Эрүүл мэндийн яамны Төрийн нарийн бичгийн дарга Н.Хүрэлбаатар энэ сарын 12, 13-нд Увс аймагт ажиллалаа. Тус аймагт эрүүл мэндийн салбар үүсч, хөгжсөний 80 жилийн ойн хүдэтгэлийн үйл ажиллагаанд оролцсон тэрбээр баярын арга хэмжээг нээж, ажлын амжилт гаргасан эрүүл мэндийн салбарын ажиллагсдад шагнал гардуулжээ. Увсчууд байрын ойн арга хэмжээндээ зориулж, хүндэтгэлийн тоглолт, эрүүл мэндийн салбарынхаа түүхэн киног зочид, төлөөлөгчдөд сонирхуулсан байна. Мөн энэ үеэр Эрүүл мэндийн яамны Төрийн нарийн бичгийн дарга Н.Хүрэлбаатар Увс аймгийн эрүүл мэндийн байгууллагын үйл ажиллагаа болон шинээр баригдаж байгаа барилгын явцтай танилцсан байна.