"Намайг Д.Тэнгис гэдэг" | News.MN

"Намайг Д.Тэнгис гэдэг"

Хуучирсан мэдээ: 2018.03.07-нд нийтлэгдсэн

"Намайг Д.Тэнгис гэдэг"

"Намайг Д.Тэнгис гэдэг"

Өөрийн хүсэл зорилгод тэмүүлэн ӨМӨЗО-ны Хөххотоос Монголд ирж суралцаж байгаа Д.Тэнгистэй ярилцлаа. Түүний Монголд анх ирсэн тухай дурсамж болон хэтийн зорилго, хоёр орны хэл, соёлын ялгааны тухай сонирхолтой яриа өрнүүлснийг хүлээн авна уу. Тэрбээр “Авьяаслаг монголчууд” шоуны шилдэг 32-т шалгарч, гайхалтай үзүүлбэр үзүүлснийг уншигч та санаж байгаа байх. Тэрбээр анхны уран бүтээлээ  ‘The SAINT’ гэх нэрээр гаргаж байгаа ба ‘Winter Garden’ дуу нь цацагдсан байна.

Донровын Тэнгис

Төрсөн он: 1993.03.10

Төгссөн сургууль: Хөгжим бүжгийн коллеж /2017/

Мэргэжил: Морин хуурч

 Одоо эрхэлж буй ажил: Чөлөөт уран бүтээлч


-Сайн байн уу. Юуны өмнө та манай уншигчдад өөрийгөө танилцуулна уу?

-Сайн байна уу, намайг Д.Тэнгис гэдэг. Та бүхэн намайг “Авьяаслаг Монголчууд” шоу нэвтрүүлгийн шилдэг оролцогч гэдгээр илүү сайн мэдэх болов уу. Саяхан л тус нэвтрүүлэгт оролцож байсан мэт санагдах боловч хэдийнээ хоёр жил өнгөрчээ. Энэ хугацаанд үзэгч та бүхэнтэйгээ шинэ уран бүтээлээр уулзахаар төлөвлөж байлаа.

-Хүүхэд байхаасаа морин хуур тоглож эхлэв үү? Урлагтай хэрхэн холбогдсон бэ?

-Би багаасаа л дуу хөгжимд хайртай сонирхлоороо төгөлдөр хуур тоглодог хүүхэд байсан. Тэр авьяасыг ээж аав минь олоод харчихсан байсан юм байна лээ. Түүнээс хойш 14 настайдаа Монголд ирээд хамгийн анх хөгжим бүжгийн коллежийн морин хуурын ангид шалгалт өгч билээ. Одоо нийтдээ есөн жил морин хуураар хичээллэж байна. Монголд ирэхээсээ өмнө БНХАУ-ын Хөх хотын “монгол” дунд сургуульд сурч байсан. Тухайн үед манай сургуулийн радиогоор Монгол дуунууд их явдаг байлаа. Харанга, Хурд, Сэрчмаа гээд л олон уран бүтээлчдийн дууг багаасаа сонсож өссөн юм. Тэдгээр дууг сонсохоор надад яагаад ч юм бахархах мэдрэмж төрдөг байснаа нуух юун. Монгол дуунууд ямар гоё юм бэ гэж бодогдох зуур Монголд очих хүсэл төрж эхэлсэн дээ. Тэгээд монголдоо ирэхэд маш гоё санагдаж байсан. Яагаад гэвэл Монгол хүмүүсийн зан харилцаа, хандлага, соёлын өв уламжлал маш их таалагдсан л даа. Залуус нь ч нээлттэй, сэтгэлээрээ байдаг юм шиг санагддаг юм.

-Таныг “Авьяаслаг Монголчууд” шоу нэвтрүүлэгт морин хуурыг орчин үеийн жааз хөгжимтэй хослуулж дуулж байсныг санаж байна. Тэр үеийн дурсамжаасаа хуваалцана уу?

-“Авьяаслаг Монголчууд” шоу нэвтрүүлэгт би 2016 онд оролцсон. Нэвтрүүлэгт оролцъё гэж нэг их бодоогүй л дээ. Нэг л мэдэхэд найзтайгаа хамт бүртгүүлчихсэн байсан. Үнэхээр гэнэтийн явдал болсон шүү. “Авьяаслаг Монголчууд” шоунд оролцохдоо хоёр төрлийн хөгжмийн урсгалыг харуулахыг зорьсон. Нэг нь жааз, нөгөөдөх нь рок төрлийн хөгжим тоглосон. Дэлхийн хэмжээний шоу өөр юм байна гэдгийг тухайн үед их мэдэрсэн л дээ. Нэвтрүүлгийн дараа би тодорхой зорилготой болсон. Тэр нь юу вэ гэвэл цаашдаа юу хийхээ тэр үеэс л мэдэрч  ойлгож авсан. Харин тэмцээнд аль болох өөрийнхөө авьяасыг үзүүлэхийг зорьсон юм. Миний хувьд шилдэг наймд орох нь чухал биш санагдаж байсан. Зүгээр л өөрийгөө эвдэж нэг шат ахиулахын тулд л оролцсон. Хүн ер нь аливаа тэмцээн уралдаанаас их зүйл суралцаж, өөрийнхөө алдаа оноо бүхий л зүйлсийг шүүгчид, үзэгчдээс олоод харчихдаг юм байна лээ. Тиймээс нэвтрүүлгийн үеэр намайг дэмжсэн бүх хүмүүстээ баярлалаа гэж хэлмээр байна.

-Тухайн үед үзэгчид их дэмжиж байсан шиг санагдаж байна л даа?

-Хүмүүс намайг бодсоноос минь илүү дэмжиж байсан. Тэр нь уран бүтээл гаргахад их дөхөм байсан юм болов уу.

-Одоо ямар уран бүтээл дээр ажиллаж байна вэ?

-Энэ өвөл хамгийн анхны уран бүтээл “Өвлийн цэцэрлэг” дуугаа гаргалаа. Удахгүй шинэ уран бүтээл дээр ажиллаж эхлэх байх. Одоогоор СУИС-ын хөгжимдөх урлагийн тэнхимд магистраар суралцаж байгаа. Өнгөрсөн  онд хөгжим бүжгийн коллежийг морин хуурч мэргэжлээр төгссөн. Тэгээд мэргэжлийнхээ дагуу  магистрт суралцаад явж байна.

-Цаашдаа юу хийхээр төлөвлөж байна вэ? Мөрөөдлөөсөө хуваалцаж болох уу?

-Монгол урлагийг дэлхийд танилцуулах зорилготой байна. Монголынхоо хөгжмийн зэмсэг тэр дундаа морин хуурыг орчин үеийн хөгжимтэй хослуулж дэлхийд танигдах туйлын хүсэлтэй. Үүнийг  одоохондоо мөрөөдөж л сууна. Харин шинэ цаашдын уран бүтээлүүдээ монгол, англи хэлээр дуулна гэж боддог. Миний дуулалтын стиль, жанрын хувьд одоогоор хөнгөхөн жааз, баллад стилиэр дуулж байна. Гэхдээ залуу уран бүтээлчийн хувьд өөрийгөө олон талаас нь нээж харуулахыг л зорьж байгаа.

-Анхны уран бүтээлээрээ юуг илэрхийлэхийг зорьсон бэ?

-Миний анхны уран бүтээл “Өвлийн цэцэрлэг” дуу минь их нандин түүхтэй. Хамгийн анх цас орж байхад надад нэг аялгуу орж ирсэн. Түүнийгээ л дуу болгосон гэх үү дээ. Миний ажигласнаар Монголын уран бүтээлчдийн дунд хайрын тухай дуу олон байдаг ч анхны хайрын дуу тэр бүр байдаггүй юм шиг санагддаг. Тэгээд анхны хайр гэж чухам юу болохыг уран бүтээлээрээ мэдрүүлэхийг зорьсон байгаа.

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Халимаг Монгол АНУ-с 2018-03-07 208.54.35.169

Санаж сэдэн бодон төлөвлөж буй сайн үйл бүхэн нь сэтгэлчлэн бүтэж яваг ээ. Олонх нь Хятадыг шүтэж татагдаж тэмүүлж буй энэ цагт Монгол дахь Монголчуудын төвөө зорьж зүтгэж сурч боловсрон эргээд энэ төв соёл уламжлалыг орчин үежүүлж түгээхээр зорьж буй чамаар бахархаж бн. Би Халимаг(торгууд) Монгол, Элистэйд төрж АНУ-д өсөж бн. Аав ээжийн минь байнга захидаг зүйл Монгол хэл бичгийг сэргээн санаж явах. Сайн сайхан бүхэн дэлгэрэг. ДС, АНУ

Avatar

Зочин 2018-03-07 66.181.183.88

Хеерхен хуудээ аз жаргалтай ариун шударга амжилт бутээлээр арвин явж амгалан сайхан аж тереесэй хэмээн хусэн уламжлая. Монгол хуу Монгол оо бадараана,

Avatar

Зочин 2018-03-07 182.160.32.211

ovormongol gehed mongoloos yalgaraad baih yum alga. hel yaria ni yag l mongol heleer zov yarisan baina.

Avatar

Zochin 2018-03-07 49.0.213.123

Taalagdlaa, amjilt husiye

Avatar

Ахлам 2018-03-07

Сайхан Монгол хүү байна. Амжилт хүсье. Монголын хөх тэнгэр энэ хүүгивээнэ ээ!!!

Avatar

Зочин 2018-03-07 66.181.169.58

Europ —> Shi Jin Pin

Avatar

Зочин 2018-03-07 27.123.212.134

… Эхийнхээ хээлэнд зарагдсан унага, Ижилээ хайн нутгийн зүг тэмүүлэнэ. Газар үнэрлэн шогшиж яваа ганц морийг битгий үргээ… гэж дуунд гардаг шиг энэ залуу эх нутгийнхаа, эгэл Монгол иргэний нэр хүндийг өргөхөөр тэмүүлж байна. Дэмжье.

Avatar

Зочин 2018-03-07 122.201.20.195

Сайн бна . Тэхдээ Micheal Buble г ингэж шууд хуулбарлаж дуулаж байгаан үнхээр таалагдсангүй

Avatar

Хотын залуу 2018-03-07 43.228.131.110

Хөх хотод хэдэн Өвөр Монгол залуустай уулзсан чинь өрөвдөлтэй юм ярьдаг юм билээ. Танай Монголд хээр гараад чөлөөтэй хашгирч орилж ууж болдог үнэхээр гоё юм билээ. Манай энэ Хятадад тэгвэл цагдаа нар гарч ирээд л баривчилдаг. Монголд очиж нэг сайхан хашгирах юмсан гэж билээ.

Avatar

Зочин 2018-03-07 182.160.32.211

tend heer hodoo garaad hashgirahad ni tsagdaa nar ni 30 km-iin alsaas sonsood davhij iraad bariaad avdag
mundag yumaa.

Avatar

ЗОЧИН 2018-03-07 64.119.20.146

Авьяастай хүү байна лээ цаашдын уран бүтээлд нь өндөр амжилт хүсэн ерөөе.

Avatar

Зочин 2018-03-07 124.158.94.88

Энэ мэт монгол цустай хүмүүсээ нааш нь авчрах хэрэгтэй.

Avatar

Зочин 2018-03-07 103.26.195.117

Өвөрмонгол , Буриад монгол , Халимаг монгол зэрэг дэлхийн бүх монгол үндэстэн нэгдэх болтугай.

Avatar

Зочин 2018-03-07 175.223.14.245

Авъяаслаг монголчуудаар гарсан хамгийн өвөрмөц үзүүлбэр байсан. Бусад нь зүгээр л нэг онц гойд биш дуу бүжиг байсан.

Avatar

Сонгогч 2018-03-07 27.123.214.118

Монгол үндэстэн хүүд ирээдүй бн. Амжилт хүсье. Зав бодол ,зөв хүмүүжилтэй байгаарай

Avatar

Зочин 2018-03-07 202.70.40.154

Энэ сайхан залуу Монголоо гээд зориод иржээ. Өөрийн авьяас, мөн чанараа мэдэрч, ирээдүйд юу хийхээ тодорхойлж чадсан, зоримог шийдэмгий залуу байна. Улам их амжилт хүсье.

Avatar

Зочин 2018-03-07 59.153.112.208

Өвөр монголчууд бол үнэт зүйлээ гээгээгүй яваа ард түмэн. Хөгжинө дө. Амжилт хүсье.

Avatar

Зочин 2018-03-07 27.123.212.136

Мундаг залуу байна лээ. Амжилт хүсье.Санаа зөв бол заяа зөвөө гэж.

Avatar

Зочин 2018-03-07 202.9.42.202

Өвөрмонголчууд манайхыг эх орноо гэж дотроо боддогиын билээ уулзаад явж бхад. Ялангуяа чингис хаанаа бурхан мэт шүтнэ. Эх нутаг бурхан халдунд очоод нэг мөргөчих юмсан гэж мөрөөддөгийн билээ. Хүний нутагт хавчигдаж амьдраад санаа суусан санагдсан тэрнээс биш адилхан л монгол хүмүүс

Avatar

Өвөр Монголчууд хүний нутагт амьдраагүй шүү!!!! 2018-03-07 103.10.21.31

Хөөе залуу Өвөр Монголчууд хүний нутагт амьдраагүй шүү! Өөрийн төрсөн нутаг эх орондоо харийн хүний эрхэнд амь зогоож байгаа хүмүүс. Өвөр Монголын бүх газар нутаг дээр нь Дундад Иргэн улсын бусад мужуудад хуваагдсан Зостын чуулга, Хорчины тал нуаг, Хаалган хүртлэх бүх газар нутаг бол Монголчуудын нутаг юм шүү. Хөх нуур, Зүүн Гарын нутаг ч Монголынх. Нийт 3сая км хавтгай дөрвөлжин уугуул Монголын нутаг Дундад иргэн улсад эзэмшилд байна.

NewsMN Гар утасны хувилбар Татах
NEWS.mn

Мэдээллийн эх сурвалж