Монголчууд 2 алт, 2 хүрэл медаль хүртэв | News.MN

Монголчууд 2 алт, 2 хүрэл медаль хүртэв

Хуучирсан мэдээ: 2018.03.04-нд нийтлэгдсэн

Монголчууд 2 алт, 2 хүрэл медаль хүртэв

Монголчууд 2 алт, 2 хүрэл медаль хүртэв

ЗХУ-ын гавьяат дасгалжуулагч, Якутын анхны олимпийн аварга Роман Дмитриевийн дурсгалд зориулсан чөлөөт бөхийн залуучуудын олон улсын тэмцээн гуравдугаар сарын 2-4-ний өдрүүдэд ОХУ-ын Якутын  “Триумф” спортын ордонд болж өндөрлөлөө. Тус тэмцээнд  Азербайжан, Болгар, Казахстан, Грек, Израиль, Казахстан, Кыргызстан, Молдав, Монгол, Румын, Тажикистан, Узбекистан, БНСУ, ОХУ гэсэн 14 орны 150-иад тамирчин эрэгтэйчүүдийн 10 жинд өрсөлдсөн юм.

Зургаа дахь удаагаа зохион байгуулагдаж буй тус тэмцээнд Монгол Улсын 10 тамирчин зодоглосноос хоёр алт, хоёр хүрэл медаль хүртжээ. 

Уржигдар /2018.03.03/ 65 кг-ын жинд ОУХМ Т.Тулга алт, 86 кг-д Э.Батмагнай хүрэл медаль хүртсэн бол өчигдөр /2018.03.04/ тэмцээний сүүлийн өдөр 125 кг-ны жинд “Аварга” сургуулийн тамирчин ОУХМ Мөнхтөрийн Лхагвагэрэл алт, 92 кг-д “Хилчин” спорт хорооны тамирчин, спортын мастер Чинбатын Алтангэрэл хүрэл медаль хүртэв.

Р.Дмитриевийн тэмцээний хоёр дахь монгол аваргаар тодорсон М.Лхагвагэрэл шигшээ барилдаанд Узбекистаны Хасанбой Рахимовыг 2:2-оор илүүрхсэн бол Ч.Алтангэрэл Грекийн бөхийг ялжээ.

Тэмцээний нийт шагналын сан 1.3 сая рубль бөгөөд түрүүлсэн бөх 50, мөнгө 30, хүрэл 15, аваргын багшийг 20 мянган рублиэр шагнажээ. 

Эх сурвалж: МЧБХ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Хөх тэнгэр 2018-03-04 124.158.112.89

Энэ нэг чөлөөт бөхийг хэрэггүй төрөл мэт ярьж, бичиж байгаа нөхөр байна аа. Өөрөө бөх барилдаж үзээгүй, эсвэл дандаа ялагддаг эсвэл ер нь олигтой амжилт гаргаж үзээгүй нэгэн бололтой дог хөөрхийсдөө чааваас гэж. Дандаа л ялагдаад, дандаа л амжилт муутай байдаг энэ хүн чөлөөт бөхийг үзэн ядах арчаагүй, эр хүний шинжгүй, тун ч өрөвдмөөр замыг сонгосон бололтой дог. Монголын ард түмэн ялангуяа эрчүүдийн ихэнхи нь, бүр одоо охид бүсгүйчүүдийн нилээд хувь нь чөлөөт бөхийг сонирхдог болчихсон шүү дээ атаархагч, хорсогч, хэт гутрангуй үзэлтэн хүн гуай. Зүгээр л дуугай мөрөөрөө явж үз дээ. Чамайг тэнгэр дээрээс чинь харж л байгаа байх шүү хүнэнцэрээ.

Avatar

Зочин 2018-03-04 202.179.31.242

….М.Лхагвагэрэл шигшээ барилдаанд Узбекистаны Хасанбой Рахимовыг 2:2-оор илүүрхсэн бол…. тэнцээд сүүлийн оноогоор ялсан юм биш үү. Илүүрхээд гэдгийг ойлгохгүй бна.

Avatar

зочин 2018-03-04 66.181.166.196

энэ тийм ач холбогдолтой том тэмцээн үү, МЧБХ-ыхон чөлөөт бөхөө хүн бүр сонирхдог топ төрөл шиг сэтгээд хэнд ч хэрэггүй мэдээ тараагаад байх юм

NewsMN Гар утасны хувилбар Татах
NEWS.mn

Мэдээллийн эх сурвалж