Хойд болон Өмнөд Солонгос ирэх дөрөвдүгээр сарын сүүлчээр Панмунжон тосгонд хоёр улсын засгийн газар хоорондын дээд хэмжээний уулзалт зохион байгуулахаар тохиролцжээ.

Пхеньян мөн Вашингтонтой яриа хэлэлцээ эхлүүлж, хэрэв улсынх нь аюулгүй байдлыг хангавал цөмийн зэвсгээс татгалзахад бэлэн гэдгийг Сөүлийн төлөөлөгчдөд уламжилжээ.

Пхеньянд хоёр өдрийн айлчлал хийж, Хойд Солонгосын удирдагч Ким Жон Унтай уулзсан, БНСУ-ын Ерөнхийлөгч Мүн Жэ Иний тусгай элч нар Сөүлд эргэж очсоныхоо дараа ийм мэдэгдэл гаргажээ.

‘БНСУ болон БНАСАУ ирэх дөрөвдүгээр сарын сүүлчээр Панмунжон тосгонд хоёр улсын засгийн газар хоорондын гурав дахь уулзалтыг зохион явуулахаар тохиролцсон. Уулзалтын өмнө зохион байгуулах ажлын хэсгүүд уулзалт хийнэ” хэмээн БНСУ-ын Үндэсний аюулаас хамгаалах албаны дарга Чун E-ён өчигдөр хэвлэлийн хурлын үеэр мэдэгдсэн байна.

Тэрбээр мэдэгдэлдээ ‘Хоёр тал болзошгүй дайны байдалд шилжихээс сэргийлэхийн тулд удирдагчид хоорондоо шууд утсаар харилцахыг зөвшөөрсөн байна. Хоёр орны удирдагч дээд хэмжээний уулзалтын өмнө утсаар ярилцах ажээ.

Пхеньян мөн Өмнөдийн эсрэг цөмийн пуужин болон зэвсэг хэрэглэхгүй хэмээн амлалт хүртэл өгсөн гэнэ.

Эх сурвалж: Koreatimes