ОХУ-ын Ерөнхийлөгчийн сонгуулийн урьдчилсан дүнгээр өнөөгийн Ерөнхийлөгч Владимир Путин 76.65 хувийн саналтайгаар тэргүүлж байна. Одоогийн байдлаар, нийт саналын хуудсыг 98.71 хувийг тоолж дууссан бөгөөд эцсийн дүн хараахан гараагүй байна. 

Тус сонгуульд дэлхийн 20 гаруй улс оронд амьдарч буй ОХУ-ын иргэд саналаа өгсөн.

Монгол Улсад Улаанбаатар, Дархан, Эрдэнэт гэсэн гурван газарт ОХУ-ын иргэдээс санал авсан бөгөөд нийт 1700 иргэн санал өгөхөөс 1249 иргэн саналаа өгчээ. Санал хураалтыг өчигдөр /2018.03.18/ 22.30 цагт тоолж дуусмагц Москва руу илгээсэн байна. 

Ингээд Монгол Улсад амьдарч буй ОХУ-ын иргэдийн санал өгсөн байдлаар жагсаавал: 

1. Владимир Путин – 82 хувь 
2. Павел Грудинин – 8.8 хувь 
3. Владимир Жириновский – 3.1 хувь 
4. Ксения Собчак – 2.8 хувь 
5. Григорий Явлинксий – 1.2 хувь 
6. Борис Титов – 1 хувь
7. Максим Сурайкин – 0.5 хувь
8. Сергей Бабурин – 0.4 хувь