С.Батболд: Хүн төрөлхтний эх булаг, хөгжлийн гол зүтгэх хүч бол эмэгтэйчүүд | News.MN

С.Батболд: Хүн төрөлхтний эх булаг, хөгжлийн гол зүтгэх хүч бол эмэгтэйчүүд

Хуучирсан мэдээ: 2018.03.07-нд нийтлэгдсэн

С.Батболд: Хүн төрөлхтний эх булаг, хөгжлийн гол зүтгэх хүч бол эмэгтэйчүүд

С.Батболд: Хүн төрөлхтний эх булаг, хөгжлийн гол зүтгэх хүч бол эмэгтэйчүүд

“Олон улсын эмэгтэйчүүдийн эрхийг хамгаалах өдөр”-ийн баярын мэндийг эмэгтэйчүүд, эхчүүд, бүсгүйчүүд та бүхэндээ хүргэе.

Тэртээ 100 гаруй жилийн өмнөөс эмэгтэйчүүд өөрсдийн эрх ашгаа хамгаалж, сонгуульд санал өгөх, ажлын нөхцөлөө сайжруулах, хүчирхийллээс ангид байх гээд олон шаардлага тавин жагсч, үзэл бодлоо нээлттэй илэрхийлснээр энэхүү өдрийг дэлхий нийт “Олон улсын эмэгтэйчүүдийн эрхийг хамгаалах өдөр” болгон тэмдэглэж ирсэн түүхтэй. Манай улс ч энэхүү жишгийг даган эмэгтэйчүүдийн эрхийг хамгаалах өдрийг хуульчлан тэмдэглэхийн зэрэгцээ охид бүсгүйчүүд, халамжит хань, элбэрэлт ээж нараа баярлуулдаг уламжлал тогтоод байна. Түүнчлэн төр засаг эмэгтэйчүүдийн эрхийг хамгаалах чиглэлээр хийж байгаа дорвитой ажлууд,тодорхой шийдвэрээ олон түмэнд танилцуулдаг билээ.

Нийслэлийн Засаг даргын Тамгын газрын зүгээс эмэгтэйчүүдийнхээ оролцоо, жендерийн тэгш байдалд онцгойлон анхаардаг төдийгүй нийгмийн салбарын хөрөнгө оруулалтыг нэмэгдүүлэх чиглэлээр жилээс жилд ахиц гарган ажиллаж байна.

Монгол Улсын нийт хүн амын талаас илүү хувь нь Улаанбаатар хотод ажиллаж, амьдарч байгаагийн 51.7 хувь, нийт ажиллагсдын 46.6 хувь, боловсрол эрүүл мэндийн салбарын 83 хувийг, бизнес эрхлэгчдийн 40 орчим хувийг эмэгтэйчүүд эзэлж байна. Энэ тоо их хотын бүхий л салбарт манай эмэгтэйчүүд манлайлагч гэдгийг харуулж, үүрэг оролцоо ихийг илтгэж байгаа юм. Тиймээс ч Нийслэлийн Засаг дарга бөгөөд Улаанбаатар хотын Захирагчийн 2016-2020 оны үйл ажиллагааны мөрийн хөтөлбөрт “Нийгмийн хөгжлийн салбар”- ыг онцгойлон тусгаж, хийж хэрэгжүүлэх ажлаа төлөвлөн ажиллаж, үр дүнд хүрч байна.

Улаанбаатар хотын түүх өөрөө их өвөрмөц. Энэ хотын төв талбайн тохижилт, бүтээн байгуулалтын ажлыг гардан зохион байгуулсан хүн бол Их жанжин Д.Сүхбаатарын гэргий Янжмаа гуай байдаг. Тэрээр тоосго өрж, шавар зуурч энэ талбайг барилцаж байжээ. Мөн 1931 онд Монгол улс нийслэл хотдоо анхны эмэгтэйчүүдийн их хурлыг зохион байгуулж байсан түүх нь Улаанбаатар хотын хөгжил цэцэглэлтэд эмэгтэйчүүдийн оролцоо их байсныг өгүүлдэг юм.

Өнөө цагт ч эмэгтэйчүүд маань их хотынхоо бүхий л салбарт ажиллаж, манлайлсаар байна. Эмэгтэйчүүдийнхээ нөр их хөдөлмөрийг нийслэлийн удирдлагын баг урамшуулан, дэмжих зорилгоор “Их хотын бүсгүйчүүд-2018” арга хэмжээг анх удаа нийслэлийн Засаг даргын ивээл дор зохион байгууллаа. Цаашид ч уламжлал болгон хийхээр төлөвлөж байна.

“Иргэдийн оролцоотой амьдрах орчныг сайжруулах жил”-ийн хүрээнд хийгдэх ажилд манай эмэгтэйчүүд манлайлан оролцоно гэдэгт хотын даргын хувьд итгэлтэй байна. Та бүхнийхээ дэмжлэг, хөдөлмөр зүтгэлийн үр дүнд айл гэр бүл, албан байгууллага, их хот маань ч өнгөлөг, жавхаалаг болж өнгөө засч, тав тухтай, амгалан тайван амьдрах орчныг бүрдүүлж чадна.

Хүн төрөлхтний эх булаг болсон, хөгжлийн гол зүтгэх хүч нь болдог эмэгтэйчүүддээ “Олон улсын эмэгтэйчүүдийн эрхийг хамгаалах өдөр”-ийн мэндийг дэвшүүлж, аз жаргал сайн сайхан бүхнийг хүсэн ерөөе.

НИЙСЛЭЛИЙН ЗАСАГ ДАРГА БӨГӨӨД

УЛААНБААТАР ХОТЫН ЗАХИРАГЧ С.БАТБОЛД

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-07 150.129.140.89

Эмэгтэйчүүд ганцаараа "хүн төрөлхтөний эх булаг" юм гэнэ үү? Өөрийнх нь хүүхэд өөрт нь хамаагүй, зөвхөн эхнэр нь үйлдвэрлэсэн болж таарлаа…

Avatar

Зочин 2018-03-07 66.181.183.88

Яах гэж ингэж пялдагдаж байдаг юм болоо. Ийм завхарсан заваан узэгдэлээс салмаар юм.

Avatar

Зочин 2018-03-07 182.160.38.203

Энэ нөхөр эмэгтэйчүүдийг онгироож байгаад зүтгэх хүч болгох нь ээ. Уг нь эрэгтэйчүүдээ зүтгүүлдэг болговол зүгээрсэн. Байдал өөрчлөгдөхгүй, эрэгтэйчүүд нь ажилгүй, эмэгтэйчүүдээрээ тэжээлгэж амьдардаг энэ чигээр нь байлгана гэдгээ тойруу замаар хэлж байх шив.

Avatar

Руугаа 2018-03-07

Үхсэн нохойн баас

Avatar

Баяр хүргэе хүүхнүүддээ 2018-03-07 202.72.245.220

ТӨВЛӨРӨЛ ХӨГЖЛИЙГ БИЙ БОЛГОДОГЫГ МЭДЭХГҮЙ ОЙЛГОХГҮЙ ХҮН ИХ ТӨВЛӨРӨЛ БОЛСОН ХОТЫГ УДИРДАЖ БОЛДОГГҮЙГ ТОД ХАРЖ БАЙНА ДАА

Avatar

Зочин 2018-03-07 202.131.233.251

Булан тойроод бувтна за

Avatar

Зочин 2018-03-07 202.179.26.243

Энэ хүн эмэгтэй хүнийг мэддэг байсан юм байх даа . Го гэсэн биз дээ

Avatar

Зочин 2018-03-07 66.181.160.49

танай нийслэлиийн эмнэлгүүдийн шинэ хууль бусаар томилогдсон дарга нар чинь эмэгтэй ажилчиддаа дарамталж байна гэнэ ийм байж болохуу нийслэлийн

Avatar

zochin 2018-03-07 183.81.171.3

bayarlalaa

Avatar

Зочин 2018-03-07 77.111.245.10

Сэтгэхүү нь одоо ч гэсэн тэс хөдөө хэвээр л байх юм. Хог гэж.

Avatar

Ss 2018-03-07 2.134.232.9

Hol ochij h***

NewsMN Гар утасны хувилбар Татах
NEWS.mn

Мэдээллийн эх сурвалж