Төрийн ордонг өнөөдрөөс гадаадын төлөөлөгчид “амь” оруулаад байна. Үдээс өмнө УИХ-ын дарга Г.Батхүүд Герман улсаас Монгол Улсад суух Онц бөгөөд бүрэн эрхт Элчин сайд Пиус Фишер уулзсан. Харин одоо Шадар сайд М.Энхболдод БНСУ-ын банкны ерөнхийлөгч Чон Со Ким тэргүүтэй төлөөлөгчид бараалхаад байна.

Дашрамд сануулахад, БНСУ-ын ерөнхийлөгч Ли Мен Баг Ерөнхийлөгч Ц.Элбэгдоржийн урилгаар Монгол Улсад энэ сарын 21-23-ны хооронд төрийн айлчлал хийх болж тов нь зарлагдаад байгаа бөгөөд түүний угтал болсон арга хэмжээнүүд ийнхүү Төрийн ордонд болж буй нь энэ юм.