Дэлхийн II дайны үеийн сөнөсөн хөлөг онгоцыг олжээ | News.MN

Дэлхийн II дайны үеийн сөнөсөн хөлөг онгоцыг олжээ

Хуучирсан мэдээ: 2018.03.06-нд нийтлэгдсэн

Дэлхийн II дайны үеийн сөнөсөн хөлөг онгоцыг олжээ

Дэлхийн II дайны үеийн сөнөсөн хөлөг онгоцыг олжээ

Дэлхийн II дайны үед сүйрч, живсэн АНУ-ын армийн агаарын хөлөг тээвэрлэгч хөлгийг Австралийн эргийн ойролцоогоос олжээ. USS Lexington нэртэй хөлгийг Австралийн зүүн эргээс 800 км зайд Шүрэн тэнгисийн усанд гурван км-ийн гүнээс илрүүлсэн байна.

Уг хөлөг 1942 оны тавдугаар сарын 4-8-нд болсон Шүрэн тэнгисийн байлдааны үеэр сөнөсөн юм. Байлдааны үеэр хөлөг дээрх 200 гаруй гишүүн амь үрэгджээ.

76 жилийн тэртээ сүйрч, живсэн хөлгийг Microsoft компанийг үүсгэн байгуулалцсан Пол Аллений удирдсан эрлийн багийнхан олсон тухай АНУ-ын Тэнгисийн цэргээс мэдэгдсэн байна. Хөлөг онгоцны сэг олон жилийн дараа ч өгөрч муудаагүй байжээ.

USS Lexington хөлөг живэх үед хөлгийн тавцан дээр 35 онгоц байсан аж. Тэдний 11-ийг нь олсон байна. Гэхдээ АНУ-ын Тэнгисийн цэрэг далайн ёроолд живсэн хөлөг онгоцыг дайны булш гэж үзэж буй тул уснаас гаргах шаардлагагүй гэж үзжээ.

Пол Аллений тэргүүлдэг Vulcan компанийн мэргэжилтнүүд живсэн хөлөг онгоцны байршлыг тогтоох ажилд хагас жилийн хугацаа зарцуулсан байна. Өнгөрсөн жил тэд 1945 оны долдугаар сард живсэн USS Indianapolis хөлгийн сэгийг мөн олсон юм. Түүнчлэн Японы Мусаши нэртэй байлдааны хөлөг, Италийн тэнгисийн цэргийг Artigliere хөлгийн сэгийг илрүүлжээ.

С.ЦЭЛМЭГ

 

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Nergui 2018-03-06 202.179.24.146

Orosuud nuuna, aigui bol hudlaa gej gutgene.

Avatar

Зочин 2018-03-06 202.21.106.128

Хм өнгөрсөн шөнө Сирид Оросын онгоц сүйрсэнийг бичихгүй юм уу? 39 орос амиа алдсан байна. Хойрго юмаа энэ мэдээллийн сайтууд

Avatar

carlsen 2018-03-06 202.131.225.150

tmu 2r dainii ued jiwsen hulug ongotsig olson bnshde chi medeeguyu? Hoirgo yma chi neree

NewsMN Гар утасны хувилбар Татах
NEWS.mn

Мэдээллийн эх сурвалж