Чөлөөт бөхийн эмэгтэйчүүд Дэлхийн цомын тэмцээн өнөөдөр, маргааш Японы Такасаки хотод болно. 17 дахь удаагийн тэмцээнд БНХАУ, Япон, АНУ, Канад, Беларус, Канад, Швед, Румын, Монгол гэсэн найман орон оролцоно. Монголын баг “В” хэсэгт БНХАУ, Румын, Беларусын багтай багтсан. Манай шигшээ баг үдээс өмнө сэхний барилдаанаа БНХАУ-тай хийх бөгөөд үдээс хойш Беларус, Румыны багтай барилдана.

БНХАУ-ын баг 2007, 2008, 2009, 2010, 2011, 2013 оны Дэлхийн цомын аварга бол Беларусь улс дөрөв дэх удаагаа өрсөлдөх гэж байна. Харин Румыний шигшээ баг Дэлхийн цомд анх удаа шалгаран оролцож байна. 

Монголын багийн бүрэлдэхүүнд Хөдөлмөрийн баатар, гавьяат тамирчин Соронзонболдын Батцэцэг, гавьяат тамирчин Очирбатын Насанбурмаа, гавьяат тамирчин Пүрэвдоржийн Орхон нарын шилдэг бөхчүүд багтсан.

МОНГОЛЫН БАГИЙН БҮРЭЛДЭХҮҮН:

• 50 кг: Эрдэнэсүхийн Нарангэрэл, Цогт-Очирын Намуунцэцэг
• 53 кг: Эрдэнэчимэгийн Сумъяа, Ганбаатарын Отгонжаргал
• 55 кг: Эрхэмбаярын Даваачимэг
• 57 кг: Алтанцэцэгийн Батцэцэг
• 59 кг: Баатаржавын Шоовдор
• 62 кг: Пүрэвдоржийн Орхон
• 65 кг: Соронзонболдын Батцэцэг
• 68 кг: Шархүүгийн Түмэнцэцэг
• 72 кг: Очирбатын Насанбурмаа
• 76 кг: Амгаланбаатарын Чанцалнямаа

ТЭМЦЭЭНИЙ ХУВААРЬ

3-р сарын 17 (УБ-ын цагаар)

• 10:00 Канад v. АНУ (A дэвжээ) – Moнгол v. БНХАУ (B дэвжээ)
• 11:15 Япон v. Швед (A дэвжээ) – Беларусь v. Румын (B дэвжээ)
• 12:30 Швед v. АНУ (A дэвжээ) – Румын v. БНХАУ (B дэвжээ)
• 13:45 Япон v. Канад (A дэвжээ) – Беларусь v. Moнгол (B дэвжээ)
• 17:30 Нээлтийн ёслол
• 18:00 Швед v. Канад (A дэвжээ) –  Румын v. Монгол (B дэвжээ)
• 19:15 Япон v. АНУ (A дэвжээ) – Беларусь v. БНХАУ (B дэвжээ)

3-р сарын 18 (УБ-ын цагаар)

• 10:00 7-р байрын төлөө
• 11:30 5-р байрын төлөө
• 14:00 Хүрлийн төлөө
• 15:30 Алтын төлөө

Монголын эмэгтэй бөхчүүд Дэлхийн цомд 2009 оноос хойш тасралтгүй оролцсон бөгөөд 2013 онд мөнгө, 2015, 2017 онд хүрэл медаль хүртэж байв.