Барилга, хот байгуулалтын яам болон Сангийн яамнаас хамтарсан ажлыг хэсэг байгуулж, ипотекийн зээлийн журамд өөрчлөлт оруулсан.  Энэхүү өөрчлөлтийг удахгүй Засгийн газарт өргөн мэдүүлж, батлуулахаар болжээ. Журамд тусгасан онцлох өөрчлөлт нь орон сууцны зээлд хамрагдсан хүнд давтан зээл олгохгүй байхаар тусгажээ. Өмнө нь найман хувийн хүүтэй зээлээр хоёр, гурван байр авсан тохиолдлууд бий. Тиймээс гэр хороололтой газраа чөлөөлсөн, анх удаа байранд орж байгаа иргэдийг дэмжих бодлого баримталж байгаа аж.

 Түүнээс гадна хотын төвийн бүсийн орон сууцад хөнгөлөлт олгохгүй. Өөрөөр хэлбэл, хотын төвийн хэсгийнхэн найман хувийн хүү, 30 хувийн урьдчилгаагаа төлж, ипотекийн зээлд хамрагдах журам хэвээр үйлчилнэ. Харин хотын захын бүс буюу гэр хорооллын дахин төлөвлөлт хэсгээс байр авч байгаа иргэд долоон хувийн хүүтэй, 25 хувийн урьдчилгаа төлж ипотекийн зээлд хамруулахаар журамд тусгажээ. Өнгөрсөн жил ипотекийн зээлийн эргэн төлөлтөөр л ипотекийн зээл үргэлжилсэн бөгөөд сүүлийн нэг жилд дөрвөн мянга гаруй өрх л орон сууцны зээлд хамрагдсан байна. Тиймээс журамд хүртээмжийг нэмэгдүүлж, жилд 10 мянган өрхийг ипотекийн зээлд хамрагдах боломжийг тусгаж өгч.

Ш.ОЧ