Японы мэргэжлийн сүмо бөхийн Хаврын тэмцээн Осака хотод болж байна. Энэ башёг их аварга Хакүхо М.Даваажаргал, аварга Кисэносато нар өнжсөн. Тиймээс дээд зиндааг аварга Какүрюү М.Ананд тэргүүлэн барилдаж байна.

Тэгвэл сүмогийн доод зиндаа буюу жонокүчид барилдаж буй Хоошёорюү Сугаррагчаагийн Бямбадорж хоёр барилдаан хийж, хоёуланд нь ялалт байгуулаад байна. Тэрбээр өнөөдөр Наяатай барилдана.

Башё эхлэхээс олны анхааралд байсан Хоошёорюү С.Бямбадорж Асашёорюү Д.Дагвадоржийн ах Сугаррагчаагийн хүү юм. Ийнхүү Монгол улсын заан Д.Долгорсүрэнгийн ач аварга ахыгаа залгамжлан, мэргэжлийн сүмод хөл тавилаа.

Сүмогийн доод зиндаа буюу жонокүчид барилдаж буй Хоошёорюү С.Бямбадорж хоёр ялалттай башёг үргэлжлүүлж байна.