Японд фермүүдийг хамгаалах зорилгоор зохион бүтээсэн робот чоно асар их амжилт олж байгаа тул ирэх сараас олон тоогоор үйлдвэрлэхээр төлөвлөж байгаа гэнэ.

“Super Monster Wolf’ нэртэй роботыг амьтны арьсаар бүрж, чоно шүд амаа ярзайлгаж буйгаар зохион бүтээсэн учраас бодит юм шиг харагддаг байна.

Робот чоныг цагаан будаа болон туулайн бөөр модны самрын тариаланг зэрлэг гахайнаас хамгаалах зорилгоор зохион бүтээж, долдугаар сараас хойш Кисаразу хотын ойролцоох Чиба мужийн фермд туршсан ажээ. Зэрлэг амьтан фермд дөхөж ирэх юмуу ямар нэгэн хөдөлгөөн илрэх үед робот чонын нүднээс гэрэл асч, чанга дуугаар архирдаг гэнэ. Роботыг дахин цэнэглэж болохоос гадна янз бүрийн архирах дууг хураасан учраас зэрлэг амьтад айн, зугтдаг байна.

Японы хөдөө аж ахуйн холбооноос мэдээлснээр робот чоныг туршсан фермийн талбайд зэрлэг амьтан халдах тохиолдол багассан гэнэ.

Робот чоныг тус бүр нь 514,000 иен буюу 4840 ам.доллараар худалдаанд гаргахаар төлөвлөж байгаа юм байна. Фермерүүдэд мөн роботыг лизингээр худалдаж авах боломж олгож байгаа гэнэ.

Эх сурвалж: BBC