“ДЦС - 4” ТӨХК-ийн хүчин чадлыг нэмэгдүүлнэ | News.MN

“ДЦС – 4” ТӨХК-ийн хүчин чадлыг нэмэгдүүлнэ

Хуучирсан мэдээ: 2018.03.07-нд нийтлэгдсэн

“ДЦС – 4” ТӨХК-ийн хүчин чадлыг нэмэгдүүлнэ

“ДЦС – 4” ТӨХК-ийн хүчин чадлыг нэмэгдүүлнэ

Эрчим хүчний Сайдын зөвлөл 2018 оны гуравдугаар сарын 6-ны өдөр хуралдлаа. Хуралдаанд Эрчим хүчний сайд Ц.Даваасүрэн, дэд сайд Т.Гантулга, Төрийн нарийн бичгийн дарга З.Мэндсайхан, Эрчим хүчний зохицуулах хорооны дарга А.Тлейхан, сайдын зөвлөх Н.Мягмарсүрэн болон Эрчим хүчний яамны газар, хэлтсийн дарга нар, асуудал хариуцсан холбогдох мэргэжилтнүүд оролцлоо.

Энэ удаагийн хуралдаанаар “Сэргээгдэх эрчим хүчний тусгай зөвшөөрөл, үнэ тариф”, “ДЦС-4 ТӨХК-ийн турбингенератор №1, 2, 3, 4-ийн насжилтыг уртасгах, хүчин чадлыг нэмэгдүүлэх төсөл”, “Монгол-Хятадын эрчим хүчний хамтын ажиллагааны төлөвлөгөө”, “УБЦТС, УБДС ТӨХК-үүдийн цахилгаан, дулааны эрчим хүчээр хангах техникийн нөхцөл олгох, үйл ажиллагаанд хяналт, шалгалт хийх, оновчтой бүтэц зохион байгуулалтад оруулах санал боловсруулах үүрэг бүхий ажлын хэсгийн тайлан”-г тус тус сонсож, хэлэлцлээ.

Сэргээгдэх эрчим хүчний эх үүсвэрүүдийн тусгай зөвшөөрөл, үнэ тарифын асуудлыг Эрчим хүчний сайдын зөвлөх Н.Мягмарсүрэн танилцуулав. Хуралдаанаар сэргээгдэх эрчим хүчний тухай хуульд нэмэлт өөрчлөлт оруулах, “Нэгдсэн сүлжээний дүрэм”-ийг олон улсын жишигт нийцүүлэн боловсруулж батлуулах, үнийг бууруулах, тарифыг доод хязгааргүй болгох, мастер төлөвлөгөө боловсруулах, Сэргээгдэх эрчим хүчний үнэ тариф, тусгай зөвшөөрөл болон эрчим хүчний системийн тогтвортой байдалд үзүүлж буй сөрөг нөлөөллийн талаар Засгийн газрын хуралдаанд танилцуулах ажлыг зохион байгуулах болон холбогдох үүрэг даалгавруудыг харьяа газар, хэлтсүүдэд өгөхөөр шийдвэрлэв.

“ДЦС-4” ТӨХК-ийн турбингенератор №1, 2, 3, 4-ийн насжилтыг уртасгах, хүчин чадлыг нэмэгдүүлэх ажил 2018-2019 оны их засварын хүрээнд хийгдэнэ. 2017 оны аравдугаар сард үйлдвэрлэгч байгууллага /ОХУ-аас шинжилгээний баг/ -ын хийсэн металийн болон бусад шинжилгээ хийгдсэн байна. Мөн Засгийн Газрын 2018 оны нэгдүгээр сарын 3-нд гарсан тогтоолоор дээрх ажлуудыг 2018-2019 оны их засварын хугацаанд хийж гүйцэтгэхээр болсон. Шинэчлэл, засвар хийгдсэнээр цахилгааны хүчин чадал 89 МВт-аар, дулаан 150 Ккал/цагаар, насжилт 35 жилээр тус тус нэмэгдэх юм.

Бусад хэлэлцсэн асуудлаар холбогдох шийдвэр гаргах нь зүйтэй гэж Сайдын зөвлөлийн гишүүд үзлээ.

Эх сурвалж: Эрчим хүчний яам

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-07 59.153.113.243

Stants iin dargiig uurchiluu Anhbayar bol zvgeer l ideed bna tseween idsen anhbayar idne odoo yum vldehgvi hamag ashig orlogiig n ideed dyysaj bna shine ydirdlaga shine menejmenteer hudluhgvi bol talaas ilvvg m ideed tsysaldag darga injener Tusul awdag ugdug aimshigtai togtoltsoo togtood olon jil bolj bn daa arai heterhii idsen dee bten stants barih mungiig 15-jild idlee ene olon darga said injener hyrgan darga nar bvh shatandaa hylgai hiij bna

Avatar

Зочин 2018-03-07 64.119.24.162

DAVAASURENGIIN HIISEN YARISAN BOLGONOOS MUNGU UNERTENE.600 saya $- g NI 4-r STANTSAD ZORIULAH NI DEE.3- r STANTS TEZU BAIGAA SHUU. OROSOOS AVAH GEED BAIGAA 100 TERBUM RUBLI CHIN UNDUR HUUTEI L YUM DUULDAAD BNDA.

Avatar

Зочин 2018-03-07 202.4.248.66

Тоног төхөөрөмж нь сайжирлаа гээд барилга нь ямар сайжрах биш дээ. Тэрний оронд шинэ станц барих мөнгөө хуримтлуулж эхэлсэн нь дээр.

Avatar

Зочин 2018-03-07 66.181.181.245

nudeeree har ma laa

NewsMN Гар утасны хувилбар Татах
NEWS.mn

Мэдээллийн эх сурвалж