С.Батболд: Монголын хөгжил цэцэглэлттэй “хүйн холбоо”-той улс төрийн хүчин | News.MN

С.Батболд: Монголын хөгжил цэцэглэлттэй “хүйн холбоо”-той улс төрийн хүчин

Хуучирсан мэдээ: 2018.03.01-нд нийтлэгдсэн

С.Батболд: Монголын хөгжил цэцэглэлттэй “хүйн холбоо”-той улс төрийн хүчин

С.Батболд: Монголын хөгжил цэцэглэлттэй “хүйн холбоо”-той улс төрийн хүчин

Эх орончдын өдөр, МАН байгуулагдсаны 97 жилийн ой өнөөдөр тохиож байна. Ойн хүрээнд МАН-д 97 шинэ гишүүн элсүүлэх арга хэмжээ Тусгаар тогтнолын ордонд болов.

Тус арга хэмжээний үеэр Нийслэлийн Засаг дарга бөгөөд Улаанбаатар хотын Захирагч, Нийслэлийн МАН-ын хорооны даргын үүрэг гүйцэтгэгч С.Батболд “Эх орончдын баярын өдөр, МАН буюу улс төрийн ууган хүчин байгуулагдсан давхар баярыг өнөөдөр тэмдэглэж байгаадаа баяртай байна. Парламентын гишүүнээр ажиллаж байх хугацаандаа гуравдугаар сарын 1-нийг “Эх орончдын баяр”-ын өдөр болгон тэмдэглэх тогтоолыг боловсруулж, УИХ-аар батлуулж байсан. Монголын ард түмэн энэ өдрийг Эх орончдын баярын өдөр гэдэг утгаар нь тэмдэглэдэг болсонд баяртай байна. МАН-ын түүх бол Монгол орны түүх юм. Тиймээс өнөөдөр “Эх орончдын баяр”, улс төрийн ууган хүчин МАН байгуулагдсаны ойн баярын мэндийг ард түмэндээ хүргэе. МАН бол улс орны тусгаар тогтнол бүтээн байгуулалт, хөгжил, цэцэглэлт, ирээдүйн хөгжилтэй салшгүй холбоотой. Үе үеийн намын гишүүд, дэмжигчдийнхээ хөдөлмөрөөр бахархаж, түүчээг нь алдалгүй өвлүүлэхийн тулд чармайхын зэрэгцээ хойч үе залуустаа ч түүхийн үнэнийг өгүүлэн, сурталчлан таниулж, эх орноо гэсэн сэтгэл зүтгэлээр дүүрэн явуулахын төлөө бид чармайн ажиллаж байна. Мөн сонгуулийн мөрийн хөтөлбөрөө биелүүлж, иргэдийнхээ итгэлийг алдахгүйн төлөө зүтгэж байна. Намын мөрийн хөтөлбөрөө хэрэгжүүлэхэд гишүүдийн оролцоо, хувь нэмэр маш чухал юм. Хамтдаа зүтгэж, мөрийн хөтөлбөрөө хэрэгжүүлж гэмээн манай нам улам батжиж, Улаанбаатар хот өнгөжин жавхаажна. Эх орныхоо тусгаар тогтнол, үндэсний аюулгүй байдлын түүчээ болсон Монгол Ардын Намд итгэл хүлээлгэн, бидэнтэй нэгдэж байгаа гишүүддээ талархал илэрхийлье” хэмээлээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-03-01 202.21.106.157

Эх орондоо хайртай хүнийг эх оронч гэнэ.
Эх орны эздийг нь монголчууд гэнэ.
Тэгээд эх орныхоо эздийг нь мянга мянгаар нь хоморголж алчихаад эх оронч болчихдог юм уу ???
Эсвэл эх орны төрийн эрх мэдлийг эзэмшигчийг эх оронч гэх юм уу??? Ойлгои гэж ядаж байна даа!!!!

Avatar

Зочин 2018-03-01 202.21.106.114

МАНгаруудаас бусад нь ЭХ ОРОНчид биш гэж байгаам биздээ …. Гуцвааа…муу улаан оросын гар хөлүүд…

NewsMN Гар утасны хувилбар Татах
NEWS.mn

Мэдээллийн эх сурвалж