Харумафүжи сахилга бат сахина | News.MN

Харумафүжи сахилга бат сахина

Хуучирсан мэдээ: 2011.08.16-нд нийтлэгдсэн

Харумафүжи сахилга бат сахина

Японы мэргэжлийн сумо бөхийн долдугаар сарын нагоя башёд Монголын сумоч, озэки Харумафүжи Д.Бямбадорж 14 даваа, нэг унаатай түрүүлснээр Эзэн хааны цомыг хоёр дахиа хүртсэн билээ. Харин башё өндөрлөсний маргааш нь Ёкозунагийн зөвлөл хуралдаж, озэки Харумафүжи Д.Бямбадоржид ёкозуна цол хүртээх болзлыг дуулгасан билээ. Нөлөө бүхий энэхүү олон нийтийн байгууллагаас хэрэв Харумафүжи намрын башёд амжилттай барилдаж, түрүүлэх, эсвэл башёгийн үзүүр бөхөөр шалгарах, ингэхдээ 14 буюу түүнээс дээш даваатай байх болзол тавьсан юм.  Товчхондоо Харумафүжи үзүүр, түрүү булаалдах хэмжээнд барилдаж, ердөө ганц л унах “эрхтэй”.

Аливаа сумочид ёкозуна цол хүртээх явц нь ийм байдаг. Шүүгчийн гурвалаас гаргасан саналыг Сумогийн холбооны ерөнхийлөгч хүлээн аваад, цол горилогчийн нэрийг  Ёкозунагийн зөвлөлд оруулдаг. Тус зөвлөлийн шийдвэр, нэг ёсондоо зөвлөмжийг Сумогийн холбооны Захирлуудын зөвлөл хэлэлцэж, эцсийн шийдвэрийг гаргадаг байна. Ёкозунагийн зөвлөлийн дүрэмд аварга цолыг хоёр башё дараалан түрүүлсэн, эсвэл түүнтэй дүйцэхүйц амжилт гаргасан бол цол горилогч болно гэжээ.

Сонирхуулахад, мэргэжлийн сумод мэндэлсэн сүүлийн долоон аварга хоёр дараалан түрүүлж байж ёкозуна цолонд хүрсэн ажээ. Тиймээс озэки Харумафүжи ч мөн аки башёд түрүүлэхийн төлөө бэлтгэл сургуулилтаа эрчимжүүлж буй. Тэрбээр намрын барилдааны өмнө дасгал сургуулилтаа шаруу хийж, их унтах, сакэ уухаа багасгаж, хоногийн 24 цагийн турш сумог бодох болно хэмээн амласан гэнэ.

С.Цэлмэг

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2011-08-16 202.126.91.246

amjilt turuuleerei

Avatar

nutgiin huu 2011-08-16 202.179.20.173

amjilt ama ta chadna aa Odoo sumod gantshan taniig l harah uldeed bga oor uzeh ym alga

Avatar

Зочин 2011-08-16 124.158.124.146

turuuleerei AMA

NewsMN Гар утасны хувилбар Татах
NEWS.mn

Мэдээллийн эх сурвалж