Түүхий нүүрсийг орлох түлшээ бэлтгэе | News.MN

Түүхий нүүрсийг орлох түлшээ бэлтгэе

Хуучирсан мэдээ: 2018.03.19-нд нийтлэгдсэн

ХАРАХ ӨНЦӨГ

Түүхий нүүрсийг орлох түлшээ бэлтгэе

Түүхий нүүрсийг орлох түлшээ бэлтгэе

Жилийн дараагаас нийслэлчүүд түүхий нүүрс хэрэглэх боломжгүй болно. Зөрчвөл хариуцлага тооц гэх үгийг хууль тогтоогч нар чулуудах болсон нь торгох зэрэг шийтгэл оноохын сануулга болов уу:

Утаан дунд амьдрахыг хэн хүсэх билээ. Гэвч нүүрсийг орлох шахмал түлш хэрэгцээг нь хангах боломжгүй үед хуулиа зөрчихөөс аргагүйд хүрэхийг гэр хорооллын иргэд сануулж байна.

Улаанбаатар хотын гэр хороололд 220 мянган өрх бий. Нүүрсний жилийн хэрэглээ нь 600 мянган тонноор хэмжигддэг. Гэвч хэрэглээнд шахахыг оролдож буй шахмал түлш нь нүүрснээс хэд дахин илчлэг багатай хэрнээ үнэ өртгийн хувьд өндөр тусах болсон нь хамгийн том бэрхшээл болж хувираад байна. Өөрөөр хэлбэл, Засгийн газар одооноос эхэлж үнэ, илчлэгийн хувьд нүүрсийг давахуйц биш юм аа гэхэд орлохуйц шахмал түлш  үйлдвэрлэхэд анхаарлаа хандуулахгүй бол торгож шийтгээд асуудлыг шийдэхгүй нь ойлгомжтой болж буй.

Засгийн газрын түүхий нүүрсний хэрэглээг хорих шийдвэр 2019 оны тавдугаар сарын 1-ээс хэрэгжих учиртай. Нийслэлийн гэр хорооллын нэг өрх гурван ам бүлээс бүрддэг гэж тооцвол хамгийн багадаа 660 мянга гаруй иргэний түлшний хэрэглээг шийдэх шаардлагатай болсон гэсэн үг. Энэ бол бага тоо биш. Нийслэлийн хүн амын 50 хувь гэж тооцож болно.

Харин өнөөдөр нийслэлийн гэр хорооллын айл өрхүүдийн 10 хувь нь ч  шахмал түлш хэрэглэхгүй байна. Албадлагын арга хэмжээ авлаа ч ганцхан жилийн дотор 220 мянган өрх шахмал түлш хэрэглэдэг болно гэдэг итгэл үнэмшил төрүүлэхгүй байгаа. Яагаад гэвэл амьдралын чадавхи нь өнөөдөр өндөр өртөгтэй түлшийг дийлж авах боломжгүй.

Нэг үгээр хэлбэл, түүхий нүүрсийг орлохуйц, хямд үнэтэй шахмал түлшийг санал болгоогүй цагт тогтоолоор түүхий нүүрсийг хэрэглээнээс гаргана гэвэл түүн шиг үлгэр үгүй. Харин ч түүхий нүүрсний бизнес хулгайгаар цэцэглэх, түүгээр зогсохгүй нүүрсний үнийг өсгөж иргэдийн амьжиргааг дордуулах юм руу орох вий гэдэг болгоомжлол байгааг анхаарах ёстой болов уу.

Нийслэлийн гэр хорооллыг өнөөдөр түүхий нүүрсний бизнес аалзны тор шиг хэрсэн гэж хэлэхэд хэтрүүлсэн болохгүй. Хотын төвөөс бусад хэсэгт авто зам дагуулаад шуудайтай, нүүрс, мод зардаг цэг хэдэн мянгаараа бий. Тэдгээрийг хориглолоо гэхэд амбаар савандаа зарах нүүрсээ нууж таарна. Харин энэ тохиолдолд тэр олон мянган айл өрхийн хэд нь түүхий нүүрс хэрэглээд хэд нь шахмал түлш хэрэглэж байна вэ гэдгийг тогтоож, торгууль тавих вэ гэдэг асуудалтай тулна. Хорооны хэсгийн дарга нарыг үүрэгжүүлж, түүхий нүүрс хэрэглэж байгаа айлд торгууль тавь гэдэг үүрэг өгч болох ч энэ шийдэл биш шүү дээ.

Нөгөө талаас орлогогүй өрх хэдэн мянгаараа бий. Тэдний хувьд түүхий нүүрсийг хориглоогүй байхад дугуй, хуучирч муудсан гутал хувцаснаас эхлээд түлш болж болох бүхнийг зуухандаа шатаах болсон. Энэ хэсгийн хүмүүсээ яах вэ.

Бүх зүйлийг төрөөс зохицуулах албатай биш ч ядаж л иргэдээ орлоготой, ажилтай болгож, шуудай нүүрс, сайжруулсан түлш худалдан авах чадавхитай болгохгүй бол Засгийн газар хуралдаад л тогтоол гаргаад бүх юмыг хорих шиг амархан зүйл байхгүй.

Эцсийн эцэст  боломжийг олгож байж л ажил урагшилж, асуудлаа шийддэгийг дэлхийн олон орны туршлага харуулах болсныг  санах биз ээ.

Г.ХОРОЛ

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2018-03-19 27.123.212.132

хүрэн нүүрснээс хүрэн хүн шүү утаа гардаггүй хүрэн хүн шүү.

Avatar

Irgen 2018-03-19 27.123.214.110

MAN iin 17 terbumiin yildver yasan be 300myangan tonn xiine gesen 6 jil bolloo

Avatar

Зочин 2018-03-19 202.170.71.157

хүчээр л зогсооно доо, алийн болгон элдэв шалтаг тоочиж суух юм. зарим иргэдийн эрх зөрчигдөнө, тэглээ гээд 1 сая хүний амьд явах эрхийн хажууд юу ч биш гэдгийг ойлгомоор байна

Avatar

123 2018-03-19 103.10.22.17

шинэ түлээ олдохгүйээ тэгснээс цахилгаан шугам сүлжээгээ л янзалж чадвал утаанаас салах боломжтой гэдгийг ямарч энгийн хүнд ойлгомжтой байгаа шдээ

Avatar

Зочин 2018-03-19 202.179.26.86

УТААГҮЙ ЗУУХАН ДЭЭР МӨНГӨ ХЙИСЭН, ОДОО УТААГҮЙ ТҮЛШЭН ДЭЭР АЖИЛЛАХ НЬ.

Avatar

Зочин 2018-03-19 43.228.131.110

Харж л байя. Чадахуу. Хэдэн жилийн өмнө туршсан. Айлууд илч муутай хурдан шатдэг гээд түүхий нүүрсээ хэрэглээд байна гэж дуулдаж байсан. Одоо энэ тэнэгүүд таг мартаад морио уяаад алга болно доо.

Avatar

сэтгэгдэл 2018-03-19 103.14.36.6

утаагаа шийдлээ гэж бодьё тэгвэл хөрсний бохирдлоо яах юм

Avatar

Hugjliin berhsheel 2018-03-19 66.181.184.199

Alivaa yum 2 taltai baidag ajee. Hugjil yarisaar suirel ruu gulsdag uls baidag gene. Manaih hugjil suirel 2-iig saitar yalgan tanih ni amin chuhal yum daa es tegvees hugjliin berhsheeltei uls boloh ersdel baidag ajee.

Avatar

Зочин 2018-03-19 66.181.160.83

Ajil olddog bol huduu l amidarmaar bna. Uursduu ajliin bair bii bolgoyo geheer sanhuu ni hetsuu bgaad bdg. Ajliin bair bii bolgood ugvul huduu amidrah saihan bnaa

Avatar

Tarhiguidel 2018-03-19 66.181.184.199

Utaanbaatariin hort utaajilt bohir nuursnii unsnii toosjilt uneheer huuhdiig tarhinii gajigtai turehed hurgedeg talaar emch nar heleed baigaa bilee. Umhii LAGnii unertei niileed tom hunii tolgoig ch olgoi bolgoh ayultai baij medne.Utaanii shiidliig olohgui olon jil bolj baihiig harahad tomchuudiig tarhiguidel gedeg uvchind nervegduuldeg baij medeh yum.

Avatar

21 2018-03-19 202.55.191.130

Khun hulduj uhehig husehgui idsen munguuruu baishin bari suguudaaa

Avatar

Зочин 2018-03-19 27.123.212.138

Өөрчлөлтөндөө өөр өөрсдийхөөрөө бэлдэцгээе! Хэзээ нэгэн цагт айл бүр юм шатааж дулаацдаг үе халагдаж таараа. Бүгдээрээ заавал хотод амьдрах албагүй шүү!

Avatar

Зочин 2018-03-19 27.123.212.132

Гэр хорооллын айлуудыг хүчээр хотоос гаргах юм уу? Яаж гаргах уу? Гараад өгөөч ээ та нар заавал энд амьдрах ёсгүй гэхэд өөрсдөө гараад явах уу?

Avatar

ЗОЧИН J&J 2018-03-19 103.57.95.140

ХҮРЭЛСҮХ ЧИ ХҮРЭН НҮҮРС ОРЛОХ ЮМУУ . . ,

Avatar

Д 2018-03-19 66.181.182.152

ҮНЭН АМЬДРАЛААС ТАСАРСАН ЗГ ЯАХ ВЭ

NewsMN Гар утасны хувилбар Татах
NEWS.mn

Мэдээллийн эх сурвалж