Х.Баттулгын захидлын хариуд Трамп захидал илгээжээ | News.MN

Х.Баттулгын захидлын хариуд Трамп захидал илгээжээ

Хуучирсан мэдээ: 2018.03.13-нд нийтлэгдсэн

Х.Баттулгын захидлын хариуд Трамп захидал илгээжээ

Х.Баттулгын захидлын хариуд Трамп захидал илгээжээ

Монгол Улсын Ерөнхийлөгч Х.Баттулгад АНУ-ын Ерөнхийлөгч Доналд Трампаас хариу захидал ирлээ

Монгол Улсын Ерөнхийлөгч Х.Баттулга 2017 оны арванхоёрдугаар сард АНУ-ын Ерөнхийлөгч Доналд Трампад захидал бичиж, үүндээ хоёр орны эдийн засгийн харилцаа, хөрөнгө оруулалт, визний асуудал зэргийг дурдсан юм.

Төрийн тэргүүний АНУ-ын Ерөнхийлөгч Доналд Трампад бичсэн дээрх захидлыг бүрэн эхээр хүргэхийн зэрэгцээ Монгол Улсын Ерөнхийлөгч Х.Баттулгад хариу хаягласан захидлыг хураангуйлан хүргэж байна.

МОНГОЛ УЛСЫН ЕРӨНХИЙЛӨГЧ Х.БАТТУЛГЫН БИЧСЭН ЗАХИДАЛ:

“Эрхэмсэг ноён Ерөнхийлөгч өө,

Танд болон Таны гэр бүлд шинэ жилийн мэндчилгээ хүргэхийн ялдамд Монгол-Америкийн хооронд дипломат харилцаа тогтоосны 30 жилийн ойг тэмдэглэн өнгөрүүлэх хөтөлбөрийг амжилттай хэрэгжүүлсэнд баяр хүргэе.

Монголын ард түмэн АНУ-ыг “чөлөөт ертөнцийг манлайлагч үндэстэн” хэмээн харж, Америкийн хүч чадал, энх тайвныг тогтоох, хамгаалах эрмэлзэл, ардчилал, эрх чөлөө, хүний эрхийг эрхэмлэн дэмжих үйлс нь хэзээ ч зогсохгүй гэж найддаг.

Өнөөгийн нөхцөлд хоёр орны эдийн засгийн харилцаа хангалттай хэмжээнд бус байна. Манай гадаад худалдаанд америкийн эзлэх хувь хоёр хувьд ч хүрэхгүй байгаа юм. 1990 оноос хойш АНУ-аас Монголд 300 гаруйхан сая долларын л хөрөнгө оруулалт хийгдсэн нь цаашид үүнийг сайжруулах боломж байгааг илтгэж байна. Монголыг “ардчиллын баян бүрд”, “ардчиллын үлгэр жишээ” гэх мэтээр хөөргөх нь эдийн засгийн хөгжилд дорвитой нэмэр болохгүй байна. Үүний улмаас Монголын энгийн ард иргэд ардчилалд итгэл алдарч, бидний сонгосон сонголтод эргэлзэж эхлэхэд хүргэж байна. Өнөөдрийг хүртэл хоёр орны эдийн засгийн харилцаа хангалтгүй түвшинд байж ирсэнд эрс өөрчлөлт гаргаж, хөгжлийн санхүүжилтийн шинэлэг арга замуудыг ашиглан Монгол Улсыг эдийн засгийн аюулгүй байдлаа бэхжүүлэхэд Таныг тусалж чадна гэж бид найдаж байна.

Монголд Америкийн эдийн засгийн бодитой дэмжлэг чухлаар шаардагдаж байна. Монголд үйлдвэрлэсэн оёмол, сүлжмэл хувцсыг одоогийн байгаа худалдааны системийн хүрээнд АНУ-ын зах зээлд татваргүйгээр экспортлох боломжийг бидэнд олгоно уу хэмээн танаас хүсэж байна. Энэ боломжийг бидэнд олговол монгол эмэгтэйчүүдийн ажилгүйдлийг бууруулахад чухал ач холбогдолтой байх юм.

Манай хоёр орны иргэд хоорондоо чөлөөтэй зорчих нь бидний харилцааг цаашид хөгжүүлэх онцгой чухал ач холбогдолтой тул Монгол Улсын иргэд Америкт түр хугацаагаар зорчиход визний шаардлагаас чөлөөлж өгөхийг Танаас хүсэж байна.

Мөн Таныг Америкийн компаниудыг Монголд хөрөнгө оруулах, улс төрийн тогтвортой байдлыг эдийн засгийн өсөлтөөр хангахад нь манай улсад дэмжлэг үзүүлнэ хэмээн найдаж байна.

Монгол Улс ардчилсан замаар замнасан 27 жилийн түүхийн туршид АНУ Монголын итгэлт “гуравдагч хөрш” байж ирсэн. Манай улсын гадаадтай харилцах харилцаанд чухал хувь нэмэр оруулсан гуравдагч хөрш хэмээх нэр томьёог анх АНУ-ын Төрийн нарийн бичгийн дарга Жеймс Бэйкер 1990 онд Монголд айлчлах үедээ хэлж байсан юм. Төрийн нарийн бичгийн дарга Бэйкерийн хэлсэн энэхүү үг Монголын гадаад бодлого дахь нэгэн чухал ойлголт болон төлөвшсөнийг энэ дашрамд дурсахад таатай байна.

Манай хоёр орон ардчиллын нийтлэг үнэт зүйлс, стратегийн сонирхолд тулгуурласан иж бүрэн түншлэлийн харилцааг хөгжүүлэн ажилласаар ирсэн. Таны тунхагласан гадаад бодлогод Ази дахь тууштай ардчилал, бүс нутагт Америкийн итгэлт түнш байж ирсэн Монгол Улсын эдийн засгийн аюулгүй байдлыг дэмжих сонирхол тодорхой байр эзэлнэ гэдэгт би итгэлтэй байна.

АНУ-ын Ерөнхийлөгч нар Монгол Улсад өнгөрсөн 27 жилийн туршид бодлогоор анхаарал тавьж, тусалж дэмжиж ирсэн уламжлал ноён Ерөнхийлөгч таны үед ч үргэлжилж, шинэ агуулгаар баяжина гэж бид итгэж, хүлээж байгаа. Үндэстэн бүр тусгаар тогтнол, эрх чөлөөгөө батжуулах эрхтэй бөгөөд Монгол Улс эдийн засгийн аюулгүй байдлаа бүрэн олж авахад ноён Ерөнхийлөгч таныг дорвитой дэмжлэг үзүүлнэ гэж хүлээж байна.

Төгсгөлд нь би Америкийн эрдэмтэн Жак Уэтерфордын үгийг эш татмаар байна. Монгол улс, АНУ хоёр газар зүйн байрлалын хувьд хол хэдий ч “… орчин үеийн технологийн ачаар ардчилсан үзэл санаа, хөгжил дэвшлийн төлөөх итгэл үнэмшлээ харилцан солилцсон хөрш зэргэлдээ орнууд юм”.

Манай хоёр улс хөгжин цэцэглэх болтугай” гэжээ.

ТӨРИЙН ТЭРГҮҮНИЙ ЗАХИДЛЫН ХАРИУ ХОЁРДУГААР САРЫН 28-НД ИРСЭН БӨГӨӨД АНУ-ЫН ЕРӨНХИЙЛӨГЧ ДОНАЛД ТРАМП ЗАХИДЛЫНХАА ЭХЭНД:

“Зул сар болон шинэ жилийн баярын мэндчилгээ дэвшүүлж захидал ирүүлсэнд Танд талархал илэрхийлье. Мэланиагийн нэрийн өмнөөс болон хувиасаа Танд, Таны гэр бүлд болон Монголын ард түмэнд 2018 онд эрүүл энх, сайн сайн бүхнийг хүсэн ерөөж байна. Мөн Манай Засгийн газар Монгол Улстай түншлэлийн үнэт харилцаагаа хөгжүүлэхэд өндөр ач холбогдол өгдгөө тэмдэглэе. Америкийн Нэгдсэн Улс Монгол Улсын итгэлийг олсон “гуравдагч хөрш” гэдгээрээ бахархдаг бөгөөд бүс нутгийн болон олон улсын сорилтуудыг шийдвэрлэхээр хамтран ажиллахад Монгол Улс дэмжлэг үзүүлдэгт талархлаа илэрхийлье” гэсэн байв.

Мөн эрхэмсэг ноён Ерөнхийлөгч Доналд Трамп цааш нь бичихдээ хоёр орны эдийн засгийн харилцаа бололцоогоо бүрэн ашиглаж чадахгүй байна гээд худалдаа, хөрөнгө оруулалтаа шударга, харилцан ашигтай хэлбэрээр өргөжүүлэх арга замыг эрэлхийлэхдээ таатай байх болно гэдгээ дурджээ. Ингэхдээ АНУ-ын Хилийн чанад дахь хувийн хөрөнгө оруулалтын корпораци зэрэг худалдаа, хөрөнгө оруулалтын байгууллагууд Монгол Улстай ялангуяа хөдөө аж ахуй, сэргээгдэх эрчим хүчний салбарт бизнесийн харилцааг өргөжүүлэх сонирхолтой байгаа гэжээ. Мөн удахгүй хэрэгжих Мянганы сорилтын корпорацийн компакт гэрээ Улаанбаатарт эдийн засгийн өсөлтийг бий болгоно гэж үзэж байгаа юм байна.

АНУ-ын Ерөнхийлөгч Доналд Трамп захидлынхаа төгсгөлд Монгол Улсын Ерөнхийлөгч Х.Баттулгыг Вашингтон хотноо тохиромжтой цагт хүлээн авахдаа таатай байх болно гэдгээ хэлж, 2018 ондоо амжилт бүтээлээр дүүрэн байхыг хүсэн ерөөжээ.

Эх сурвалж: www.president.mn

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Suh 2018-03-13

Jenko yalsan ni unen ushuu ch olon olon ylalt avchirna ene yalalt yamar muu humuusiin sheesiig ni goojuulaad baigaag harj bolno hamgiin gol ni mongoliig suiruuleed baigaa dajiad ch suiruuleh tuluvluguutei baisan tsuun tooni luivarchid bolon bugsiig ni doloogch nart hund tsohilt bolood baigaa ni tednii noiriig hurgehgui hoolnoos gargachaad baigaa ni haragdaj baina ter muu humuus udahgui uhliin tsohilt avch buh zuil ni orvongooroo ergene gedgiig zun sovingooroo mederch ehleed baigaa ni oilgomjtoi Jenkod dahiad mash olon yalalt irne ter mongoliig tseverleed zogsohgui hugjliin shine shatand gargah ni damjiggui yum iim uchiraas ter muu humuus sheesee saviruulan baij hulsnii humuuseer eldviin hudal huurmag koment bichuulj tur zuur setgelee huurdag oilgomjtoi Jenkod a,jilt husie!

Avatar

Ориг хувилбар: 2018-03-13 202.131.243.162

Жаанхуу мини бий нөөхөр Тарамп ахад хүсэлэт гарагах нь : Төвөд гаралатай жинкоо баатутулага мини опшоорд баййгаа 1 тэрэбум дооларийг нууцийн зэрэгэлэлд оруулж бусад оппшор дансатай Монголочуудын нэрийг заралахад тусалахыг эрэхэм танийас хүсие!!! Мартаснаас мала мэндүү гэгчээр хүрэгэн аха Путийн танад мэнэд хүрэгэж баийна лээ!!!

Avatar

Сараа 2018-03-13 104.182.104.110

Эхнэр нь тодорхой бус гэдгээр бас хоорхон дайруулсан байна ш дээ Мэланиагийн омноос гээд….. Хэцуу ч юм дааа "Чи хэний омноос надад мэндчилгээ дэвшуулж байна?" гэж дайруулж байна ш дээ, Трамп бол их ёгч шооч хун,

Avatar

Зочин 2018-03-13 182.160.4.142

орон гаран хүмүүсд дахиж хэзээ ч саналаа өгч байхгүй. хатуу сургамж авлаа. юү нь хатгасан юм бол доо. оросууд америкийг өдөөх зам зааж өгсөн юм уудаа.

Avatar

Монгол ялна 2018-03-13 202.179.26.182

Ялагдах Америкийн Ерөнхийлөгчтэй манай Ерөнхийлөгч туслах Зикагаараа дамжуулж харилцан доошоо чихэж байна.Си-г Монголд ирэхдээ Их хуралд үг хэлхэд нь зөрж гарч явж ялж байсан шигээ.

Avatar

хаха 2018-03-13 66.181.182.203

ХУВХАЙ МУУ Х У Р Л И Й З У У Д БҮҮ ДОНГОС

Avatar

Зочин 2018-03-13 182.160.36.210

tramp manai eronhiilogchiin olon yum toochson hyseltiig nariivchilj yzsengyi tooson shinj alga. harin manai amerikt irvel hyreed ir gesen baina. oor yumgyi shivdee.

Avatar

Зочин 2018-03-13 202.179.26.182

Ялнаа гээд жонгиноод байгаа шумуулыг заан тоох уу?

Avatar

Чук 2018-03-13 112.72.11.104

Канад Британи Австралийн хөрөнгө оруулалт дээр эвгүй найдваргүй түнш шүү дэ бид чинь. Америк ороод ирвэл за болъё Путин Улаан Үдэд засгаа төвхнүүлэх байх да. Барууны ХО төслийг улаам цайм барьж иднэ ш дэ манайхан. Оросууд Монголыг дотор нь бужигнуулаад гадаадын хөрөнгө оруулалт эргэлзээтэй тогтвортой бус орны тоонд оруулцан ш дэ.

Avatar

Зочин 2018-03-13 182.160.2.211

Тусгаар улсын ерөнхийлөгчийн захиа гэхээсээ илүү гудамжны яриа, хэллэг, ойлготоор дүүрсэн захиа байна. Манай ерөнхийлөгч захиа бичиж чадахгүй нь ойлгомжтой л доо, харин дэргэд нь захиа бичээд өгчих хүн байдаггүй л юм байх даа.

Avatar

Зочин 2018-03-13 202.179.26.182

Тавьтиргүй Аса,яруу найрагч Хулан,хорчин Уянга гээд байнаа байна.

Avatar

gal 2018-03-13 103.229.123.17

ix daljignaj baij arabiin ornyyd sig boloxbii dee ene battylga yamar bodoltoi xyn bee

Avatar

Zochin 2018-03-13 202.21.105.186

Avilga8 Offshoriin talaar gants ug ch alga bna sh dee

Avatar

Зочин 2018-03-13 103.26.194.153

"Монголыг “ардчиллын баян бүрд”, “ардчиллын үлгэр жишээ” гэх мэтээр хөөргөх нь эдийн засгийн хөгжилд дорвитой нэмэр болохгүй байна" ……………………хаха энэ захиа юу юу вэ

Avatar

Зочин 2018-03-13

ERONHIILOGCHDOO BAYARLAA ENE BAS L NEG ALHAM GESEN UG TA ODOO USA D AILCHILMAAR BN TEND BIECHLEN UULZAJ BGAAD ZORISON HERGEE BUTEEGEED IRMEER BN AMJILT TANID

Avatar

Загалмайлсан эцэг 2018-03-13 202.179.26.182

Өөрөө Женкогийн хадам уу?

Avatar

MGL 2018-03-13 122.201.26.172

Маш эелдэг, дипломат ёсоор "битгий горьд!!!" гээд хэлчихсэн байна.

Avatar

s 2018-03-13 202.131.232.18

"Монголыг “ардчиллын баян бүрд”, “ардчиллын үлгэр жишээ” гэх мэтээр хөөргөх нь эдийн засгийн хөгжилд дорвитой нэмэр болохгүй байна". гэнэ үү??? эрхлээд байгаа юм уу хаашаа юм

NewsMN Гар утасны хувилбар Татах
NEWS.mn

Мэдээллийн эх сурвалж