Ойрын өдрүүдэд Москва хотод ихээхэн хүйтэрч байна. Тиймээс цэцэрлэгт хүрээлэнд өвөлждөг шувуудад үүр бэлдэж, гахайн давсгүй өөх /сало/, түүхий мах, бяслаг, наранцэцэгийн үр, будаа зэрэг хоол илүүчлэхийг  москвачуудад уриалсан байна.

Цаг уурын байгууллагын мэдээгээр сүүлийн өдрүүдэд Москва хотын агаарын хэм өдөртөө -10, шөнөдөө -20 хүрч байгаа юм.

Байгалт хамгаалагчдын хэлж байгаагаар хахир хүйтэн цагт шувуу болоод амьтад хангалттай хоол хүнсгүй байх гол аюул байдаг ажээ. “Хэрвээ амьтад гэдэс цатгалан байвал ямар ч хүйтнээс айлтгүй. Шувуудын биеийн хэм дунджаар 43 хэм байдаг. Хангалттай хоол тэжээлгүй үед биеийн дулаанаа хурдан алддаг” хэмээн нийслэл хотын байгаль, экологийг хариуцдаг “Мосприрода” мэдээлжээ.