Японд суралцах инженерүүд батламжаа гардлаа | News.MN

Японд суралцах инженерүүд батламжаа гардлаа

Хуучирсан мэдээ: 2018.03.16-нд нийтлэгдсэн

Японд суралцах инженерүүд батламжаа гардлаа

Японд суралцах инженерүүд батламжаа гардлаа

Монгол Улсад өндөр мэдлэг чадвар бүхий инженер технологийн мэргэжилтэн бэлтгэх, инженерийн боловсролын өрсөлдөх чадварыг дээшлүүлэх, багшлах хүний нөөцийг бэхжүүлэх, сургалтын орчныг шинэчлэх, чанарыг сайжруулах үүднээс Япон Улсад 1000 инженер сургаж бэлтгэх зорилго бүхий уг төсөл дөрөв дэх жилдээ амжилттай хэрэгжиж байна. Өнөөдөр 2018 онд Япон улсад суралцахаар болсон бакалаврын хамтарсан хөтөлбөрийн 56, магистр докторын хөтөлбөрийн 10 багш судлаач, Коосэн хөтөлбөрийн 30 оюутан, нийт 96 хүн батламжаа БСШУС-ын сайд Ц.Цогзолмаагаас гардаж авлаа.

Уг ёслолын ажиллагаанд БСШУСЯ, Японы элчин сайдын яам, Жайка олон улсын хамтын ажиллагааны байгууллага, МУИС, ШУТИС-ийн төлөөлөл оролцлоо.
Эдгээр оюутнууд суралцаж эхэлснээр төслийн хүрээнд 2014-2018 оны хугацаанд магистр, докторын хөтөлбөрт 68, Бакалаврын хамтарсан хөтөлбөрт 56, Коосэн сургалтын хөтөлбөрт 84 оюутан, зэргийн бус хөтөлбөрт 163 багш, судлаач нийт 371 хүн Төслийн хүрээнд Япон улсад сургалтад хамрагдаж байна.

Төслийн энэ жилийн онцлог нь бакалаврын хамтарсан хөтөлбөрийн эхний элсэлтийн оюутнууд Япон улсыг зорьж буй. Энэ жил ШУТИС-ийн гуравдугаар курст суралцаж буй эдгээр 56 оюутан 2017 оны 11 сард Японы консорциумын 10 их сургуулийн элсэлтийн шалгалтыг өгч төслийн шалгуурыг хангаснаар барилга, хүрээлэн буй орчны инженер, архитектур болон механик инженер мэргэжлээр Японы улсын их сургуулийн 3-р курст шилжин суралцахаар болж байгаа юм.

Нэмж дуулгахад 2019 онд суралцах оюутнуудыг ирэх 4-р сарын сүүлээр шалгаруулж элсэлтээ авна.

Эх сурвалж: БСШУСЯ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-16

Ичээч ээ ичээч яасан ийсэн инженер байхав дээ. Инженер гэдэг мэрэгжлийг олон олон жил ажиллаж байж авдаг юм даа.

Avatar

Зочин 2018-03-16 125.168.37.248

Инжэнэрийн тоо, зурагаас бэрхшээгээд сумо, жудо руу явчихмааргvй юм даа!! Японд инженерээр нэг тегссен байхад манай дэлхийд хvнтэй дуугараад яахав дээ!!

Avatar

Зочин 2018-03-16 103.9.90.50

Амжилт хүсье.Залуусаа их юм сураад эх орны хөгжилдөө хувь нэмрээ өгөөрэй.

NewsMN Гар утасны хувилбар Татах
NEWS.mn

Мэдээллийн эх сурвалж