Европын холбоо энэ сарын 12-нд нийтэлсэн мэдэгдэлдээ “Украйны асуудлаас болж ОХУ-д тавьсан хориг арга хэмжээгээ сунгахаар боллоо” гэжээ.
Уг мэдэгдэлд “Европын холбооны ОХУ-ын хувь хүн, аж ахуйн нэгжид тавьсан хориг арга хэмжээ гуравдугаар сарын 15-нд дуусна. Өнөөгийн нөхцөл байдалд үнэлгээ хийсний үндсэн дээр уг хориг арга хэмжээг хагас жилээр сунгаж, есдүгээр сарын 15-ныг хүртэл хүчинтэй байхаар шийдвэрлэлээ” гэжээ.
2014 оны гуравдугаар сард Украйны зүүн бүсэд зэвсэгт мөргөлдөөн гарч, Европын холбоо “Украйны тусгаар тогтнол, нутаг дэвсгэрийн бүрэн бүтэн байдалд заналхийлсэн” гэх шалтгаанаар ОХУ-ын 150 хүн, 38 аж ахуйн нэгжид хориг арга хэмжээ авч, Европын холбооны орнуудад байгаа хөрөнгийг нь царцааж, тэдгээр оронд зорчихыг хориглох болсон юм.
О.ЧУЛУУН