3,417.49
Хөлбөмбөгийн зуны солилцоо наймааны цонх энэ сарын 31-нд хаагдана. Үүнээс өмнө багууд шинэ, шилдэг тамирчдыг эгнээндээ нэгтгэхээр ажиллаж байна. “Хүн зах” гэгддэг хөлбөмбөгийн солилцоо, наймааны эргэн тойрон дахь мэдээллээс хүргэе.- Италийн “Интер Милан” багийн довтлогч Самуэль Эту Оросын “Анжи Махачкала” багт тоглохоор эмчийн үзлэгээр орж байна. Үзлэгээр тэнцсэн тохиолдолд “Анжи” түүний төлөө 35 сая евро төлөөд, жилийн 20 сая еврогийн цалин өгөхөөр болсон нь Этуг багаасаа явахад хүргэсэн билээ.
- Ирландын шигшээ болон “Тоттенхэм” багийн довтлогч Робби Кин АНУ-ыг зорихоор боллоо. Тэрбээр алдарт Дэвид Бэкхэмийн тоглодог “LA Galaxy” багтай хоёр жилийн гэрээ байгуулжээ. “LA Galaxy” түүний төлөө 3,5 сая фунт төлсөн юм.
- “Арсенал” багийн ахлагч Сеск Фабрегас төрөлх “Барселона” багтаа албан ёсоор ирлээ. Тэрбээр 40 орчим сая еврогоор ирж байгаа бөгөөд өөрийн 4 дугаараа “өмсөхөөр” болжээ.
- “Арсенал”-ын баруун жигүүрийн хагас хамгаалагч Эммануэль Эбуэ Туркийн “Галатасарай” багт очихоор эмнэлгийн үзлэгээр орсон байна. Тэрбээр Премьер лигийн эхний тойрогт тоглоогүй бөгөөд түүний 27 дугаарыг Жервиньо зүүснээр багаасаа явах нь тодорхой болсон юм.
- Германы “Шальке 04” багийн довтлогч Раулыг Английн “Блэкбурн” баг сонирхож байгаа бөгөөд одоогоор үнийн саналаа тавиагүй байна.
Б.Ойнбилэг
