Нийслэлийн Сүхбаатар дүүргийн 9 дүгээр хорооны нутаг дэвсгэрт үйл ажиллагаа явуулдаг “Хас гоёл” ХХК цианид бодисыг их хэмжээгээр, хууль бусаар ашиглаж байсныг хууль хүчний байгууллагаас илрүүлсэн байна. Уг компанитай холбоотой хэргийг цагдаагийн байгууллагаас үргэлжлүүлэн шалгаж байгаа талаар баттай эх сурвалж мэдээллээ.

Цианид натриг зөвхөн тусгай зөвшөөрлөөр ААН, байгууллага ашигладаг. Цианид нь хүний эрүүл мэнд, амь насанд аюултай химийн бодис тул холбогдох яам, мэргэжлийн байгууллагын дүгнэлтийг үндэслэн нарийн шалгуураар тусгай зөвшөөрөл олгодог байна. 2007 онд Дархан-Уул аймгийн Хонгор суманд цианид хууль бусаар ашигласнаас үүдэлтэй хэрэг гарч, нутгийн нутгийн олон арван иргэд хордож байсан юм.

Л.Халиу