Цасан шуурга шуурч цаг агаарын нөхцөл байдал хүндэрч эхэлсэн тул Авто тээврийн үндэсний төвөөс дараах чиглэлийн тээврийн хэрэгслийн хөдөлгөөнийг хязгаарлах шийдвэр гаргажээ. Тодруулбал, Завхан аймгийн Улиастайгаас Тосонцэнгэл, Архангай, Говь-Алтай, Увс, Ховд аймгийн чиглэлд орон нутгийн тээврийн хэрэгслийн хөдөлгөөнийг маргааш өдрийн 15.00 цаг хүртэл хязгаарласан байна.