Монгол Улсын Ерөнхийлөгч Х.Баттулга Багануур, Налайх дүүргийн иргэдтэй уулзлаа | News.MN

Монгол Улсын Ерөнхийлөгч Х.Баттулга Багануур, Налайх дүүргийн иргэдтэй уулзлаа

Хуучирсан мэдээ: 2018.03.18-нд нийтлэгдсэн

Монгол Улсын Ерөнхийлөгч Х.Баттулга Багануур, Налайх дүүргийн иргэдтэй уулзлаа

Монгол Улсын Ерөнхийлөгч Х.Баттулга Багануур, Налайх дүүргийн иргэдтэй уулзлаа

Монгол Улсын Ерөнхийлөгч Х.Баттулга өчигдөр нийслэлийн Багануур, Налайх дүүргийн иргэдтэй уулзлаа Ингэснээр Төрийн тэргүүний нийслэлийн иргэдтэй хийх уулзалт өндөрлөж, орон нутгийн уулзалт өнөөдөр Төв аймагт үргэлжлэх юм. Нийслэлийн долоон дүүрэг, 12 аймагт хийсэн уулзалтын статистикаас харвал аймаг, нийслэлийн уулзалтын үеэр 15 мянга гаруй иргэн Төрийн тэргүүний уулзалтад оролцож, 2500 гаруй иргэн санал хүсэлтээ биечлэн болон бичгээр илэрхийлсэн байна.

Эдгээр уулзалт санал хүсэлтийн дийлэнх нь тэтгэвэр, тэтгэмж, халамжийн асуудал байсан тул Ерөнхийлөгчийн Тамгын газар энэ асуудлаар Ажлын хэсэг байгуулж, тэтгэврийн тогтолцоог шинэчлэхээс гадна тэтгэврийн доод хэмжээг нэмэгдүүлэх асуудлаар санал боловсруулж, эрчимтэй ажиллаж байгаа гэж Төрийн тэргүүн Багануур, Налайх дүүргийн иргэдтэй уулзах уулзалтын үеэр хэлсэн юм.

ТУХАЙЛБАЛ, МОНГОЛ УЛСЫН ЕРӨНХИЙЛӨГЧ Х.БАТТУЛГА:

“Бидний уулзалтын эхний үр дүнгүүд гарч байгаа. УИХ, Засгийн газар зарим асуудлаа эргэж харж байгаа. Жишээ нь, Хүүхдийн мөнгийг 100 хувь олгох асуудал Засгийн газрын түвшинд яригдаж байна. Та бүхний илэрхийлж буй асуудлууд хэвлэл, мэдээллийн байгууллагаар дамжин та бүхний сонгосон хүмүүст хүрч байгаа. Ялангуяа, тэтгэвэр тэтгэмжтэй холбоотой асуудлууд сонгуулийн өмнө их яригдаж байсан, одоо ч миний уулзсан газар бүр ярьж байна. Өнөөдөр нийт тэтгэвэр авч байгаа гурван хүн тутмын хоёр нь бүрэн тэтгэврийн доод хэмжээ болох 220 мянган төгрөг авдаг. Ахмадууд 300 мянган төгрөг хүрэхгүй тэтгэврээр амьдрахыг энэ нийгэм тулгаж байна. Гэхдээ бид ирэх дөрөвдүгээр сарын 5-нд буюу УИХ-ын Хаврын чуулганы нээлтээр тэтгэврийн доод хэмжээг 500 мянган төгрөгт хүргээч ээ, гэсэн саналыг УИХ-д өргөн барина. Монгол Улсын Ерөнхийлөгчийн хувьд Үндэсний тэтгэврийн тогтолцооны чиглэлээр ажил хийж байна. Богино хугацаанд ахмадуудынхаа тэтгэврийг үлэмж хэмжээгээр буюу доод хэмжээг 500 мянган төгрөг болгох боломжийг судалж, УИХ-д санал оруулахаар эрчимтэй ажиллаж байгаа. Тийм учраас та бүхэн ч гэсэн УИХ-ын гишүүдээ тойрогтоо ирэхэд энэ асуудлыг дэмжээрэй гэж хэлээрэй” хэмээн хүсэв.

Багануур, Налайх дүүргийн иргэд уулзалтын үеэр нүүрсний уурхай, бие даасан хот болох, Их, дээд сургуулиудын бүс болох зэрэг дүүргийнхээ зарим онцлогтой уялдсан асуудлыг ярьж байсан ч нийтлэг хөндөж байгаа асуудал нь мөн л тэтгэвэр тэтгэмж, цалин хөлс, ажилгүйдэл, өр, зээл, зээлийн хүү гэх мэт асуудал байлаа. 

ЭХ СУРВАЛЖ: www.president.mn

 

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Болиоч ээ 2018-03-18 66.181.186.230

Ямарч арга хэмжээ авахгүй байж юу гээд улс орон тойроод явна бэ болиоч ээ. Шүүх прокуророо адгалж цэгцэлж чадахгүй байж юу худлаа яриад явна бэ. Шударга ёс алдагдсан гэвэл шүүх прокурор л ажлаа хийж чадахгүй бга юм биш үү.

Avatar

шонх 2018-03-18 202.9.43.67

МӨНГӨ ХЭВЛЭХ АРГАА ХАИЖ БАИНА ДОЛЛОР 5000 ДАВАХНЬ ДЭЭ ТЭГЭЭД ТЭТГЭВЭР ЦАЛИН НЭМСЭН САИН ХҮМҮҮС БОЛЦГООХ ГЭЖУУГАА БАИХОО

Avatar

Mongol 2018-03-18 202.86.146.42

Jinhene orkuudiin Erunhiilugch gedgee taniulj yavna daa, ene 17 chingeleg spirtiin naimaachin

Avatar

Bayarallaa. 2018-03-18 124.126.2.87

Hudlaa ch gesen hogshidiin chihend oir ug helj shoudaj baigaad bayaralahaas daa.Saihan ug hellee geed yamar uurlaltai ni bish dee he he. Tsag tsagaaraa baidaggui ee gej ene dee.Hoorhii eronhiilogch ni hurtel gudamjind jagsagchdiin tavidag yamarch tootsoo sudalgaagui tolgoidoo orson toog helj iim bolgohiin toloo ih zutgej baigaa dur esgej yariad yavj baih yum aa Eronhiilogchiin bodlogo, gudamjnii jagsagchdiin shaardlagaas yu ni yalgaatai baina aa. Eronhiilogchiin hemjeend yarigdaj baigaa too barimt bol bodit baidald tulguuralsan tsootsoo sudalgaanii undsen deer uls ornii hemjeend bielegdeh bolomtoi bodolgiin asuudal baih estoi bus uu???!!!

Avatar

ОРОС ШОУ 2018-03-18 202.179.26.6

ЭНЭ ШОУ СУНЖИРЧ БАЙНА. ДАРАА НЬ СҮРЖИГНЭЖ АРД ТҮМЭН ТЭГЖ ИНГЭЖ ХҮСЭЖ БАЙНА ГЭЖ ЗАГАЛМАЙЛСАН ЭЦЭГ АДИЛ ХАР ШИЛТЭЙ ЗАНГИАГҮЙ ГАРЧ ИРЭН ТАГТАА ПООЗОО ААВААД ХӨМСӨГӨӨ ЗАНГИДАЖ ХЯЛАЙЖ БАЙГААД БААХАН БАВАХ НЬ Л ДЭЭ.

Avatar

Зочин 2018-03-18 24.1.248.86

Hahaha

Avatar

Зочин 2018-03-18 99.203.4.236

Хөөрхий дөө мөнгө тараах тухай л яриад явна уу?

Avatar

Зочин 2018-03-18 182.160.5.78

Иргэдийн тавьсан асуултанд хариу өгөхгүй хий дэмий ингэж тэнэснээс БХЯамны ажиллагааг дээшлүүлмээр

Avatar

РАВДАН 2018-03-18 66.181.160.79

ТӨМӨР ЗАМЫН ЦЭРГЭЭ БҮРТГЭЖ ЯВААМ БАЙХ ДАА!

Avatar

Зочин 2018-03-18 202.21.106.141

Оркын ерөнхийлөгч

NewsMN Гар утасны хувилбар Татах
NEWS.mn

Мэдээллийн эх сурвалж