Трамп ган, хөнгөн цагаанд импортын татвар ноогдуулах шийдвэрт гарын үсэг зурлаа | News.MN

Трамп ган, хөнгөн цагаанд импортын татвар ноогдуулах шийдвэрт гарын үсэг зурлаа

Хуучирсан мэдээ: 2018.03.09-нд нийтлэгдсэн

Трамп ган, хөнгөн цагаанд импортын татвар ноогдуулах шийдвэрт гарын үсэг зурлаа

Трамп ган, хөнгөн цагаанд  импортын татвар ноогдуулах шийдвэрт гарын үсэг зурлаа

АНУ-ын Ерөнхийлөгч Дональд Трамп ган болон хөнгөн цагаанд импортын татвар ноогдуулах шийдвэрт гарын үсэг зуржээ. Гэхдээ АНУ ган нийлүүлэгч зарим орнуудыг татвараас чөлөөлөхөө мэдэгдсэн юм.

Гадаад худалдааны шударга бус нөхцөлөөс болж АНУ хохирч ирсэн гэж ярьдаг Трамп дээрх шийдвэр тус улсын дотоодын үйлдвэрлэлийг сэргээнэ гэж үзэж байна.

Ган болон хөнгөн цагаанд импортын татвар ноогдуулах тухай Трампын шийдвэрийг ган үйлдвэрлэгч орнуудаас гадна Европын холбоо эсэргүүцэж, үүнээс болж худалдааны дайн дэгдэж ч болзошгүй гэж шинжээчид анхааруулж байгаа юм. АНУ-ын ган, хөнгөн цагаанд импортын татвар ноогдуулах шийдвэр энэ сарын 15-наас эхлэн хүчин төгөлдөр үйлчлэх ажээ. Гэвч АНУ-ын гангийн томоохон нийлүүлэгч Канад, Мексик зэрэг орнууд импортын татвар төлөхгүй гэнэ.

АНУ ган болон гангийн бүтээгдэхүүнд 25 хувь, хөнгөн цагаанд 10 хувийн импортын татвар ноогдуулах ажээ. Гэвч Трампын энэ шийдвэрийг түүний намын гишүүд төдийгүй АНУ-ын худалдааны томоохон түншүүд эсэргүүцэж байгаа юм.

Бүгд найрамдах намын гишүүн Жефф Флэйк энэ шийдвэрийн эцсийн үр дагавар нь худалдааны дайн хэмээгээд татварыг тэглэх тухай хуулийн төсөл боловсруулж байгаа ажээ.

Европын холбооны комиссар Сесилия Майлструм цахим хуудсандаа Европын холбооны улсуудыг татвараас чөлөөлөх хэрэгтэй гэжээ.

Францын Сангийн сайд Бруно Ле Мэйр хэлэхдээ “Худалдааны дайн дэгдвэл үүнээс хэн ч хожихгүй” хэмээгээд Трампын шийдвэрт харамсч буйгаа илэрхийлжээ.

Эх сурвалж: BBC

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-09 182.160.4.53

Манай Женко татваргүй бараа шахна гээд байгаа шдээ хаха

Avatar

Зочин 2018-03-09 66.181.185.56

Hyatad hyamarch,E-holboo dampuurch,Oros bah ni hanah yum b.na daa.

Avatar

Amar 2018-03-09 202.179.25.203

Хүүе Трампаа бүхнийг мөнгөөр үнэлдэг цаг өнгөрсөн шүү. Өөрөө ингээд попдоод байвал дараагийн сонгуулиар гарах нь байтугай улсаа тараана шүү.Трампаа. Учир нь АНУ-ыг яг зөв орчуулбал Америкийн тусгаар улсуудын нэгдэл гэсэн үг шүү.

Avatar

РАВДАН 2018-03-09 66.181.160.27

ХӨӨРХИЙ ХЭДЭН ММЕТАЛЛУРГИЧИН ТОЙРУУЛЖ ЗОГСООЧИХООД Л ГАРЫН ҮСГЭЭН ЗУРААД Л! ҮНЭН АМЕРИК ШООВУУЧИН ГАР ШҮҮ МАНАЙ ТРААМП!

NewsMN Гар утасны хувилбар Татах
NEWS.mn

Мэдээллийн эх сурвалж