтэцтэй намыг “өвлөж” авсан юм. Энэ нь түүнд хүслээ гүйцэлдүүлэх бүрэн эрх мэдлийг олгож байна. Ши Жиньпин 2013 онд Хятадын дарга болмогцоо авлигын эсрэг кампанит ажлыг эхлүүлж, улс төр, эдийн засаг, цэрэг армийн бүхий л шатанд их цэвэрлэгээ хийсэн. Бартай зүйрлэсэн их гарын авлигачдаас эхлээд ялаатай жишсэн жижигчүүдийг ч ялгаагүй том цэвэрлэгээ нь нэг талаараа Ши Жиньпиний өрсөлдөгчдөө намнах хэрэгсэл гэх хардлагыг төрүүлдэг.

Харин Владимир Путин энэ сонгуулийн өмнө “Өрсөлдөгчөө би өөрөө бэлдэх ёстой юу?” хэмээсэн нь олны анхаарлыг татсан билээ. Гэвч түүний гол өрсөлдөгчдийн нэг авлигатай тэмцэгч, сөрөг хүчний тэргүүн Алексей Навальний эрүүгийн хэргийн улмаас сонгуульд өрсөлдөх эрхгүй болсныг дэмжигчид нь улс төрийн явуулга гэж үздэг. Бусад нэр дэвшигчдийн хувьд Владимир Путиныг ялчих хүчтэй өрсөлдөгч гэж тооцогдохгүй байв.

Ши Жиньпин 2050 он гэхэд Хятад улс дэлхийг тэргүүлэх улс болох ирээдүйн зорилтыг танилцуулжээ. Энэ нь Хятадын өнөө цагийн эрин үе дэх улс төрийн нягт нямбай байр суурь, эдийн засгийн үсрэнгүй хөгжил, ядуусын тоог үе шаттай бууруулах, гадаад ертөнц дэх байр сууриа бэхжүүлж, худалдаа наймааны шинэ үеийг авч ирэх төлөвлөгөө юм. Үүний тулд 2035 он гэхэд дахин 50 сая иргэний амьжиргааны түвшнийг дээшлүүлэх зорилт тавьжээ. Тэрбээр өнгөрсөн таван жилд Хятадын даргаар ажиллах хугацаанд дотоодын нийт бүтээгдэхүүн 54 их наяд юань байснаас 80 их наяд юань болж өссөнийг мэдэгдсэн. Мөн 60 сая хүнийг ядуурлаас гаргаж, ажил төрөлтэй болгожээ.

Харин Владимир Путин мөрийн хөтөлбөртөө дэд бүтцийн хөгжил, эрүүл мэнд, боловсрол, хөдөлмөрийн бүтээмжийг нэмэгдүүлэхэд анхаарчээ. Үүний тулд тэрбээр залуусыг дэмжиж, иргэдийн орлогыг нэмэгдүүлэхийн төлөө ажиллах аж. Тэрбээр ярилцлагадаа ДНБ-ий өсөлт болон аж үйлдвэрлэл 1.6 хувьтай байгааг онцолж, автомашин болон химийн үйлдвэрлэл, хөдөө аж ахуй энэ жил гурван хувиар өсөх таамгийг танилцуулжээ. Түүнчлэн ОХУ түүхэндээ байгаагүй их хэмжээний ургац хурааснаар үр тарианы экспортоор дэлхийд тэргүүлж байгааг бахархан ярьжээ.

 

Ши Жиньпин

 

Владимир Путин

Нас: 64 настай (1953 оны зургадугаар сарын 15)

Төрсөн газар: Бээжин

Гэр бүл: Эхнэр, охинтой

  • 1999-2002 Фужянь мужийн захирагч,
  • 2002-2007 Зежян мужийн захирагч, дараа нь намын нарийн бичгийн дарга,
  • 2007 онд хэсэг хугацаанд Шанхайн намын нарийн бичгийн дарга,
  • 2007 оны аравдугаар сард Коммунист намын улс төрийн байнгын хороонд нэгдэж, Ху Жинтаог залгамжлах хүртлээ таван жил бэлтгэгджээ.
  • 2008-2013 оны хооронд дэд ерөнхийлөгч,
  • 2010-2012 оны хооронд Цэргийн төв комиссын дэд дарга

 

 

 

 

Нас: 66 настай (1952 оны аравдугаар сарын 7)

Төрсөн газар: Ленинград

Гэр бүл: 2 хүүхэдтэй, эхнэрээсээ салсан

  • Владимир Путин 2000-2008, 2012-2018 ерөнхийлөгч
  • 1999-2000, 2008-2012 ерөнхий сайд
  • 1975 онд Улсын аюулгүй байдлын хороо “KGB”-д элсэж суралцсаныхаа дараа сөрөг тагнуулын албанд ажилласан.
  • 1985-1990 оны хооронд орчуулагч гэх нэрээр халхавчлан Зүүн Германд ажиллажээ.
  • 1991 онд Санкт-Петербург хотын захиргааны гадаад харилцааны хорооны дарга,
  • 1997 онд ерөнхийлөгчийн тамгийн газрын орлогч дарга,
  • 1998 онд Холбооны аюулгүй байдлын албаны (FSB) дарга,
  • 1999 онд онд ерөнхий сайдаар сонгогдсон

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-19 66.181.161.39

Манайх Тулгаа еронхийлогчийг насаар нь болгоход алдах юмгvй!! Ухаанаараа энэ хоероос илvv юу гэхээс дутуу юмгvй!! Талх чихэрийн том vйлдвэр, Мах импексийн аврага vйлдвэр, Баянголын 5 одтой Зочид буудал, Цонжин болдогийн асар том хешее зэргийг бvтээн босгосон хvн шvvдээ!!! Агуу юм хийсэн хvн дээ!!!!!

Avatar

Зочин 2018-03-19 202.179.25.51

Наваьлный өрсөлдсөн бол Путинээс бусад 7 өрсөлдөгчдөөс арай илүү санал авах байсан байж болно. Гэхдээ л 20 хувийн ч санал авахааргүй л байсан. Тэр гадныхнаас "ногоон" авч жагсаал цуглаан хийдгийг оросууд олон удаа шүүмжилж, бүр эсэргүүцдэг байв. Англосаксончуудын амжилттай ажиллагааны үрээр СССР-ийг задалсныг оросууд одоо ч үзэн яддаг бөгөөд үүнээс болж либералуудыг үзэхээ байсан юм.

Avatar

ахах 2018-03-19 202.21.106.149

манай погжи Жэнкоог насар н ерөнхийлэгч болгдг юм билүү хэхээ

Avatar

Ovgon 2018-03-19 64.119.26.136

Umhii fashist putler songuuli hemeeh jujig taviad terend ni arhichin ard tumen ni itgeed ain kkkk. Za tegeed sanaliin toollogo ch bas judla jujig. Putleriig garch irsenees hoish ene oros orond unen yum gej baihgui bolson. Sobchak gedeg y****n huuhentei orsoldoj songuuli hiihees ene ogor tolgoi puler ichdeggui yum baihda kkkkk.

Avatar

Ovgon 2018-03-19 112.72.11.104

Umhii fashist putler songuuli hemeeh jujig taviad terend ni arhichin ard tumen ni itgeed ain kkkk. Za tegeed sanaliin toollogo ch bas judla jujig. Putleriig garch irsenees hoish ene oros orond unen yum gej baihgui bolson. Sobchak gedeg y****n huuhentei orsoldoj songuuli hiihees ene ogor tolgoi puler ichdeggui yum baihda kkkkk.

Avatar

Зочин 2018-03-19 202.21.106.126

ТЭМБҮҮТЭЙ ЭМГЭН ЧАДРААГҮЙ Л БАЙНА УУ ХАХА

Avatar

Зочин 2018-03-19 202.170.72.3

Шин Жинпин БНХАУ-ын дарга болохоос Төрийн Зөвлөлийн дарга биш, Төрийн Зөвлөлийн Ерөнхий сайдаар Ли Көцян улирдан сонгогдсон. Мөн Шин Жинпиний төрсөн нутаг Бээжин биш, Сиань хот юм. Судалгаатай бичиж сурмой.

Avatar

Зочин 2018-03-19 182.160.37.184

Хөршүүд маань тайван байвал бид ч бас л тайван байна шүү дээ. Хоёр удирдагчийг дэмжиж байна.

Avatar

Zochin 2018-03-19 27.193.30.215

2uulaal jinhene uls orniihoo toloo zutgedeg humuus yum.mgol ootsdiinhoo amiiggal bododog novshnuud

Avatar

Зочин 2018-03-19 122.201.24.65

Burhan huleej bai gj bna.

Avatar

Зочин 2018-03-19 202.131.245.243

Коммунист хятад хөгжөөд ардчилсан Монгол улам л ядуураад, өрөнд ороод байх юм. Ямар учир байна аа? Тэр бурхны гайхамшигт хүчит мутраасаа асууж өгөөч.

Avatar

ЗОЧИН 2018-03-19 202.9.40.140

ХӨРШ 2 ОРНУУДЫН ЕРӨНХИЙЛӨГЧИД: БИ ИЙМ БҮТЭЭН БАЙГУУЛАЛТ ХИЙЛЭЭ, … АВИЛГАЧДЫГ ШИЙТГЭЛЭЭ, … ХҮНИЙГ АЖИЛТАЙ БОЛГОЖ ЯДУУРЛЫГ … %- ИАР БУУРУУЛЛАА ГЭЖ АЖЛАА ТАЙЛАГНАЖ БАЙХАД, МАНАЙ 76+1 ; БИ ЭРДЭНЭТ ҮЙЛДВЭРЭЭ ХУЛГАЙЛЖ ДЭЭРЭМЛЭЭ, ОЮУТОЛГОЙН ГЭРЭЭГ ГАДНЫХАНД АШИГТАЙГААР ХИЙЛЭЭ, 28 ЖИЛ НЕФТИЙН ҮЙЛДВЭР, 5-Р ЦАХИЛГААН СТАНЦ БАРИНА ГЭЖ ШОУДЛАА, АВИЛГАЧДЫН НУРУУГ ТЭНИЙЛГЭЛЭЭ, ХУУЛИЙН БАЙГУУЛЛАГЫГ ХУВЬДАА АШИГЛАЖ ГУУЛЬ БОЛГОЛОО, МОНГОЛЫНХОО ХӨГЖЛИЙГ ИНГЭЖ ХОЙШ ТАТАЖ ЧАДЛАА ГЭЦГЭЭХ ЮМ. ,,, ЭНЭ 2-ЫН ХООРОНД ГАЗАР ТЭНГЭР ШИГ ЗӨРӨӨ БАЙГАА БИЗ ??? 76+1 -ҮҮД ПУТИН ГЭДЭГ БАРИМТАТ КИНОНУУДЫГ ЗААВАЛ ҮЗЭЖ УЛС ОРНЫ УДИРДАГЧ ХҮН ЯАЖ АЖИЛЛАЖ, ЮУ БҮТЭЭДГИЙГ МЭДЭЖ АВААСАЙ БИЛЭЭ. МОНГОЛ ОРОНД МИНЬ ДАЙН, МӨРГӨЛДӨӨН, ХАЛДАЛАГА БОЛООГҮЙ, БАЙГАЛИЙН АЮУЛТАЙ ГАМШИГ ТЭР БҮР ТОХИОЛДООГҮЙ, МАЛ НЬ 60 САЯ ГАРТЛАА ӨССӨН, 3 – ХАН САЯ ХҮНТЭЙ, БАЙГАЛИЙН БАЯЛАГЧ ИХТЭЙ, ХӨГЖИЛТЭЙ ДЭЛХИЙН 2 ТОМ ИХ ГҮРНИЙ ДУНД АШИГТАЙ БАЙРЛАЛД БАЙДАГ ХЭРНЭЭ ЯАГААД ИРГЭД НЬ АЖИЛГҮЙ, ОРЛОГОГҮЙ ЯДУУ, УЛС ОРОН НЬ ХӨГЖИХГҮЙ БАЙНА ВЭ ??? ХЭДИЙ БОЛТОЛ ИНГЭЖ ЯВАХ ВЭ ???????????????????????? !!!!!!!!!!!!!!!!!!!!!!!!!!!!!!!!!!!!!!!!!!!!!!!!

Avatar

Зочин 2018-03-19 122.201.24.65

2 muuhai komunist. Burhanii gaihamshigt huchit mutar manai ulsiig uurd munh hamgaalj huchirhegjuulen hugjuuleh bolno. Mongoliig ezelehiig Burhan tedend zuvshuuruhgui.

Avatar

Зочин 2018-03-19 202.131.245.243

Коммунист хятад хөгжөөд ардчилсан Монгол улам л ядуураад, өрөнд ороод байх юм. Ямар учир байна аа? Тэр бурхны гайхамшигт мутраасаа асууж өгөөч.

Avatar

Зочин 2018-03-19 202.21.100.202

ингэж ингэж энэ 2 манайхыг хуваагаад улсдаа нэгтгэх байхаа даа, зүгээр л би тэгж боддын

Avatar

Зочин 2018-03-19 202.70.38.18

Аврага том хоёр хаданд хавчигдсан халиуны зулзага яаана даа яаана. ядаж байхад ерөнхийлөгч нь хулгар бөх хулгай

Avatar

Зочин 2018-03-19 202.21.106.124

Орос Хятад хоер нялуурах муугийн цондон шүү. Энэ хоер ойртох тусам Монголд ашиггүй тусаж байсан. 1950-1960-аад онд энэ хоер ид ойртох үеэр бид Орост Давст уулын газар нутаг, Хятадад Байтаг богдын нутгийг алдсан.

Avatar

Зочин 2018-03-19 202.131.245.243

Тагнын урианхайчууд Хөвсгөлөө буцааж авна л гээд байна.

Avatar

Зочин 2018-03-19 202.21.106.124

Танай Тува авч чадахгүй ээ

Avatar

Зочин 2018-03-19 202.131.245.243

Шойгу ах авна гэж байна билээ.

Avatar

Зочин 2018-03-19 66.181.161.12

Ухаантай хүн төрийг хугацаагүй удаан удирдахад улсаа хөгжүүлэд схан бх яг энэ тогтолцоон дээр нь тэнэг хүн хугацаагүй удирдахад улсаа сүйрүүлэх бхдаа. Дундаж хурдаар улсаа хөгжүүлэд хугацаатай удирдвал болмоор юм шиг.

NewsMN Гар утасны хувилбар Татах
NEWS.mn

Мэдээллийн эх сурвалж