БНСУ-ын Пёнчан хотод болж буй өвлийн олимпийн XXIII наадам өндөрлөхөд ердөө хоёр өдрийн тэмцээн үлдлээ. Хүн төрлөхтний цэнгэлийн манлай өвлийн олимпод 92 орны 2922 тамирчин спортын 15 төрөлд өрсөлдөж байгаа нь өмнөх бүх цагаан олимпийн амжилтыг эвдээд байна. Мөн Малайз, Сингапур, Нигери, Косово болон Эритреа, Эквадор улс өвлийн олимпод анх удаа оролцохоор Солонгосын хойгт ирсэн юм.

92 орноос медальд хүрсэн нь 29 орон болжээ. Тэднээс Норвеги, Германы баг 13 алтан медальтайгаар тэргүүлж эхэлсэн хэвээр байгаа бол Канад 10, АНУ, Нидерланд 6, Франц, Австри 5 алтан медальтайгаар эхний байруудад бичигдэж байна. Наадмыг зохион байгуулагч БНСУ шорт-трек, гүйлтийн тэшүүр болон скелетон төрлөөс нийт 12 медаль аваад байгаас дөрөв нь алтан медаль юм. Гэхдээ өмнөд солонгосчууд энэ удаа шорт-трек, тэшүүрийн төрөлд хангалттай байгаагүй зохион байгуулагчид мэдэгдээгүй байгаа.

Өчигдөр биатлон эрэгтэй багийн буухиа уралдаанаар өндөрлөсөн бөгөөд энэ төрөлд Швед, Норвеги, Герман улс медалийнхаа тоог нэмж чадсан юм. Үүнээс гадна өвлийн спортын хамгийн үзүүштэй төрлийн нэг болох уран гулгалтын эмэгтэйчүүдийн ганцаарчилсан төрөл явагдаж, Оросын олимпийн одод мөсөн талбайд онцгойрсон. Оросууд өчигдрийг хүртэл алтан медаль аваагүй байсан бөгөөд медаль авсан орны 15-т бичигдэж эхэллээ. Хойд хөршийн баг тамирчид сүүлийн өдрүүдэд болсон тэмцээнд алтан болон медалийн тоог нэмэх боломжтой юм.

МЕДАЛИЙН ЧАНАРЫГ ХҮСНЭГТЭЭР ХҮРГЭЕ.