“A Cirque du Soleil” буюу “Нарны цирк”-ийн АНУ-ын Флорида дахь циркийн тоглолтын үеэр агаарын гимнастикч өндрөөс унаж амиа алдсан золгүй хэрэг гарчээ.

Агаарын гимнастикч 38 настай Ян Арно өнгөрсөн бямба гаригт агаарын үзүүлбэр үзүүлж байгаад өндрөөс унасан байна. Франц гимнастикчийг эмнэлэгт яаралтай хүргэсэн боловч удалгүй амьсгал хураажээ.

“Нарны цирк” энэхүү харамсалтай явдлын дараа гаргасан мэдэгдэлдээ “Энэхүү гэнэтийн, золгүй явдал “Нарны цирк”-ийн гэр бүлд нөхөж баршгүй гарз тохиолоо” гэжээ.  Агаарын гимнастикчийн үхэл золгүй тохиолдол байсан эсэхийг шалгахаар мөрдөгчид эрүүгийн хэрэг үүсгэн шалгаж байгаа юм байна. Агаарын гимнастикчид тохиолдсон энэ харамсалтай хэргийн улмаас “Нарны цирк” Флоридад тоглож байсан шоугаа цуцалсан гэнэ.  

Ян Арно “Нарны цирк”-т 15 жил ажилласан байжээ.  “Нарны цирк”-ийн жүжигчин тоглолтын үеэр амиа алдсан анхны тохиолдол энэ биш гэнэ.  2013 онд Лас Вегас дахь нэгэн тоглолтын үеэр нэгэн жүжигчин мөн л өндрөөс унаж амь насаа алдсан ажээ.

Эх сурвалж: BBC