МАХН-ын Төв хороо, Улс төрийн товчоо бүрэн бүрэлдэхүүнээрээ огцров (1990.03.12) | News.MN

МАХН-ын Төв хороо, Улс төрийн товчоо бүрэн бүрэлдэхүүнээрээ огцров (1990.03.12)

Хуучирсан мэдээ: 2018.03.12-нд нийтлэгдсэн

ЭНЭ 7 ХОНОГ ТҮҮХЭНД

МАХН-ын Төв хороо, Улс төрийн товчоо бүрэн бүрэлдэхүүнээрээ огцров (1990.03.12)

1921.03.12 Хиагт хотноо Монголын цэрэг, ардын төлөөлөгчдийн хурал хуралдаж, Ардын түр Засгийн газрыг  “Монгол ардын Засгийн хэргийг бүгд түр захиран шийтгэх газар” хэмээх нэртэйгээр байгуулжээ. Түр Засгийн газрын Ерөнхий сайдаар Д.Чагдаржав, гишүүдээр нь Д.Сүхбаатар, Сумъяа бэйс, Билэгсайхан гүн, Д.Бодоо, Х.Чойбалсан нарыг сонгожээ

1921.03.13 Ардын Түр Засгийн газрыг долоон хүний бүрэлдэхүүнтэй байгуулав.

1921.03.18 Ардын журамт цэрэг Зөвлөлтийн улаан армийн ангитай хамтаар Хиагтыг гамингаас чөлөөлөв. Журамт цэрэг дөрвөн хороотой бөгөөд хороо бүр 100 цэргийн зохион байгуулалттай байв. Цэргийн жанжнаар Д.Сүхбаатар, хороодын даргаар Б.Пунцаг, Ц.Хасбаатар, Ч.Базарсад, О.Цэрэндорж нарыг томилжээ.

1936.03.12 ЗХУ, БНМАУ-ын хооронд харилцан туслалцах тухай протоколд гарын үсэг зуржээ.

1955.03.14 “Хятад Монголын эдийн засаг ба соёлын хамтын ажиллагааны гэрээ”-г үндэслэн боловсруулсан “Хятад Монголын соёлын хамтын ажиллагааг хэрэгжүүлэх 1955 оны төлөвлөгөө”-г ажлын хэсэг хэлэлцэн, БНХАУ-аас БНМАУ-д суугаа Онц бөгөөд Бүрэн эрхт элчин сайд Хэ Ин болон БНМАУ-ын ГЯЯ-ны сайд Б.Жаргалсайхан нар тус тусын Засгийн газрыг төлөөлж Улаанбаатар хотноо гарын үсэг зурав.

1958.03.17 МАХН-ын 13 дугаар их хурал нээгдэв. 617 төлөөлөгч, 13 орны засгийн газрын төлөөлөгчид оролцсон тус их хурлаар БНМАУ-ын УААА, соёлыг 1958-1960 онд хөгжүүлэх гурван жилийн төлөвлөгөөний удирдамжийг баталж, нэгдэлжүүлэх, атар газар эзэмших зорилт тавьсан.

1962.03.13 МХЗЭ-ийн 14-р Их хурал хуралдаж, 633 төлөөлөгч оролцов.

1963.03.18 БНХАУ-ын Засгийн газрын гадаад худалдааны төлөөлөгчид болон БНМАУ-ын Засгийн газрын гадаад худалдааны төлөөлөгчид хоёр улсын Засгийн газрын 1963 оны харилцан бараа нийлүүлэх тухай протоколд гарын үсэг зурав. Протоколд Хятадаас Монголд торго дурдан, машины сэлбэг хэрэгсэл, химийн түүхий эд болон өргөн хэрэглээний бараа зэргийг, Монголоос Хятадад адуу, шар тос, өлөн гэдэг болон төрөл бүрийн арьс зэрэг бүтээгдэхүүн нийлүүлэхээр тогтов. БНХАУ-ын Засгийн газрын гадаад худалдааны төлөөлөгчдийн тэргүүн, ГЯЯ-ны дэд сайд Бай Сянин, БНМАУ-ын Засгийн газрын худалдааны төлөөлөгчдийн дарга, Засгийн газрын төлөөлөгчдийн тэргүүн ГЯЯ-ны сайд н.Гомбожав нар тус тусын улсыг төлөөлөн гарын үсэг зурав.

1964.03.16 БНХАУ-ын Төрийн Зөвлөлийн Ерөнхий сайд Жоу Эньлай БНМАУ-ын Сайд нарын Зөвлөлийн дарга Ю.Цэдэнбалд цахилгаан илгээж, БНМАУ-д тохиолдсон зудын хүнд гамшгийн улмаас мал сүйдэж,  эд материалын хүнд гарз хохирол учирсан явдалд гүн эмгэнэл илэрхийлэв. БНХАУ-ын Засгийн газраас БНМАУ-д байгалийн гамшиг учирсанд зориулан 200 мянган юаны эд материал болон 10 мянган тонн эрдэнэ шишийн тэжээл нийлүүлэв.

1970.03.17 МАХН-ын Төв хорооны тогтоолоор хувьсгалчдын нууц хоёр бүлгэм нэгдэн зургадугаар сарын 25-ны өдрийг Монголын хувьсгалчдын өдөр болгохоор тогтоол гаргав.

1990.03.12-14 МАХН-ын Төв хороо, Улс төрийн товчоо бүрэн бүрэлдэхүүнээрээ огцров.

1990.03.15-22 Хятад Монгол хоёр улсын Засгийн газар хоорондын эдийн засаг, худалдаа, шинжлэх ухаан, техникийн хамтын ажиллагааны комиссын Хятадын талын дарга, хөнгөн үйлдвэрийн хэлтсийн дарга Цэн Шэнлин Хятадын Засгийн газрын төлөөлөгчдийн хамтаар БНМАУ-д айлчлал хийж, хамтын ажиллагааны комиссын анхдугаар хуралдаанд оролцон, хоёр талын хурлын товч тэмдэглэлд гарын үсэг зурав. Хурал дээр Монгол Улстай хамтран төмрийн уурхай нээх, Хятадын талаас хариуцан нүүрсний уурхай, шаазангийн үйлдвэр барих, шүдний оо, гахайн арьсан хувцасны болон арьс боловсруулах үйлдвэр байгуулах зэрэг зургаан чиглэлийн хамтарсан төслийн талаар тохиролцоонд хүрэв.

2000.03.16 Үндсэн хуулийн Цэцийн хурлаар үндсэн хуулинд оруулсан нэмэлт өөрчлөлт нь хууль зөрчсөн болохыг тогтоосон дүгнэлт гаргав

2003.03.17 Монгол Улсын Үйлдвэр худалдааны яамны улс төр, хамтын ажиллагааны хэлтсийн ажилтан Галсандорж Улаанбаатар хотноо сурвалжлагчдыг хүлээн авч уулзах үеэрээ: Монгол Улс нь Эдийн засгийн онцгой бүс нутгийг байгуулах Хятад улсын туршлагыг судлан чөлөөт бүс байгуулах ажлыг хурдацтай хэрэгжүүлж байна гэв.

2006.03.13 Монгол Улсын ГХЯ-ны хэвлэлийн төлөөлөгч, Тайваний эрх баригчдын “улсыг нэгтгэх хурал”, “улсын нэгтгэх мөрийн хөтөлбөр”-ийн тухайд, БНХАУ-ын Засгийн газрын баримталж буй нэг улс болон эх орноо энх тайвнаар нэгтгэх төрийн бодлогыг дэмжиж байгаагаа илэрхийлэв.

2010.03.16 УИХ-ын чуулганы хуралдааны дэгийн тухай хуульд нэмэлт,өөрчлөлт оруулах тухай хуулийн төслийг УИХ-д өргөн мэдүүлэв.

2010.03.18 Монгол Улсын дөрөв дэх Ерөнхийлөгч Ц.Элбэгдорж газар хөдлөлтийн гамшгаас хамгаалах тухай зөвлөмж, тэмдэглэл гаргаж байв.

2011.03.17 Монгол Улсын дөрөв дэх Ерөнхийлөгч Ц.Элбэгдорж иргэдийг хүн худалдаалах гэмт хэрэгт өртөхөөс хамгаалах тухай зөвлөмж гаргаж байв.

2013.03.14 Нийслэлийн Удирдлагын зөвлөлийн ээлжит хурал болж, хотын захиргааг Баянхошуу руу нүүлгэх асуудлыг хэлэлцэж, дэмжлээ.

Мөн энэ өдөр Үндсэн хуулийн Цэцийн гишүүн Д.Сугарын бүрэн эрхийг түдгэлзүүлж, МИАТ-ийн хэрэгт шалгах шаардлагатай гэдэг саналыг Улсын мөрдөн байцаах газраас гаргасныг прокурор дэмжиж, Цэцэд хүргүүлжээ. Энэ дагуу уг асуудлыг Үндсэн хуулийн Цэцийн гишүүдийн зөвлөгөөнөөр хэлэлцээд, Д.Сугарын бүрэн эрхийг түдгэлзүүлэхээс татгалзсан шийдвэр гаргав.

2013.03.15 Монголын залуу зохиолчдын холбоо дэргэдээ утга зохиолын дугуйлан байгуулав.

2013.03.16 Засгийн газрын хуралдаанаас Н.Тэгшбаярыг Цөмийн энергийн газрын даргаар, Ц.Жадамбааг Мэдээллийн технологи, шуудан, харилцаа холбооны газрын даргаар, И.Нарантуяаг Хүүхдийн төлөө үндэсний газрын даргаар, А.Хүрэлшагайг Газрын харилцаа, геодези, зураг зүйн газрын даргаар, С.Буяндалайг Иргэний нисэхийн ерөнхий газрын даргаар, Г.Өлзийбүрэнг Газрын тосны газрын даргаар тус тус томилов.

2013.03.18 Монгол Улсын Ерөнхийлөгч, Зэвсэгт хүчний ерөнхий командлагч Ц.Элбэгдорж Батлан хамгаалах яамны Төрийн нарийн бичгийн дарга, бригадын генерал Загдсүрэнгийн Болдбаатарт Хошууч генерал, Монгол Улсын Цагдаагийн ерөнхий газрын дарга, дотоодын цэргийн командлагч, цагдаагийн хурандаа Баянмөнхийн Билэгт, Монгол Улсын Хил хамгаалах ерөнхий газрын дарга, хилийн цэргийн командлагч, хурандаа Шархүүгийн Лхачинжав нарт Бригадын генерал цолыг тус тус хүртээлээ.

2014.03.14 Монгол Улсын Их Хурлын дарга Зандаахүүгийн Энхболд БНСУ-ын Үндэсний Ассамблейн дарга Кан Чан Хий-ийн урилгаар тус улсад албан ёсны айлчлал хийв.

Мөн энэ өдөр Монголын соёлын “Дэлхий” ассоциацаас санаачлан Гадаад харилцааны яам, Монгол Улсаас БНХАУ-ын Засаг захиргаааны онцгой бүс Хонгконгод суугаа Ерөнхий консулын газрын дэмжлэгтэйгээр гуравдугаар сарын 18-аас эхлэн долоо хоногийн турш ‘Монголын өдрүүд’-ийг Хонконгод зохион байгуулахаар болжээ.

2014.03.17 Нийслэлийн Засаг даргын А/166 дугаар захирамжаар Нийслэлийн мал хамгаалах санг байгууллаа.

Мөн энэ өдөр Японы мэргэжлийн сумо бөхийн Хару башёгийн ес дэх өдөр Их аварга Хакухо М.Даваажаргал 1000 дахь барилдаанаа хийж, өрсөлдөгч Тотиозаныг яллаа.

Мөн энэ өдөр Монгол Улсын Ерөнхийлөгчийн 92 дугаар зарлигийг хүлээн авах болон “Оюутан цэрэг” хөтөлбөрийн нээлтийн ёслолын ажиллагаа болов

2015.03.12 Монголын гурван сая дахь иргэн мэндэлсэн түүхэн үйл явдлыг тохиолдуулан Монгол Улсын Ерөнхийлөгчийн Тамгын газраас санаачилан 5000 төгрөгийн нэрлэсэн үнэтэй мөнгөн зоос гаргав.

Мөн энэ өдөр “Монголын эх түүх” –ийн цувралыг их дээд сургууль, нийслэл болон аймгийн номын сангуудад түгээжээ.

2017.03.15 Монгол Улсын хэлний бодлогын зөвлөл Монгол Улсын Ерөнхийлөгчид хийсэн ажлаа тайлагнав.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2018-03-12 103.10.21.124

хувьсгал болоогүй .батмөнхийн тэнэг аймхайг далимдуулан төрийн эргэлт болсон шүү. энэ хувьсгал бидэнд юу өгсөн бэээ. юу ч өгөөгүй нэг хүнд 15 сая төгрөгийн өр, баахан [Хориотой Үг] луйварчид, элбэгдорж , энхболд толгойтой мафийг л өгсөн дөө, одоо жинхэнэ хувьсгал хийх хэрэгтэй байна даа

Avatar

Зочин 2018-03-12 202.9.43.209

Их зориг муутай, аймхай хүмүүс төр барьж байсан. Зүүн Евродын орнуудад болж байсан үйл явдлыг дууриах гэсэн туршлагагүй, мэдлэггүй залууст төрийн ихэнхи эрх олгосноор бүтээснээ эвдэн сүйтгэх, хүмүүжил, ёс зүйг уландаа гишгэх, эрүүгийн хулгайчууд "хуулгүй орчинд" хулгай дээрэм хийх, нийтийн дундах эмх замбараагүй байдал газар авсан. Үүнийхээ үр шимийг одоо ч эдэлж байна. Харин ч хатуу дэглэм тогтоож эдийн засаг, хүмүүсээ зах зээлд үе шаттайгаар шилжүүлэх, сургах чиглэлээр ажилласан бол шал өөр үр дүнтэй байх байсан.

Avatar

Зочин 2018-03-12 49.0.219.106

28 тай шалдан банди нарт юу бодож өгсөн юм бол доо

Avatar

Зочин 2018-03-12 202.179.18.49

Ж.Батмөнх дарга жагсаалыг нухчин дарах балмад арга хэмжээ аваагүй нь сайшаалтай боловч юу ч мэдэхгүй залууст засгийн бүх эрхийг шууд өгчихсөн нь буруудсан.

NewsMN Гар утасны хувилбар Татах
NEWS.mn

Мэдээллийн эх сурвалж