НҮБ-аас гаргадаг Аз жаргалтай орны жагсаалтаар /The World Happiness Report/  ОХУ 59 дүгээр байрт орсон байна. Өнгөрсөн оны жагсаалтаар ОХУ 49 дүгээр байрт байсан бол энэ жил ийнхүү 10 байраар ухарчээ.

156 улсыг хамруулан гаргасан жагсаалтыг Финланд улс тэргүүлжээ. 2012 оноос хойш энэхүү жагсаалтыг гаргаж байгаа бөгөөд Финланд улс анх удаа энэ жагсаалтыг тэргүүлж байгаа юм. Эхний арван байрыг Финландаас гадна Норвег, Дани, Исланд, Швейцарь, Нидерланд, Канад, Шинэ Зеланд, Швед, Австрали эзэлжээ.

ОХУ-ын ойролцоо Өмнөд Солонгос, Хойд Кипр, Казахстан, Кипр орсон байна.

The World Happiness Report-ийг гаргахдаа дундаж наслалт, нийгмийн халамжийн түвшин, авлигын индекс зэрэг үзүүлэлтийг харгалзаж үздэг байна.

Эх сурвалж: РИА НОВОСТИ