Калифорни дахь “Apple” компанийн сансрын хөлөг шиг хэлбэртэй шинэ төв оффисын ажилтнууд шилэн хана, хаалга мөргөж, гэмтэх тохиолдол байнга гарч байгаа гэнэ.

Шинэ шилэн оффисын ажилтнууд шилэн хана, хаалганаас болгоомжлох анхааруулга гаргасан ч гэлээ ажилтнууд хаалга олохгүй, эсвэл яарч тэвдсэн үедээ шилэн хана, хаалга мөргөснөөс болж барилга ашиглалтад орсон эхний сард гурван хүн 911-т дуудлага өгсөн байна.

Таван тэрбум ам.долларын энэхүү барилгын зураг төслийг Норман Фостер гаргасан бөгөөд сансрын хөлөг шиг хэлбэртэй барилгыг дан шилээр барьсан ажээ.

Гэвч барилга дөрөвдүгээр сард ашиглалтад орсон цагаас хойш нэг асуудал байнга гарах болсон  байна.  Шилэн хана болон хаалганууд дээр шар тууз бүхий анхааруулга наасан боловч барилгын үзэмжид сөрөг нөлөөтэй гэх шалтгаанаар анхааруулгыг авчээ.

Шувууд шилэн цонх мөргөж унах тохиолдол байдаг ч оффисын ажилтнуудад ий зүйл тохиолдож байгаад “Apple” компанийн удирдлагууд учрыг нь олохгүй байгаа гэнэ.

Эх сурвалж: the guardian