Хятадын Сычуань мужийн Нгава сууринд өнгөрсөн лхагва гаригт /2018.03.07/ Цэхо Тугчаг нэртэй түвд эр өөрийгөө шатааж, амиа зольсон тухай “Түвдийн олон улсын байгууллага” /ICT/-аас мэдэгдсэн байна. Цэхо Тугчаг 40 хэргэм насны хүн байжээ.

Энэ талаар “Эрх чөлөөт Түвд” байгууллага болон АНУ-д төвтэй Radio Free Asia цахим хуудсанд мөн мэдээлсэн байна.

Түвдийн тусгаар тогтнол, эрх чөлөөний төлөө амиа зольсон энэ явдал 2018 он гарсаар анхных, харин 2009 онд түвдүүдийн тэмцэл, эсэргүүцэл эхэлсэн цагаас хойш 153 дахь удаагийн тохиолдол гэнэ.

Бээжин дэх Түвдийн Коммунист намын дарга У Инжие харин дээрх мэдээллийг няцаасан байна. Тэрбээр “Тэд үнэнийг хэлж байгаа гэж бодохгүй байна” гэж сэтгүүлчдэд хэлжээ.

С.ЦЭЛМЭГ