А.Бямбажав 6000 ам.доллараар шагнуулжээ

Хуучирсан мэдээ: 2011.08.16-нд нийтлэгдсэн

А.Бямбажав 6000 ам.доллараар шагнуулжээ

ОХУ-ын
Бүгд Найрамдах Тува улс байгуулагдсаны 90 жилийн ой,  Тува улсын ард
түмний уламжлалт баяр нааадамтай давхцаж болсон хоёр их баяр наймдугаар
сарын 12-15-ны өдөр Тува улсын Кизиль хотноо болжээ.

Уг ойн арга хэмжээнд Увс аймгийн ИТХ-ын дарга Д.Батсайхан, Засаг дарга
Э.Цасчихэр нар Тува улсын Засгийн газрын тэргүүн Ш.В.Кара-оолын урилгаар
оролцсон байна. Тува улс, Увс аймаг хоёр эртнээс ах дүүгийн найрамдалт 
харилцаа холбоотой юм. Саяхан Увс аймгийн Улаангом хотноо болсон Баруун
бүсийн хурдан морины наадамд Тува улсын ерөнхийлөгч Шолбан Валерьевич
Кара-оол болон ОХУ-ын Бүгд Найрамдах Тува улсын Засгийн газрын  тэргүүн
нар оролцсон байна.

Тува улсын
90 жилийн ойн арга хэмжээний үеэр Дэлхийн монголчуудын үндэсний бөхийн
холбооноос "Монгол туургатны бөхийн барилдаан"-ыг зохион байгуулж,
Монгол улсаас улсын заан Д.Бумбаяр, харцага А.Бямбажав нарын тэргүүтэй
41 бөх зодоглосон байна. Ингээд Монгол туургатны үндэсний бөхийн наадамд
Монгол, Өвөрмонгол, Буриад, Горный-Алтай, Хакас, Тува улсын бөхчүүд +85
дээш, -85 доош гэсэн хоёр ангилалд /нийт 64 бөх/ хүч үзэн барилдсан
бөгөөд наадмын +85кг жинд Монгол Улсын харцага Арслангийн Бямбажав
түрүүлж, улсын начин Ч.Баянмөнх үзүүрлэж, шөвгийн дөрөвт аймгийн начин
н.Хайдав, Тува улсын бөх н.Сайнбилэг нар үлджээ. Энэ жилийн түрүү бөхийг
6000 ам.доллар, үзүүрлэсэн бөх 4000 ам.доллар, шөвгөрсөн бөхчүүдийг
1500 ам.доллараар тус тус байлсан байна. Энэ үеэр Тува улсын хуреш
бөхийг сурталчилж, хөгжүүлэхэд оруулсан хувь нэмрийг нь үнэлж, Монгол
Улсын заан Д.Бумбаярыг Тува улсын Гавьяат тамирчин цолоор шагнажээ.

Б.Батбаяр
Б.Батбаяр
NewsMN Гар утасны хувилбар Татах
NEWS.mn

Мэдээллийн эх сурвалж