Тусгай зөвшөөрөл олгох үйлчилгээг цахимжуулах тухай ярилцав | News.MN

Тусгай зөвшөөрөл олгох үйлчилгээг цахимжуулах тухай ярилцав

Хуучирсан мэдээ: 2018.03.07-нд нийтлэгдсэн

Тусгай зөвшөөрөл олгох үйлчилгээг цахимжуулах тухай ярилцав

Тусгай зөвшөөрөл олгох үйлчилгээг цахимжуулах тухай ярилцав

Төрөөс мэдээлэл, харилцаа холбооны хөгжлийн талаар баримтлах бодлого болон нийслэлийн Засаг даргын үйл ажиллагааны хөтөлбөртэй уялдуулан Улаанбаатар хотын Ерөнхий менежерийн 2018 оны А/30 дугаар тушаалаар байгуулсан “Нийслэлийн нутгийн захиргааны байгууллагуудаас үзүүлж буй үйлчилгээг цахимжуулах, үйлчилгээний программ хангамж мэдээллийн санг шинээр үүсгэх, ажлыг судлах ажлын даалгавар боловсруулах” үүрэг бүхий  ажлын хэсгийг байгуулсан. 

Ажлын хэсгийн ээлжит хурал өнөөдөр боллоо. Хуралд  ажлын хэсгийн ахлагч нийслэлийн Мэдээллийн технологийн газрын дарга О.Чинзориг, Улаанбаатар хотын Захирагчийн ажлын албаны Захиргаа, санхүүгийн хэлтсийн дарга Э.Энхцэцэг, Хүнс, худалдаа үйлчилгээний хэлтсийн дарга Д.Оюунболор, нийслэлийн Татварын газрын Эрсдэл, статистикийн хэлтсийн дарга Б.Гансүх, нийслэлийн Улсын бүртгэлийн газрын Захиргаа, удирдлагын хэлтсийн дарга О.Баттөмөр болон ажлын хэсгийн гишүүд, холбогдох мэргэжилтнүүд оролцов.

Хуралдаанаар согтууруулах ундаа худалдах, түүгээр үйлчлэх тусгай зөвшөөрөл авахад бүрдүүлэх цаасан суурьт бичиг баримтуудыг  цөөрүүлэх, тусгай зөвшөөрөл олгох үйлчилгээг цахимжуулах ажлыг судлах, ажлын даалгавар боловсруулах, системийг хэрхэн цогцоор шийдэх, шат дамжлагыг цөөлж, зардал чирэгдлийг багасган шийдвэрлэлтийн үйл явцыг хурдасгах боломж зэрэг олон асуудал хэлэлцэж, санал солилцлоо гэж нийслэлийн Мэдээллийн технологийн газраас мэдээллээ.

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-07 103.10.23.89

Архийг*тусгай*дэргүүрээр*хяналтай*зараачАрхичан*хэмээх*хүмүүсНайман*нэрийн*дэргүүр*бүрийн*үүдээр
дүүрэн*боллооНайман*нэрийн*дэлгүүр*архичан*төрүүлэг*ээж*боллоо*тэнд*ямарч*хяналт*алга

NewsMN Гар утасны хувилбар Татах
NEWS.mn

Мэдээллийн эх сурвалж