С.Чинзориг: Ажилгүйдэл, ядуурал, хүчирхийллийг бууруулна | News.MN

С.Чинзориг: Ажилгүйдэл, ядуурал, хүчирхийллийг бууруулна

Хуучирсан мэдээ: 2018.03.13-нд нийтлэгдсэн

С.Чинзориг: Ажилгүйдэл, ядуурал, хүчирхийллийг бууруулна

С.Чинзориг: Ажилгүйдэл, ядуурал, хүчирхийллийг бууруулна

Хөдөлмөр, нийгмийн хамгааллын салбарын удирдах ажилтны улсын  зөвлөгөөн өнөөдөр /2018.3.03/ боллоо. Зөвлөгөөнд хөдөлмөр, халамж, нийгмийн даатгал, гэр бүл, хүүхэд залуучуудын хөгжлийн газрын 250 гаруй удирдах ажилтан оролцож салбарынхаа бодлого, үйл ажиллагаа, тулгамдаж буй бэрхшээлийг хэлэлцэж, цаашид баримтлах чиглэлээ тодорхойлох юм.

Хөдөлмөр, нийгмийн хамгааллын сайд С.Чинзориг зөвлөгөөнийг нээж үг хэлсэн юм. Тэрбээр “Хөдөлмөр, нийгмийн хамгааллын салбарын үйл ажиллагаа нь эхийн хэвлийд байгаа ургаас азай буурай хүртэлх Монгол Улсын нийт хүн амд хүрч, үр өгөөжөө өгдөг, алдаа гаргах эрхгүй эрхэм хүндтэй ажил. Монгол Улсын Засгийн газар энэ оны хоёрдугаар сарын 6-нд 27 зорилт бүхий “Гурван тулгуурт хөгжлийн бодлого”-ын баримт бичгийг баталсан. Уг баримт бичгийн нэг үндсэн тулгуур стратеги нь ажилгүйдэл, ядуурлыг бууруулах “Хүн төвтэй нийгмийн бодлого” юм. Энэхүү тулгуур бодлогын хэрэгжилтийг хангаж, Монгол Улсад нийгмийн баримжаатайгаар ажилгүйдэл, ядуурлыг бууруулах, гэр бүл төвтэй хөгжлийн бодлогыг хөгжүүлэхэд хөдөлмөр, нийгмийн хамгааллын салбарт ажиллаж байгаа та бидний үүрэг, оролцоо, хамтын ажиллагаа маш чухал байна. ХНХЯ-ны хувьд 2018 онд ажилгүйдэл, ядуурал, хүүхэд, гэр бүлийн эсрэг хүчирхийллийг бууруулах цогц арга хэмжээ хэрэгжүүлэхээр төлөвлөж байгаа. Тухайлбал, ядуурлыг бууруулах зорилтын хүрээнд тэдний талаарх мэдээллийг сум, баг, хороогоор гаргаж, ядуурлын хэмжээгээр нь тодорхой бүлэгт хуваан бүлэг тус бүрийн эрэлт хэрэгцээ, боломж, нөхцөл байдалд нийцсэн хөдөлмөр эрхлэлт, нийгмийн үйлчилгээ үзүүлнэ” гэсэн юм.

Сонирхуулахад, Хөдөлмөр, нийгмийн хамгааллын салбарт 7187 хүн ажилладаг юм байна. Тэдний 1479 нь нийгмийн даатгалын салбарт, 4834 нь хөдөлмөр халамж, мэргэжлийн боловсрол сургалтын салбарт, 757 нь гэр бүл, хүүхэд залуучуудын чиглэлээр ажилладаг ажээ.

Р.Ренчиндулам

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-13 202.21.113.238

Тэтгэврийн зөрүүгээ ойртуулахын оронд доромжилж байгаа юм шиг бүгдэд нь 27к нэмж ард түмнээрээ даажигнадаг ийм сайд "АЖИЛГҮЙДЭЛ, ЯДУУРАЛ, ХҮЧИРХИЙЛЛИЙГ БУУРУУЛНА" гэж яасан том яриа вэ. Чаддаг юм шиг. Хийхийнхээ оронд худлаа ингэж поплохоо больчих. Итгэхгүй байна

Avatar

зочин 2018-03-13 202.21.120.242

Засгийн газрын үйл ажиллагааны хөтөлбөрт бичигдсэн ажлаа л ярьсан байна чи өмнөөс нь сайд хийгээч

Avatar

Зочин 2018-03-13 202.70.42.194

hural zohion baiguulsan humuus ni tusuv mungun deerees ni joohon yum unagaj avdag shig bgaam chaavaas

Avatar

Зочин 2018-03-13 202.70.42.194

end tend tanhim duuren huraldsan l ulsuud. ajilguidel, yaduural, huchirhiilel, gemt hereg, utaa ni huraldaad suusnaar arilchihgui yumdaa hehe. Hudulmurluj bayalag buteehguigeer, uildverjihguigeer uls oron hugjihgui ee

NewsMN Гар утасны хувилбар Татах
NEWS.mn

Мэдээллийн эх сурвалж