Өвөөгийнхөө дүрийг бүтээсэн залуу жүжигчин | News.MN

Өвөөгийнхөө дүрийг бүтээсэн залуу жүжигчин

Хуучирсан мэдээ: 2018.03.09-нд нийтлэгдсэн

Өвөөгийнхөө дүрийг бүтээсэн залуу жүжигчин

Өвөөгийнхөө дүрийг бүтээсэн залуу жүжигчин

Энэ сард нээлтээ хийсэн шинэ уран бүтээлийн нэг болох ‘Маш нууц 2 – Байтаг Богд’ кино үзэгч олны бахархал омогшлыг төрүүлсэн бүтээл болжээ гэдгийг олон үзэгч шагшин магтаж байгаа билээ.

Тэгвэл энэ киноны сонирхолтой нэгэн түүх саяхнаас ил болжээ. ‘Маш Нууц2 – Байтаг Богд’ УСК-нд БНМАУ-ын эрэлхэг хилчин Д. Чойжингийн дүрийг жүжигчин Т.Төгөлдөр бүтээсэн байдаг. Сонирхолтой нь, хилчин Д.Чойжин нь жүжигчин Т.Төгөлдөрийн өвөө гэнэ. Улс орныхоо төлөө амь биеэ хайхралгүй тэмцсэн эрэлхэг баатрын дүрийг түүний үр хойч нь дэлгэцнээ бүтээнэ гэдэг тун ховор тохиолдол.

Харин жүжигчин Т.Төгөлдөр энэ талаар “Би өвөөгийнхөө дүрд тоглосон. Арван баатрын гэрэлт хөшөөн дээр бас өвөөгийн минь нэр байсан. Урьд нь би зэвсэг барьж үзээгүй анх удаагаа буу бариад буудсан чинь өвөөдөө зориулж ёслолын буудлага хийж байгаа юм шиг санагдсан. Өвөөгөөрөө бахархсан, арван баатраараа омогших сэтгэгдэл төрсөн. Тухайн үед амьд үлдсэн гурван цэрэгт тусламжаар ирсэн нөхөд нь ус өгөхөд ууж чадахгүй буцааж цацаад байсан гэдэг. Учир нь халуун дарийн утаа, тоос шороонд улаан хоолой нь түлэгдчихсэн байсан гэсэн.Миний өвөө намайг дөрвөн сартай байхад 1991 оны зургаан сард улаан хоолойн хорт хавдраар нас барсан” хэмээн ярьжээ.

Бахархалт эрэлхэг баатар өвөөгийнхөө дүрийг тун чадварлаг бүтээсэн жүжигчин Т.Төгөлдөр ч тун азтай юм.

Э.Бурам

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2018-03-09 202.9.44.65

гоё кино болсон гээд хүн бүхэн ам сайтай бн лээ. дараа 7 хоногт үзнээ

Avatar

Зочин 2018-03-09 202.21.106.119

Авга ах минь 1945 оны чөлөөлөх дайнд оролцоод халагдаж нутагтаа ирээд дараа нь ахынхаа оронд цэрэгт явж энэ тулаанд оролцож цэргийн алба хаагаад эсэн мэнд ирсэн дээ.

Avatar

Зочин 2018-03-09 59.153.112.103

Үнэн түүхийг худлаа болгосон кино. Хэт далжигнасан дүрүүд худлаа. Манай өвөөгийн хэлж байгаагаар тийм байгаагүй гэсэн. Баатрууд бол баатрууд. Хэт далжигнасан нь солонгос, Америкийг дууриасан хийсэл жүжиглэлт болсон байна лээ.

Avatar

Цэргүүдийн талаар 2018-03-09

Гоё цэргүүд болсон байна. Зүүнээс хоёрдахь цэрэг бас баруунаас 3,4 дэх цэргүүд хэтэрхий тарган цатгалан орчин үеийн [Хориотой Үг] боорцог их идсэн цэргүүд байна. Бусад нь бол яг л бидний үеийн цэргийн найзууд шиг минь л харагдаж байна. Сайхан залуучууд байна.

Avatar

Зочин 2018-03-09 103.50.207.150

Түүхэн үеийг харуулсан үнэхээр сайхан кино болсон байна лээ

Avatar

Монгол хүн 2018-03-09 64.119.27.27

Үнэхээр сайхан кино болсон байлаа. Хүүхэд байхаасаа шимтэн уншиж тэр үед байсан зурагт плакатыг орныхоо ард хөшгөн дээр сүлбээр зүүгээр тогтоогоод пулемётчин Тэгшээ болж тоглодог байлаа. Харин энэ баатрууд маань ороо бусгаа цагийн эрхээр мартагдаж орхисоныг Монголчууддаа ялангуяа хүүхэд залуучуудад сэргээн харуулсан нь бахархмаар байлаа. Киноны төгсгөлийн Төрийн дуулал, төрийн далбаа хүмүүсийн сэтгэл зүрхийг огшоож хүн бүхний эх орноо гэх сэтгэлийг бадраасан гэж бодож байна. Хүмүүс өөрийн эрхгүй алга ташиж, өнөө цагт эх орныхоо ирээдүйн сайн сайхны төлөө Төрд бугшсан бүх авилгачдын эсрэг хөдлөх цаг болсоныг сануулсанд баярлалаа.

NewsMN Гар утасны хувилбар Татах
NEWS.mn

Мэдээллийн эх сурвалж