Автобусны камер ажиллаж байгаа үед сэжигтэй этгээдийг барих боломжтой | News.MN

Автобусны камер ажиллаж байгаа үед сэжигтэй этгээдийг барих боломжтой

Хуучирсан мэдээ: 2018.03.16-нд нийтлэгдсэн

Автобусны камер ажиллаж байгаа үед сэжигтэй этгээдийг барих боломжтой

Автобусны камер ажиллаж байгаа үед сэжигтэй этгээдийг барих боломжтой

Нийслэлийн Цагдаагийн газрын халаасны хулгайн гэмт хэрэгтэй тэмцэх хэлтэс, Нийтийн тээврийн газартай хамтран “Халаасны хулгайн гэмт хэргээс урьдчилан сэргийлэх нь” уулзалт, зөвлөгөөнийг зохион байгууллаа. Уулзалтад том оврын автобусны үйлчилгээ эрхлэгчид болон “Улаанбаатар Смарт” ХХК-ийн төлөөллүүд оролцож, халаасны хулгайн гэмт хэргээс урьдчилан сэргийлэх ажлын талаар санал солилцсон юм.

Нийслэлийн цагдаагийн газрын Халаасны хулгайн гэмт хэрэгтэй тэмцэх тасгийн ахлах мөрдөгч, цагдаагийн хошууч Д.Батзаяа уулзалтын үеэр мэдээлэл хийхдээ “Бид 2017 онд автобус баазуудын жолооч нарт зориулсан сургалт явуулсан. Ер нь автобусны бүх камер ажиллаж байгаа үед жолооч сэжигтэй этгээдийг харах бүрэн боломжтой. Ингээд харсан тохиолдолд бусад зорчигчдод сэрэмжлүүлж хэлэх, гэмт хэргээс урьдчилан сэргийлэх нөхцөл бүрдэнэ’ гэдгийг онцолсон. 
Хулгайд алдагдаж байгаа эд зүйлийн 80 гаруй хувийг гар утас эзэлж байгаа бөгөөд загвараар нь ангилбал, 46 хувийг “iphone”, 42 хувийг “samsung”, үлдсэн 10 гаруй хувийг бусад загварын гар утас эзэлдэг гэдгийг ч дурдав.

“Улаанбаатар смарт” ХХК-ийн хэлтсийн инженер Х.Тэргэл “Нэг автобусанд дөрвөн камер суурилуулсан байдаг. Камеруудыг өглөө бүр автобус баазын шалгах механик шалгаж шугаманд гаргах ёстой. Эвдрэл, саатал гарсан тохиолдолд манай засварын төвд хандаж, дуудлага өгөөд манай засварчид засвар үйлчилгээ хийдэг’ гэлээ.

Мөн НЦГ-ын Урьдчилан сэргийлэх хэлтсийн ахлах мэргэжилтэн, цагдаагийн дэд хурандаа Б.Алтанзул Халаасны хулгайн гэмт хэрэг автобусны буудал болон автобусанд үйлдэгддэг. Тиймээс энэ төрлийн гэмт хэргийг бууруулах, урьдчилан сэргийлэх зорилгоор нийслэлийн хэмжээнд байдаг 146 автобусны буудлыг камержуулж, нийтийн тээвэрт үйлчилж байгаа автобусуудын камерыг бүрэн ажиллуулах чиглэлээр төлөвлөгөөт ажлуудыг зохион байгуулж буйг хэлсэн.

Эх сурвалж: ЦЕГ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-16 150.129.140.73

Ху лгай ч гаруудаа ил зарлаад хүмүүст таниулчуул тэгээд л х улг айч дайжихаас өөр аргагүй болж цэвэрлэгдэнэ.

Avatar

Зочин 2018-03-16 150.129.140.73

[Хориотой Үг] гаруудаа ил зарлаад хүмүүст таниулчуул тэгээд л [Хориотой Үг] дайжихаас өөр аргагүй болж цэвэрлэгдэнэ.

Avatar

Uher 2018-03-16 122.201.31.157

Tsagdaa nar buh hulgaichiig tanidag adilhan hulgai hj amidarch bgaa sh te ajilaa hiigeech un camera tatvar tulugchdiin mungiig gudarch bj

NewsMN Гар утасны хувилбар Татах
NEWS.mn

Мэдээллийн эх сурвалж